Breaking
News
Breaking
News
Breaking
News
21-May-2026
ଦ୍ୱିଦିବସୀୟ ଶିକ୍ଷାଦାନ ଶିକ୍ଷଣ ସାମଗ୍ରୀ କର୍ମଶାଳା ଅନୁଷ୍ଠିତ,
ଶିକ୍ଷାଦାନ କ୍ଷେତ୍ରରେ ଶିକ୍ଷଣ ସାମଗ୍ରୀ ଗୁରୁତ୍ୱପୂର୍ଣ୍ଣ,
ଓଡିଶା ଜନ ମତ ବ୍ୟୁରୋ,
ଖଲ୍ଲିକୋଟ ଗୋଷ୍ଠୀ ଶିକ୍ଷା ଅଧିକାରୀଙ୍କ କାର୍ଯ୍ୟାଳୟ ତରଫରୁ ଦ୍ୱିଦିବସୀୟ ଶିକ୍ଷାଦାନ ଶିକ୍ଷଣ ସାମଗ୍ରୀ କର୍ମଶାଳା ସ୍ଥାନୀୟ ଶ୍ରୀ ମର୍ଦ୍ଦରାଜ ଉଚ୍ଚ ବିଦ୍ୟାଳୟ ପରିସରରେ ଆନୁଷ୍ଠାନିକ ରୀତିରେ ଅନୁଷ୍ଠିତ ହୋଇଯାଇଛି । ଖଲ୍ଲିକୋଟ ବ୍ଲକ ଗୋଷ୍ଠୀ ଶିକ୍ଷା ଅଧିକାରୀ ରୁଦ୍ର ନାରାୟଣ ସାହୁଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ କର୍ମଶାଳା ସୂଚାରୁ ରୂପେ ସମ୍ପନ୍ନ ହୋଇଛି । ଆୟୋଜିତ କର୍ମଶାଳାରେ ଷୋହଳଟି କ୍ଲଷ୍ଟର ଅଧୀନସ୍ଥ ବିଦ୍ୟାଳୟର ବହୁ ଅଭିଜ୍ଞତା ସମ୍ପନ୍ନ ଶିକ୍ଷକ ଶିକ୍ଷୟିତ୍ରୀ ଶିକ୍ଷାଦାନ ଶିକ୍ଷଣ ସାମଗ୍ରୀ ପ୍ରସ୍ତୁତି କର୍ମଶାଳାରେ ଯୋଗଦାନ କରିଥିଲେ । କର୍ମଶାଳାରେ ସରକାରୀ ଉନ୍ନୀତ ଉଚ୍ଚ ବିଦ୍ୟାଳୟ, କଞ୍ଚଣାର କଳା ଶିକ୍ଷକ ସୁନୀଲ କୁମାର ପଟ୍ଟନାୟକ, ସରକାରୀ ଉନ୍ନୀତ ଉଚ୍ଚ ବିଦ୍ୟାଳୟ, କେଶପୁରର କଳା ଶିକ୍ଷକ ହରିହର ବେହେରା, ସରକାରୀ ଉନ୍ନୀତ ଉଚ୍ଚ ବିଦ୍ୟାଳୟ, ଡିମିରିଆର କଳା ଶିକ୍ଷକ ପ୍ରିୟ ରଞ୍ଜନ ସାମନ୍ତ, ପି. ଏମ୍. ଶ୍ରୀ ଉଚ୍ଚ ପ୍ରାଥମିକ ବିଦ୍ୟାଳୟ, ଫାସୁଳାର କଳା ଶିକ୍ଷକ ଅଶ୍ୱିନୀ କୁମାର ବେହେରା ପ୍ରମୁଖ ସମ୍ବଳ ଶିକ୍ଷକ ରୂପେ ଯୋଗ ଦେଇ କର୍ମଶାଳାରେ ଭାଗନେଇଥିବା ଶିକ୍ଷକ ଶିକ୍ଷୟିତ୍ରୀଙ୍କୁ ବିଭିନ୍ନ ଜିନିଷରେ କିଭଳି ଶିକ୍ଷାଦାନ ଶିକ୍ଷଣ ପାଇଁ ଆବଶ୍ୟକୀୟ ସାମଗ୍ରୀ ପ୍ରସ୍ତୁତି ହୋଇପାରିବ, ସେଗୁଡ଼ିକ କିପରି ଆକର୍ଷଣୀୟ, ଛାତ୍ର ଛାତ୍ରୀଙ୍କ ପସନ୍ଦ ଯୋଗ୍ୟ ହୋଇପାରିବ ସେ ସମ୍ପର୍କରେ ପ୍ରଶିକ୍ଷଣ ପ୍ରଦାନ କରିଥିଲେ । ସମସ୍ତ ଅଂଶଗ୍ରହଣକାରୀଙ୍କୁ ଡ୍ରଇଂ ସିଟ୍, କଲର, ପେନସିଲ, ରବର ତଥା ଅନ୍ୟାନ୍ୟ ଅତ୍ୟାବଶ୍ୟକ ଜିନିଷ ଯୋଗାଇ ଦିଆଯାଇଥିଲା । ଦ୍ୱିତୀୟ ଦିବସରେ ଅଂଶ ଗ୍ରହଣକାରୀଙ୍କୁ ପ୍ରୋତ୍ସାହିତ କରିବା ପାଇଁ ଏକ ଉଦଯାପନୀ ଉତ୍ସବର ଆୟୋଜନ କରାଯାଇଥିଲା । ଆଭାସ କ୍ଲଷ୍ଟରର ଆଞ୍ଚଳିକ ସାଧନ କେନ୍ଦ୍ର ସଂଯୋଜକ କୃଷ୍ଣଚନ୍ଦ୍ର ପରିଡ଼ା ଉତ୍ସବର ସଂଯୋଜନା, ପରିଚାଳନା କରିଥିଲା ବେଳେ ଗୋଷ୍ଠୀ ଶିକ୍ଷା ଅଧିକାରୀ ରୁଦ୍ର ନାରାୟଣ ସାହୁ, ବି ଆର୍ ସି ସି ସୁଶ୍ରୀ ସୁଷମା ଶବର, ସରକାରୀ ଚାରୁ ଓ କାରୁକଳା ମହାବିଦ୍ୟାଳୟର ପେଣ୍ଟିଂ ବିଭାଗ ଅଧ୍ୟାପକ ବିପିନ କୁମାର ମାର୍ଥା ସ୍ୱତନ୍ତ୍ର ଅତିଥି ଭାବେ ଯୋଗଦାନ କରି ଶିକ୍ଷାଦାନ କ୍ଷେତ୍ରରେ ଶିକ୍ଷଣ ସାମଗ୍ରୀର ପ୍ରୟୋଜନତା, ପାଖକୁ ସହଜରେ ବୁଝିବା ପାଇଁ ଉପଯୁକ୍ତ ଶିକ୍ଷଣ ସାମଗ୍ରୀକୁ ଶ୍ରେଣୀ ଗୃହରେ ବ୍ୟବହାର, କଳାତ୍ମକ ରୀତିରେ ପାଠ୍ୟକ୍ରମ ଶିକ୍ଷାଦାନ ଆଦି ବହୁବିଧ ଦିଗ ସମ୍ପର୍କରେ ଆଲୋଚନା କରିଥିଲେ । ସମ୍ବଳ ଶିକ୍ଷକଙ୍କ ଦ୍ୱାରା କୃତ ଗୋଷ୍ଠୀ ଶିକ୍ଷା ଅଧିକାରୀଙ୍କ ପୋଟ୍ରେଟକୁ ଉତ୍ସବରେ ଶିକ୍ଷା ଅଧିକାରୀଙ୍କୁ ପ୍ରଦାନ କରାଯାଇଥିଲା । ସେ ଉକ୍ତ ପୋଟ୍ରେଟକୁ ଉଚ୍ଚ ପ୍ରଶଂସା କରିଥିଲେ । ସମସ୍ତ ଶିକ୍ଷଣ ସାମଗ୍ରୀ ପ୍ରସ୍ତୁତକାରୀ ଶିକ୍ଷକ ଶିକ୍ଷୟିତ୍ରୀଙ୍କୁ ଉତ୍ସବରେ ମାନପତ୍ର ସହିତ ସମ୍ବର୍ଦ୍ଧିତ କରାଯାଇଥିଲା । ଅନୁଷ୍ଠିତ କର୍ମଶାଳାରେ ସି ଆର ସି ସି ପ୍ରମୋଦ କୁମାର ପ୍ରଧାନ, ଅନାଥ ବେହେରା, ରାଜେନ୍ଦ୍ର ପ୍ରସାଦ ପଣ୍ଡା, ସୁଶୀଲ କୁମାର ପଣ୍ଡା, ଲିପନ ପଣ୍ଡା, ପ୍ରଜ୍ଞା କୁମାର ପଟ୍ଟନାୟକ, ପବନା ସ୍ୱାଇଁ, ଶୁଭେନ୍ଦୁ କୁମାର ରାଉତ, ପ୍ରଶାନ୍ତ କୁମାର ସେଠୀ, ପବିତ୍ର କୁମାର ବେହେରା, ଡକ୍ଟର ଦ୍ୱାରିକାନାଥ ମହାରଣାଙ୍କ ସମେତ ବହୁ ବରିଷ୍ଠ ଶିକ୍ଷକ ଶିକ୍ଷୟିତ୍ରୀ ଉପସ୍ଥିତ ଥିଲେ ।
ଡକ୍ଟର ଦ୍ୱାରିକାନାଥ ମହାରଣା
ଖଲ୍ଲିକୋଟ, ଗଂଜାମ
Copyright @ 2024 All rights reserved. ଓଡିଶା ଜନମତ
BACK TO TOP