Breaking
News
Breaking
News
Breaking
News
24-May-2026
କିଶୋର ପଲେଇ ବିଜ୍ଞାନ ଉଚ୍ଚ ମାଧ୍ୟମିକ ବିଦ୍ୟାଳୟ ପରିସରରେ ସ୍ୱେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ।
ଓଡିଶା ଜନ ମତ, ବିକାଶ କୁମାର ସାହୁ,,
ଖଲ୍ଲିକୋଟ ୨୪-୫-୨୦୨୬ :----
ଖଲ୍ଲିକୋଟ ବ୍ଲକ ଅନ୍ତର୍ଗତ ଲଙ୍ଗଳେଶ୍ବର ସ୍ଥିତ କିଶୋର ପଲେଇ ବିଜ୍ଞାନ ଉଚ୍ଚ ମାଧ୍ୟମିକ ବିଦ୍ୟାଳୟ ପରିସରରେ ଖଲ୍ଲିକୋଟ ବିଜେପି ପକ୍ଷରୁ ଏକ ସ୍ୱେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇ ଯାଇଛି। ଯୁବପିଢ଼ୀଙ୍କ ମଧ୍ୟରେ ସେବାଭାବ ଓ ସଚେତନତା ସୃଷ୍ଟି କରିବା ଲକ୍ଷ୍ୟରେ ଏହି ଶିବିର ଆୟୋଜିତ ହୋଇଥିଲା।ଏହି ସ୍ୱେଚ୍ଛାକୃତ ରକ୍ତଦାନ ଶିବିରରେ ଅଞ୍ଚଳର ବହୁ ଯୁବକ ଓ ସମାଜସେବୀ ସାମିଲ ହୋଇ ରକ୍ତଦାନ କରିଥିଲେ । ରବିବାରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଗଞ୍ଜାମ ଜିଲ୍ଲା ଯୋଜନା ବୋର୍ଡ ଅଧ୍ୟକ୍ଷ ତଥା ଖଲ୍ଲିକୋଟ ବିଧାୟକ ପୂର୍ଣ୍ଣ ଚନ୍ଦ୍ର ସେଠୀ ଯୋଗଦେଇ ଦୀପ ପ୍ରଜ୍ଜ୍ୱଳନ କରି ଶିବିରର ଶୁଭାରମ୍ଭ କରିଥିଲେ । ନିଜ ଉଦ୍ବୋଧନରେ ସେ କହିଥିଲେ ଯେ, ରକ୍ତଦାନ କେବଳ ଏକ ଦାନ ନୁହେଁ, ଏହା ହେଉଛି ଜୀବନଦାନ । ଜରୁରୀ ସମୟରେ ଗୋଟିଏ ୟୁନିଟ୍ ରକ୍ତ କାହାର ଜୀବନ ବଞ୍ଚାଇ ପାରେ ବୋଲି ସେ କହିବା ସହ ଯୁବପିଢ଼ୀଙ୍କୁ ନିୟମିତ ରକ୍ତଦାନ ପାଇଁ ଆଗେଇ ଆସିବାକୁ ଆହ୍ୱାନ ଦେଇଥିଲେ । ଏହି ରକ୍ତ ଦାନ ଶିବିର ରେ ୬୫ ୟୁନିଟ ବ୍ଲଡ଼ ସଂଗ୍ରହ ହୋଇଥିଲା।ଏହି କାର୍ଯ୍ୟକ୍ରମରେ ଯୁବ ବିଜେପି ନେତା କାଳୁରାମ ମହାରଣା, ମନୋଜ କୁମାର ପ୍ରଧାନ, ଶ୍ରୀକାନ୍ତ ମଲ୍ଲିକ, ବରିଷ୍ଠ ନେତା ପଦ୍ମ ଚରଣ ସୁବୁଦ୍ଧି,, ମଣ୍ଡଳ ସଭାପତି ମିଟୁ ସ୍ୱାଇଁ ଓ ପଙ୍କଜ ମାଝୀଙ୍କ ସହ ସ୍ଥାନୀୟ ସ୍ୱେଚ୍ଛାସେବୀ ଏବଂ ମେଡିକାଲ ଟିମ୍ ସହଯୋଗ କରିଥିଲେ ।
Copyright @ 2024 All rights reserved. ଓଡିଶା ଜନମତ
BACK TO TOP