Odisha Janamata : 32 ବର୍ଷ ପରେ ମା ଡାଳ ଖାଇ ପିଠରେ ଏକାଠି ହେଲେ 1993 ବେଚର ସହପାଠୀ, ହେଲା ବନ୍ଧୁ ମିଳନ |

32 ବର୍ଷ ପରେ ମା ଡାଳ ଖାଇ ପିଠରେ ଏକାଠି ହେଲେ 1993 ବେଚର ସହପାଠୀ, ହେଲା ବନ୍ଧୁ ମିଳନ |

24-May-2026

୩୨ ବର୍ଷ ପରେ ଏକାଠି ହେଲେ ସହପାଠୀ ; ମା ଡାଳଖାଇ ପୀଠରେ ଜମିଲା ୧୯୯୩ ବେଚ୍‌ର ବନ୍ଧୁ ମିଳନ।

ଓଡିଶା ଜନ ମତ,ଖଲ୍ଲିକୋଟ, ବିକାଶ କୁମାର ସାହୁ,

୨୪-୫-୨୦୨୬:----

ଖଲ୍ଲିକୋଟ ବ୍ଲକ ଅନ୍ତର୍ଗତ ସାନ ଘାଟି ସ୍ଥିତ ମା ଡାଳଖାଇ ପୀଠ ପରିସରରେ କେଶପୁର ଉଦୟନାଥ ବିଦ୍ୟାପୀଠର 1993 ବେଚ୍‌ର ୫୪ ଛାତ୍ରୀଛାତ୍ର ଙ୍କ ବନ୍ଧୁ ମିଳନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଦୀର୍ଘ ୩୨ ବର୍ଷ ପରେ ପୁଣିଥରେ ଏକାଠି ହୋଇଥିଲେ ସେହି ସମୟର ସହପାଠୀମାନେ। ଏହି ବନ୍ଧୁ ମିଳନ କାର୍ଯ୍ୟକ୍ରମରେ 1993 ବେଚ୍‌ର ସମସ୍ତ ସହପାଠୀ ନିଜ ନିଜ ପରିବାର ସହିତ ସାମିଲ ହୋଇଥିଲେ। ଛାତ୍ରୀଛାତ୍ର ଜୀବନର ବହୁ ବର୍ଷ ପରେ ପୁରୁଣା ସ୍ମୃତିକୁ ତାଜା କରି ସମସ୍ତଙ୍କ ମଧ୍ୟରେ ଦେଖିବାକୁ ମିଳିଥିଲା ଅନନ୍ୟ ଉତ୍ସାହ ଓ ଭାବନାର ମିଶ୍ରଣ ।ଏହି କାର୍ଯ୍ୟକ୍ରମରେ ପୁରୁଣା ଦିନର ଅନୁଭୂତି, ସ୍କୁଲ ଜୀବନର ସ୍ମୃତିଚାରଣ, ସାଂସ୍କୃତିକ ପରିବେଷଣ ଏବଂ ପରସ୍ପର ସହ ଆଲୋଚନା ମାଧ୍ୟମରେ ପରିବେଶ ଉତ୍ସବମୁଖର ହୋଇଉଠିଥିଲା। ସହପାଠୀମାନେ କହିଥିଲେ ଯେ, ସମୟ ବଦଳିଥିଲେ ମଧ୍ୟ ସ୍କୁଲ ଜୀବନର ସମ୍ପର୍କ ଓ ବନ୍ଧୁତ୍ୱ ଆଜିବି ସେହିଭଳି ଅତୁଟ ରହିଛି। ଏଭଳି ବନ୍ଧୁ ମିଳନ ଆଗାମୀ ଦିନରେ ମଧ୍ୟ ଜାରି ରହିବ ବୋଲି ସେମାନେ ମତ ପ୍ରକାଶ କରିଥିଲେ। ଏହି କାର୍ଯ୍ୟକ୍ରମରେ ଲକ୍ଷ୍ମଣ କୁମାର ରଥ, ଶ୍ରୀକାନ୍ତ କୁମାର ପାତ୍ର, ପ୍ରଭାତ ଶିଶିର ପଣ୍ଡା, ସୁଜିତ୍ କୁମାର ଆଚାର୍ଯ୍ୟ, ଜିଲ୍ଲା ପରିଷଦ ବିନାୟକ ଜାଲି, ନଳିନୀ କାନ୍ତ ପଣ୍ଡା, ସୁରେନ୍ଦ୍ର ସାହୁ,ସୁନିତା ପରିଡା, ଅଭିମନ୍ୟୁ ପାହାନ୍, ନମିତା ମିଶ୍ର, ସୁବର୍ଣ୍ଣ ମାଳା ପାତ୍ର, ଗୟସ ରଥ ଙ୍କ ସହ ସମସ୍ତ ସହପାଠୀ ନିଜ ନିଜ ପରିବାର ସହିତ ଉପସ୍ଥିତ ଥିଲେ ।