Odisha Janamata : ବ୍ରହ୍ମପୁର ସହର ରେ ପୁଣି ଜଣଙ୍କୁ ମାରଣାନ୍ତକ ଆକ୍ରମଣ, ଏବଂ ଫେରାର ଅଭିଯୁକ୍ତ କୁ ଠାବ କରି ପୁଲିସିର ଏନ କାଉଣ୍ଟର |

ବ୍ରହ୍ମପୁର ସହର ରେ ପୁଣି ଜଣଙ୍କୁ ମାରଣାନ୍ତକ ଆକ୍ରମଣ, ଏବଂ ଫେରାର ଅଭିଯୁକ୍ତ କୁ ଠାବ କରି ପୁଲିସିର ଏନ କାଉଣ୍ଟର |

25-May-2026

ବ୍ରହ୍ମପୁର ସହରରେ ପୁଣି ଜଣେ ଯୁବକ କୁ ମାରଣାନ୍ତକ ଆକ୍ରମଣ ଓ ପୋଲିସ୍ ଗୁଳିରେ ଗୁରୁତର ଅଭିଯୁକ୍ତ ଡାକ୍ତରଖାନାରେ ଭର୍ତ୍ତି।

ଓଡିଶା ଜନ ମତ, ବ୍ରହ୍ମପୁର, କୈଳାଶ ଚନ୍ଦ୍ର ଚୌଧୁରୀ :-----

ବଡ଼ବଜାର ଥାନା ଅନ୍ତର୍ଗତ ଅମ୍ବିକା ନଗର ଛକରେ ପୁର୍ବ ଶତ୍ରୁତାକୁ କେନ୍ଦ୍ରକରି ମଙ୍ଗଳୁ ବେହେରା ନାମକ ଜଣେ ଯୁବକ କୁ କିଛି ଯୁବକ ଗୋଡ଼ାଇ ଗୋଡ଼ାଇ ଖଣ୍ଡା ରେ ଆକ୍ରମଣ କରିଥିଲେ ଓ ମରି ଯାଉଥିବା ଭାବି ତାକୁ ଛାଡ଼ି ଘଟଣାସ୍ଥଳରୁ ଚମ୍ପଟ୍ ମାରିଥିଲେ। ଖବର ପାଇ ପରିବାର ଲୋକେ ତାଙ୍କୁ ଉଦ୍ଧାର କରି ଚିକିତ୍ସା ପାଇଁ ଡାକ୍ତରଖାନାରେ ଭର୍ତ୍ତି କରିଥିଲେ ଓ ପୋଲିସ କୁ ଅଭିଯୋଗ କରିଥିଲେ। ପୋଲିସ ଅଭିଯୋଗ ଗ୍ରହଣ କରି ତତକ୍ଷଣାତ୍ ପଦକ୍ଷେପ ସ୍ବରୂପ ଅଭିଯୁକ୍ତ ଜଗା ର ସନ୍ଧାନ ପାଇ ସୁକୁଣ୍ଡା ଗ୍ରାମରେ ଚଢ଼ାଉ କରିଥିଲେ। ପୋଲିସ କୁ ଦେଖି ଜଗା ବୋମାମାଡ କରି ଚମ୍ପଟ୍ ମାରିବା ପାଇଁ ଚେଷ୍ଟା କରୁଥିବା ବେଳେ ପୋଲିସ ର ପାଲଟା ଗୁଳି ରେ ଆହତ ହୋଇ ତଳେ ପଡିଯାଇ ଥିଲା | ପୋଲିସ ତାକୁ କାବୁ କରି ଚିକିତ୍ସା ପାଇଁ ବ୍ରହ୍ମପୁର ବଡ଼ ଡ଼ାକ୍ତରଖାନାରେ ଭର୍ତ୍ତି କରି ଘଟଣାର ତଦନ୍ତ ଆରମ୍ଭ କରିଛନ୍ତି। ବର୍ତମାନ ବ୍ରହ୍ମପୁର ସହରର ସମ୍ବେଦନଶୀଳ ପରିସ୍ଥିତି ନେଇ ଅପରାଧୀ ନିୟନ୍ତ୍ରଣ କୁ ଦୃଷ୍ଟିରେ ରଖି ଏହି ଏକ ସପ୍ତାହ ମଧ୍ୟରେ ପୋଲିସ ୩ ଜଣକୁ ଏନ୍କାଉଣ୍ଟର କରିଛନ୍ତି।