Odisha Janamata : କାଶୀପୁର ଥାନା ଅଞ୍ଚଳରେ ସ୍କୁଟି ରୁ ପଡ଼ି ଜଣେ ମୃତ, ଜଣେ ଗୁରୁତର |

କାଶୀପୁର ଥାନା ଅଞ୍ଚଳରେ ସ୍କୁଟି ରୁ ପଡ଼ି ଜଣେ ମୃତ, ଜଣେ ଗୁରୁତର |

15-Jun-2026

ଭାରସାମ୍ୟ ହରାଇ ସ୍କୁଟିରୁ ପଡି ଜଣେ ମୃତ, ଜଣେ ଗୁରୁତର
ଓଡିଶା ଜନମତ ରାୟଗଡା,୧୫/୬,

କାମେଶ୍ୱର କରକରିଆ :------

ରାୟଗଡା ଜିଲ୍ଲା କାଶିପୁର ବ୍ଲକ ଗୋଡ଼ିବାଲି ପଞ୍ଚାୟତର ମିନାଖୁଣ୍ଟି ଗ୍ରାମ ନିକଟସ୍ଥ ବୁଲାଣିରେ ଭାରସାମ୍ୟ ସ୍କୁଟିରୁ ପଡି ଜଣେ ମୃତ, ଜଣେ ଗୁରୁତର ହୋଇ ବ୍ରହ୍ମପୁର ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସିତ ହେଉଥିବା ଜଣାପଡିଛି। ସୂଚନା ଅନୁଯାୟୀ ଅମଲାଭଟା ଛକନିକଟରେ ଥିବା ଡ୍ରିଙ୍କ କମ୍ପାନୀରେ କାର୍ଯ୍ୟ କରୁଥିବା ସମସ୍ତ କର୍ମଚାରୀ ମାନେ ଭୋଜି କରିବା ପାଇ କାଶୀପୁର ଅଞ୍ଚଳକୁ ଯାଇଥିଲେ। ଭୋଜି ସରିବା ପରେ ଗୋଟିଏ ସ୍କୁଟିରେ ଦୁଇଜଣ କଲ୍ୟାଣସିଂହପୁର ବ୍ଲକର ସୁଲିପଦର ଗ୍ରାମର ଲକି ସାହୁ ଙ୍କ ପୁଅ ସାଗର ସାହୁ (୨୨) ଓ କୋଲନରା ବ୍ଲକର ମୁକୁନ୍ଦ ପୁର ଗ୍ରାମର ସୁନୀଲ ପ୍ରଧାନ (୨୪)ସନ୍ଧ୍ୟା ୬ଟା ଅମଲାଭଟା କେମ୍ପକୁ ଆସିବା ବେଳେ ଗୋଡ଼ିବାଲି ପଞ୍ଚାୟତର ମିନାଖୁଣ୍ଟି ଗ୍ରାମ ନିକଟସ୍ଥ ବୁଲାଣି ଘାଟି ରେ ଭାରସାମ୍ୟ ହରାଇ ଘାଟି ତଳକୁ ଖସି ପଡ଼ିଥିଲେ। ପଛରେ ଆସୁଥିବା ସାଥି ମାନେ ସେମାନଙ୍କୁ ଉଦ୍ଧାର କରି ପ୍ରଥମେ ଶିକରପାଇ ପ୍ରାଥମିକ ଚିକିତ୍ସାଳୟ କୁ ନେଇଥିଲେ। ସେଠାରେ ଡକ୍ଟର ପ୍ରାଥମିକ ଚିକିତ୍ସା କରି ସାଗର ସାହୁ( ୨୨)କୁ କଲ୍ୟାଣ ସିଂହପୁର ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରକୁ ପଠାଇଥିବା ବେଳେ ସୁନୀଲ ପ୍ରଧାନ କୁ ବ୍ରହ୍ମପୁର ମେଡିକାଲକୁ ପଠାଇଦେଇଥିଲେ। ଏଠାରେ ଡକ୍ଟର ଅନୁଭବ ସାହୁ ପ୍ରାଥମିକ ଚିକତ୍ସା କରିବା ବେଳେ ଯୁବକର ମୃତ୍ୟୁ ହୋଇଥିବା ଘୋଷଣା କରିଥିଲେ।କଲ୍ୟାଣ ସିଂହପୁର ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରକୁ ଆସିବା ପୂର୍ବରୁ ସାଗର ସାହୁଙ୍କ ମୃତ୍ୟୁ ହୋଇଥିବା ଡାକ୍ତର ପ୍ରକାଶ କରିଛନ୍ତି। ଅନ୍ୟ ଜଣେ ସୁନୀଲ ପ୍ରଧାନ ମୃତ୍ୟୁ ସହ ସଙ୍ଗମ କରୁଥିବା ସୂଚନା ମିଳିଛି। ଉକ୍ତ ଖବରପାଇ କାଶୀପୁର ପୁଲିସ ଘଟଣା ସ୍ଥଳରେ ପହଞ୍ଚି ଶବ ଜବତ କରି ଅପମୃତ ମାମଲା ରୁଜୁ କରି ଶବ ବ୍ୟବଛେଦ କରିବା ପରେ ପରିବାରକୁ ହସ୍ତାନ୍ତର କରିଥିଲେ।