Odisha Janamata : ଭଦ୍ରକ ସହର ରେ ଜଣେ ମହିଳାଙ୍କ ଘରେ ପଶି ଆକ୍ରମଣ ||

ଭଦ୍ରକ ସହର ରେ ଜଣେ ମହିଳାଙ୍କ ଘରେ ପଶି ଆକ୍ରମଣ ||

29-Jun-2026

ଭଦ୍ରକ ସହର ରେ ଏକାକୀ ଥିବା ଜଣେ ମହିଳାଙ୍କ ଘରେ ପଶି ମରଣାନ୍ତ କ ଆକ୍ରମଣ

ଓଡିଶା ଜନ ମତ ବ୍ୟୁରୋ,

ବେଳେ ବେଳେ ବହୁ ଅସମାଜିକ ବ୍ୟକ୍ତି ଓତାଙ୍କୁ ସହଯୋଗ କରୁଥିବା କିଛି ମହିଳା ସେମାନଙ୍କ ସହ ସାମିଲ ହୋଈ ଅପରାଧିକ କାର୍ଯ୍ୟ ଘଟାଇ ଥାନ୍ତି | ଏପରି ଏକ ଦୃଶ୍ୟ ଦେଖିବାକୁ ମିଳିଛି କରିଥାନ୍ତି ଭଦ୍ରକ ସହରର ଭୂୟାଁ ମହଲ୍ଲା ଅଞ୍ଚଳରେ ଜଣେ ମହିଳାଙ୍କ ଉପରେ ଘରେ ପଶି ଆକ୍ରମଣ ହୋଇଥିବା ନେଇ ଅଭିଯୋଗ ହୋଇଛି। ପୀଡ଼ିତା ଜାହେରା ଖାତୁନଙ୍କ ଅଭିଯୋଗ ଅନୁଯାୟୀ, ଶନିବାର ସକାଳ ପ୍ରାୟ ୮ଟା ସମୟରେ ସେ ଘରେ ଏକାକୀ ଥିବା ବେଳେ ତିନିଜଣ ପୁରୁଷ ଓ ଜଣେ ମହିଳା ମିଶି ଜବରଦସ୍ତି ଘରର କବାଟ ଭାଙ୍ଗି ଭିତରକୁ ପ୍ରବେଶ କରିଥିଲେ।
ଅଭିଯୋଗରେ କୁହାଯାଇଛି ଯେ, ଘରେ ପଶିବା ପରେ ସେମାନେ ତାଙ୍କ ସହ ଅଶ୍ଳୀଳ ଭାଷାରେ ଗାଳିଗୁଲଜ କରିବା ସହ ଗୌରାଙ୍ଗ ନାମକ ଜଣେ ବ୍ୟକ୍ତି ତାଙ୍କୁ ଶାରୀରିକ ଭାବେ ଆକ୍ରମଣ କରି ଛାତିରେ ଆଘାତ କରିଥିବା ପୀଡ଼ିତା ଦାବି କରିଛନ୍ତି। ଘଟଣା ସମୟରେ ପୋଲିସ ଉପସ୍ଥିତ ଥିବା ସତ୍ତ୍ୱେ କୌଣସି ପ୍ରଭାବଶାଳୀ ପଦକ୍ଷେପ ନିଆଯାଇନଥିବା ବୋଲି ସେ ଅଭିଯୋଗ କରିଛନ୍ତି।ଆକ୍ରମଣରେ ଆହତ ହୋଇଥିବା ଜାହେରା ଖାତୁନ ବର୍ତ୍ତମାନ ଚିକିତ୍ସାଧୀନ ଥିବାବେଳେ ସେ ଏନେଇ ସମ୍ପୃକ୍ତ ଥାନାରେ ଏକ ଲିଖିତ ଅଭିଯୋଗ ଦାଖଲ କରିଛନ୍ତି। ଅଭିଯୁକ୍ତମାନଙ୍କ ବିରୋଧରେ କଡ଼ା ଆଇନଗତ କାର୍ଯ୍ୟାନୁଷ୍ଠାନ ଦାବି କରି ସେ କହିଛନ୍ତି ଯେ, ଯଦି ତାଙ୍କୁ ନ୍ୟାୟ ନମିଳେ, ତେବେ ସେ ଭଦ୍ରକ ଏସ୍‌ପି କାର୍ଯ୍ୟାଳୟ ସମ୍ମୁଖରେ ଧାରଣାରେ ବସିବେ।