Odisha Janamata : ବିଦ୍ୟୁତ ଆଘାତ ରେ କଙ୍ଗାଓଁ ଗ୍ରାମରେ ଚାରିଗୋଟି ଗାଈଙ୍କ ମୃତ୍ୟୁ |

ବିଦ୍ୟୁତ ଆଘାତ ରେ କଙ୍ଗାଓଁ ଗ୍ରାମରେ ଚାରିଗୋଟି ଗାଈଙ୍କ ମୃତ୍ୟୁ |

16-Jun-2026

ବିଦ୍ୟୁତ୍ ଆଘାତରେ ୪ ଗାଈର ମୃତ୍ୟୁ |

ବେଳେ ବେଳେ ବିଦ୍ୟୁତ ବିଭାଗର ମନ ମାନି ଏବଂ ଅବହେଳା ଯୋଗୁ ବିଦ୍ୟୁତ ତାର ସ୍ପଂସର୍ଶ ରେ ଆସି ବହୁତ ପଶୁ, ପକ୍ଷୀ, ଓ ମନ୍ୟୁସ୍ୟ ଙ୍କ ମୃତ୍ୟୁ ହୋଇଥାଏ | ଏପରି ଏକ ଘଟଣା ଦେଖିବାକୁ ମିଳିଛି ବରଗଡ଼ ଜିଲ୍ଲା ପଦ୍ମପୁର ଉପଖଣ୍ଡ ଅନ୍ତର୍ଗତ ସୋହେଲା ବ୍ଲକର କଙ୍ଗାଁଓ ଗ୍ରାମରେ ଏକ ଦୁଃଖଦ ଘଟଣା ଘଟିଛି। ଟାଟା ପାୱାରର ଅବହେଳା ଯୋଗୁଁ ବିଦ୍ୟୁତ୍ ଆଘାତରେ ୪ଟି ଗାଈର ମୃତ୍ୟୁ ଘଟିଥିବା ଅଭିଯୋଗ ହୋଇଛି।ସୂଚନା ଅନୁଯାୟୀ, ବିଦ୍ୟୁତ୍ ତାର ଛିଣ୍ଡି ତଳକୁ ପଡ଼ିଥିବା ବେଳେ ଗାଈଗୁଡ଼ିକ ସେହି ସ୍ଥାନକୁ ଚରିବାକୁ ଯାଇଥିଲେ। ତାରରେ ବିଦ୍ୟୁତ୍ ପ୍ରବାହ ଥିବାରୁ ସେମାନେ ବିଦ୍ୟୁତ୍ ଆଘାତର ଶିକାର ହୋଇ ଘଟଣାସ୍ଥଳରେ ପ୍ରାଣ ହରାଇଥିଲେ। ସ୍ଥାନୀୟ ଲୋକଙ୍କ କହିବା ଅନୁଯାୟୀ, ବିଦ୍ୟୁତ୍ ତାର ତଳେ ସୁରକ୍ଷା ବ୍ୟବସ୍ଥା (ସେଫ୍ଟି ୱାୟାର) ନଥିବାରୁ ଏହି ଅଘଟଣ ଘଟିଛି।ଘଟଣାକୁ ନେଇ ଅଞ୍ଚଳର ବୁଦ୍ଧିଜୀବୀ ଓ ଚାଷୀ ମହଳରେ ତୀବ୍ର ଅସନ୍ତୋଷ ପ୍ରକାଶ ପାଇଛି। ସେମାନେ ଟାଟା ପାୱାରର ଦାୟିତ୍ୱହୀନତାକୁ ନିନ୍ଦା କରିବା ସହ ଘଟଣାର ତଦନ୍ତ ଓ ପୀଡ଼ିତଙ୍କୁ ଉଚିତ କ୍ଷତିପୂରଣ ପ୍ରଦାନ ପାଇଁ ପ୍ରଶାସନର ଦୃଷ୍ଟି ଆକର୍ଷଣ କରିଛନ୍ତି।