Odisha Janamata : ଭିଜିଲାନ୍ସ ହାତରେ ଧରା ପଡିଲେ R W S S ସହକାରୀ ଯନ୍ତ୍ରୀ |

ଭିଜିଲାନ୍ସ ହାତରେ ଧରା ପଡିଲେ R W S S ସହକାରୀ ଯନ୍ତ୍ରୀ |

21-May-2026

ଭିଜିଲାନ୍ସ ଜାଲରେ ପଡିଲେ, RWSS ସହକାରୀ ଯନ୍ତ୍ରୀ

ଓଡିଶା ଜନମତ ରାୟଗଡ଼ା,୨୧/୦୫,

କାମେଶ୍ୱର କରକରିଆ :-----

ପୁଣି ରାୟଗଡ଼ାରେ ଭିଜିଲାନ୍ସ ଜାଲରେ ପଡ଼ିଛନ୍ତି ଜଣେ ଯନ୍ତ୍ରୀ, ଯନ୍ତ୍ରୀ ଜଣକ ହେଲେ କୋଲନରା ବ୍ଲକ RWSS ସହକାରୀ ଯନ୍ତ୍ରୀ ମଳୟ କୁମାର ନାୟକ। ଆୟ ବହିଭ୍ତତ ସମ୍ପତ୍ତି ଠୁଲ ଅଭିଯୋଗ ରେ ଭିଜିଲାନ୍ସ ବିଭାଗ ଚଢ଼ାଉ କରିଛି। ରାୟଗଡା ରୋହିତ କଲୋନୀରେ ରହୁଥିବା ଭଡାଘର ଓ ବ୍ରହ୍ମପୁର ର ୬ଟି ସ୍ଥାନରେ ଭିଜିଲାନ୍ସ ର ସ୍ବତନ୍ତ୍ର ଟିମ୍ ଚଢ଼ାଉ କରିଛି। ଭିଜିଲାନ୍ସ ଅଧିକାରୀ ବୈଦେଇ ବେହେରାଙ୍କ ନେତୃତ୍ବରେ ଏହି ଟିମ୍ ଚଢ଼ାଉ ଜାରି ରଖିଛି। ରାୟଗଡା ବ୍ଲକ କୋଲନରା ବ୍ଲକର ସହକାରୀ ଯନ୍ତ୍ରୀ ଶ୍ରୀ ନାଏକଙ୍କ ନାମରେ ଏକ ଅଭିଯୋଗ ହୋଇଥିଲା। ଏନେଇ ଆଜି ବ୍ରହ୍ମପୁର ଭିଜିଲାନ୍ସ ବିଭାଗ ପକ୍ଷରୁ ଚଢାଉ କରାଯାଇଛି। ସହକାରୀ ଯନ୍ତ୍ରୀ ମଳୟ କୁମାର ନାୟକଙ୍କ ସ୍ଥାଵର ଓ ଅସ୍ଥାବର ସମ୍ପତି ଯାଞ୍ଚ୍ କରିବା ସହ ଘରେ ଥିବା ସୁନା ଅଳଙ୍କାର, ବ୍ଯାଙ୍କ କାଗତପତ୍ର,ଇନସ୍ଯୁରେନ୍ସ ସହ ଅନ୍ଯାନ କାଗଜପତ୍ର ଜବତ କରିଛି ଭିଜିଲାନ୍ସ ବିଭାଗ। ଏନେଇ ଭିଜିଲାନ୍ସ ବିଭାଗ କୈଣସି ପ୍ରତିକ୍ରିୟା ଦେଇନାହିଁ।