Odisha Janamata : 7କିମି ରାସ୍ତା ପାଇଁ 70ଗୋଟି ହମ୍ପସ,ନିରାପଦ ବଦଳ ରେ ଘଟୁଛି ଦୁର୍ଘଟଣା |

7କିମି ରାସ୍ତା ପାଇଁ 70ଗୋଟି ହମ୍ପସ,ନିରାପଦ ବଦଳ ରେ ଘଟୁଛି ଦୁର୍ଘଟଣା |

11-Jul-2026

ବିପଦଜନକ ପାଲଟିଛି ରାସ୍ତା, 7କିମି ରାଇଛନ୍ଦା ଠାରୁ ମଞ୍ଜୁରୀ ପଡା ରେ 70 ହମ୍ପସ |

ଓଡିଶା ଜନ ମତ ବ୍ୟୁରୋ,

ଅମାନିଆ ଦ୍ରୁତ ଗାଡି ଚାଳକ ଙ୍କ ପାଇଁ ସରକାର ଙ୍କ ବିଭାଗୀୟ ଅଧିକାରୀ ମାନେ ରାସ୍ତା ଉପରେ ହମ୍ପସ ତିଆରି ଜରନ୍ତି | କିନ୍ତୁ 7କିମି ରାସ୍ତା ପାଇଁ 70 ଗୋଟି ହମ୍ପସ ତିଆରି ହୋଇଥିବା ଯୋଗୁଁ ରାସ୍ତାରେ ଯାତାୟତ ରେ ସୁରକ୍ଷା ବଦଳରେ ଦୁର୍ଘଟଣା ବେଶି ହେଉଛି | ଏପରି ସ୍ଥାନ ହେଉଛି ଧର୍ମଶାଳା: ଯାଜପୁର ଜିଲ୍ଲା ଧର୍ମଶାଳା ବ୍ଲକ ଅନ୍ତର୍ଗତ ରାଇଛନ୍ଦା ଠାରୁ ମଞ୍ଜୁରୀପଡ଼ା ପର୍ଯ୍ୟନ୍ତ ପ୍ରାୟ ୭ କିଲୋମିଟର ରାସ୍ତାରେ ସୃଷ୍ଟି ହୋଇଥିବା ଅସଂଖ୍ୟ ‘ସ୍ପିଡ୍ ବ୍ରେକର୍’ ବା ହମ୍ପସ ଏବେ ସ୍ଥାନୀୟ ଲୋକଙ୍କ ପାଇଁ ମରଣଯନ୍ତା ପାଲଟିଛି। ମାତ୍ର ୭ କିଲୋମିଟର ଦୂରତା ମଧ୍ୟରେ ୭୦ରୁ ଉର୍ଦ୍ଧ୍ୱ ହମ୍ପସ ନିର୍ମାଣ କରାଯାଇଥିବାରୁ ଏହି ରାସ୍ତାରେ ଗମନାଗମନ କରିବା ଅତ୍ୟନ୍ତ କଷ୍ଟକର ହୋଇପଡ଼ିଛି।ନିରାପତ୍ତା ନିୟମକୁ ଅଣଦେଖା କରି ଅତି ଅଳ୍ପ ବ୍ୟବଧାନରେ ଏତେ ସଂଖ୍ୟକ ହମ୍ପସ କିଭଳି ନିର୍ମାଣ ହେଲା, ତାହାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି। ଅନେକ ସ୍ଥାନରେ ଏହି ହମ୍ପସଗୁଡ଼ିକର ଉଚ୍ଚତା ମଧ୍ୟ ଆବଶ୍ୟକତାଠାରୁ ଅଧିକ ରହିଛି।
ବିଶେଷକରି ରାତି ସମୟରେ ଅଜଣା ପଥଚାରୀ ଏବଂ ଦୁଇ ଚକିଆ ଯାନ ଚାଳକମାନେ ଏହି ହମ୍ପସକୁ ଦେଖି ନପାରି ଭାରସାମ୍ୟ ହରାଇ ଦୁର୍ଘଟଣାର ଶିକାର ହେଉଛନ୍ତି।ଏହି ରାସ୍ତା ଦେଇ ଯାତ୍ରା କରୁଥିବା ଗର୍ଭବତୀ ମହିଳା, ବୃଦ୍ଧବୃଦ୍ଧା ଏବଂ ଗୁରୁତର ରୋଗୀଙ୍କ ପାଇଁ ଏହି ରାସ୍ତା ଯାତ୍ରା ଯନ୍ତ୍ରଣାଦାୟକ ହୋଇପଡ଼ିଛି।ସ୍ଥାନୀୟ ଲୋକଙ୍କ କହିବା ଅନୁସାରେ, ଗାଁ ରାସ୍ତାରେ ଗାଡ଼ିର ଗତି ନିୟନ୍ତ୍ରଣ କରିବା ପାଇଁ ହମ୍ପସ ଦରକାର, କିନ୍ତୁ ପ୍ରତି କିଛି ମିଟରରେ ଗୋଟିଏ ହମ୍ପସ୍ ଲୋକଙ୍କ ପାଇଁ ସୁବିଧା ବଦଳରେ ଅସୁବିଧାର କାରଣ ହୋଇଛି। ଏ ନେଇ ବାରମ୍ବାର ପ୍ରଶାସନ ଓ ବିଭାଗୀୟ କର୍ତ୍ତୃପକ୍ଷଙ୍କ ଦୃଷ୍ଟି ଆକର୍ଷଣ କରାଯାଇଥିଲେ ମଧ୍ୟ କୌଣସି ସୁଫଳ ମିଳିନାହିଁ।ଏହି ରାସ୍ତାରେ ଥିବା ବେଆଇନ ଓ ଅଯଥା ହମ୍ପସଗୁଡ଼ିକୁ ଚିହ୍ନଟ କରି ତୁରନ୍ତ ହଟାଇବା ସହିତ ବିଜ୍ଞାନସମ୍ମତ ଭାବେ କେବଳ ଆବଶ୍ୟକ ସ୍ଥାନରେ ହିଁ ସ୍ପିଡ୍ ବ୍ରେକର୍ ରଖିବାକୁ ଦାବି ହୋଇଛି। ପ୍ରଶାସନ ଏ ଦିଗରେ ତୁରନ୍ତ ପଦକ୍ଷେପ ନନେଲେ ଆଗାମୀ ଦିନରେ ବଡ଼ ଧରଣର ଆନ୍ଦୋଳନ ହେବ ବୋଲି ସ୍ଥାନୀୟ ଅଞ୍ଚଳବାସୀ ଚେତାବନୀ ଦେଇଛନ୍ତି।