Odisha Janamata : ଖଲ୍ଲିକୋଟ ମଧ୍ୟରାତ୍ର ରେ ମୋରମ ମାଫିଆଙ୍କ ଉପରେ ପ୍ରଶାସନ ର ଚଢ଼ାଉ ||

ଖଲ୍ଲିକୋଟ ମଧ୍ୟରାତ୍ର ରେ ମୋରମ ମାଫିଆଙ୍କ ଉପରେ ପ୍ରଶାସନ ର ଚଢ଼ାଉ ||

04-Jun-2026

ମୋରମ ମାଫିଆଙ୍କ ଉପରେ ମଧ୍ୟରାତ୍ରୀରେ ବଡ଼ ଚଢ଼ାଉ !
ରାଜସ୍ୱ ବିଭାଗ ଓ ପୋଲିସର ମିଳିତ ଅପରେସନ୍‌,୨ହାଇୱା ସହ ଜେସିବି ଜବତ।
ଓଡିଶା ଜନ ମତ, ଖଲ୍ଲିକୋଟ ୪-୨-୨୦୨୬,

ପ୍ରଶାନ୍ତ କୁମାର ମିଶ୍ର, :----

ଖଲ୍ଲିକୋଟ ରେ ମୋରମ ମାଫିଆଙ୍କ ବିରୋଧରେ ପ୍ରଶାସନର କାର୍ଯ୍ୟାନୁଷ୍ଠାନ। ବୁଧବାର ବିଳମ୍ବିତ ରାତିରେ ବେଆଇନ ଭାବେ ମୋରମ ଚୋରା ଚାଲାଣ ଚାଲିଥିବା ବେଳେ ରାଜସ୍ୱ ବିଭାଗ ଓ ଖଲ୍ଲିକୋଟ ପୋଲିସର ମିଳିତ ଚଢ଼ାଉରେ ୨ଟି ହାଇୱା ଏବଂ ଗୋଟିଏ ଜେସିବି ଜବତ କରାଯାଇଛି। ଜବତ ଗାଡ଼ିଗୁଡ଼ିକୁ ଖଲ୍ଲିକୋଟ ଥାନାରେ ଅଟକ ରଖାଯାଇଥିବା ବେଳେ ଘଟଣାର ତଦନ୍ତ ଜାରି ରହିଛି।ଖଲ୍ଲିକୋଟ ବ୍ଲକର ବିଭିନ୍ନ ଅଞ୍ଚଳରୁ ବେଆଇନ ଭାବେ ମୋରମ ଉତ୍ତୋଳନ କରାଯାଇ ଚୋରା ଚାଲାଣ ହେଉଥିବା ନେଇ ପ୍ରଶାସନ ନିକଟରେ ସୂଚନା ପହଞ୍ଚିଥିଲା। ଏହାପରେ ଖଲ୍ଲିକୋଟ ତହସିଲଦାର ଡି. ମାଲେଶ୍ଵର ପାତ୍ରଙ୍କ ନିର୍ଦ୍ଦେଶ କ୍ରମେ ଅତିରିକ୍ତ ତହସିଲଦାର ମାନସ ରଞ୍ଜନ ବେହେରାଙ୍କ ନେତୃତ୍ୱରେ ରାଜସ୍ୱ ବିଭାଗର କର୍ମଚାରୀ ଓ ଖଲ୍ଲିକୋଟ ପୋଲିସ ମିଳିତ ଭାବେ ବିଳମ୍ବିତ ରାତିରେ ଚଢ଼ାଉ କରିଥିଲେ।ଚଢ଼ାଉ ବେଳେ ଘଟଣାସ୍ଥଳରୁ ମୋରମ ବୋଝେଇ ୨ଟି ହାଇୱା ଏବଂ ଖନନ କାର୍ଯ୍ୟରେ ବ୍ୟବହୃତ ଗୋଟିଏ ଜେସିବିକୁ ଜବତ କରାଯାଇଥିଲା। ପରେ ସମସ୍ତ ଗାଡ଼ିକୁ ଖଲ୍ଲିକୋଟ ଥାନାରେ ଅଟକ ରଖାଯାଇଛି।ଏହି ବେଆଇନ ମୋରମ କାରବାର ଦୀର୍ଘ ଦିନ ଧରି ଖଲ୍ଲିକୋଟ ଅଞ୍ଚଳରେ ଚାଲିଛି , ପ୍ରଶାସନ ଜାଣିଶୁଣି ରାତିଅଧିଆ କାରବାର ହେଉଛି, ଯେଉଁମାନେ ଖାପ ଖୁଆଇ କରି ପାରୁ ନାହାଁନ୍ତି ସେମାନେ ହି ଧରପଗଡ଼ ଚଢାଉ ର ଶିକାର ହେଉଛନ୍ତି। ମୋରମ ମାଫିଆଙ୍କ ବିରୋଧରେ ପ୍ରଶାସନର ଏହି କାର୍ଯ୍ୟାନୁଷ୍ଠାନ ପରେ ଅଞ୍ଚଳରେ ଚର୍ଚ୍ଚା ଜୋର ଧରିଛି।