Odisha Janamata : କୋଟ ପାରା ଠାରେ ସାର ବୋଝେଇ ଟ୍ରକ ଦୁର୍ଘଟଣା ଗ୍ରସ୍ତ, |

କୋଟ ପାରା ଠାରେ ସାର ବୋଝେଇ ଟ୍ରକ ଦୁର୍ଘଟଣା ଗ୍ରସ୍ତ, |

21-May-2026

ନବରଙ୍ଗପୁର ରାଇଘର ନିକଟରେ ସାର ବୋଝେଇ ଟ୍ରକ ଦୁର୍ଘଟଣାଗ୍ରସ୍ତ, ଡ୍ରାଇଭର ମୃତ,

ଓଡିଶା ଜନ ମତ ବ୍ୟୁରୋ, ଆଜି ପୁଣି ଏକ ସାର ବୋଝେଇ ଟ୍ରକ ଦୁର୍ଘଟଣା ଘଟି ସେଥିରେ ଥିବା ଚାଳକ (ଡ୍ରାଇଭର )ଙ୍କ ମୃତ୍ୟୁ ଘଟିଛି | ଏପରି ଏକ ଦୁଃଖଦ ଘଟଣା ଦେଖିବାକୁ ମିଳିଛି ନବରଙ୍ଗପୁରଜିଲ୍ଲା ରାଇଘର ନିକଟସ୍ଥ କୋଟପାରାଠାରେ ଆଜି ସକାଳୁ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ଜୟପୁରରୁ ଆସୁଥିବା ଏକ ସାର ବୋଝେଇ ଟ୍ରକ ଭାରସାମ୍ୟ ହରାଇ ରାସ୍ତା କଡ଼ରେ ଥିବା ଏକ ଗଛକୁ ପିଟି ହେବା ଫଳରେ ଘଟଣାସ୍ଥଳରେ ହିଁ ଟ୍ରକ୍ ଡ୍ରାଇଭରଙ୍କ ମୃତ୍ୟୁ ଘଟିଛି। ମୃତ ଡ୍ରାଇଭର ଜଣକ ଜୟପୁର କେନ୍ଦୁଗୁଡା ଗ୍ରାମର କାନ୍ତ ବୋଲି ସୂଚନା ମିଳିଛି । ସୂଚନା ଅନୁଯାୟୀ ଆଜି ସକାଳ ପ୍ରାୟ ୭ଟା ସମୟରେ ଜୟପୁରରୁ ଏକ ସାର ବୋଝେଇ ଟ୍ରକ୍ ( ଗାଡ଼ି ନମ୍ବର ସିଜି ୧୮ କେ ୪୫୮୬) ରାଇଘର ଲ୍ୟାମ୍ପ ଅଭିମୁଖେ ଆସୁଥିଲା। ରାଇଘରଠାରୁ ମାତ୍ର ଗୋଟିଏ କିଲୋମିଟର ପୂର୍ବରୁ କୋଟପାରାଠାରେ ଟ୍ରକଟି ଭାରସାମ୍ୟ ହରାଇ ରାସ୍ତା କଡ଼ରେ ଥିବା ଗଛରେ ପିଟି ହୋଇଯାଇଥିଲା l ଦୁର୍ଘଟଣାଟି ଏତେ ଭୟଙ୍କର ଥିଲା ଯେ, ଟ୍ରକ୍‌ଟି ଦୁଇ ଗଛକୁ ପିଟି ଓଲଟି ପଡିଯାଇଥିଲା l ଡ୍ରାଇଭର କାନ୍ତ ଟ୍ରକ୍ ଭିତରେ ଚାପି ହୋଇ ରହିଯିବା ଫଳରେ ଉଦ୍ଧାର ହୋଇ ନପାରି ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ଘଟିଥିଲା l ଖବର ପାଇ ରାଇଘର ପୋଲିସ ଏବଂ ଅଗ୍ନିଶମ ବାହିନୀ ତୁରନ୍ତ ଘଟଣାସ୍ଥଳରେ ଉଦ୍ଧାର କାର୍ଯ୍ୟ ଜାରି ରଖିବା ସହିତ ତଦନ୍ତ ଆରମ୍ଭ କରିଛନ୍ତି । ଅନ୍ୟପଟେ ଅଭାବି ସାର ବିକ୍ରି ଏବଂ ସାର ଆବଶ୍ୟକତା ଦୃଷ୍ଟିରୁକି ଟ୍ରକରୁ ସାରକିଏ ଚୋରେଇ ନେଇଯିବ ସେଥିପାଇ ଟ୍ରକ ଉପରେ ପ୍ରଶାସନ ଏବଂ ପୁଲିସ କଡ଼ା ନଜର ରଖିଛି |