Odisha Janamata : ରାଇଲି ଗୁଡା ଠାରେ ବିଜେଡି ଛାଡ଼ି ବିଜେପିରେ ମିଶିଲେ ୱାର୍ଡ ସଭ୍ୟ ଓ ଅନେକ କର୍ମୀ |

ରାଇଲି ଗୁଡା ଠାରେ ବିଜେଡି ଛାଡ଼ି ବିଜେପିରେ ମିଶିଲେ ୱାର୍ଡ ସଭ୍ୟ ଓ ଅନେକ କର୍ମୀ |

13-Jul-2026

ରାଇଲିଗୁଡା ଠାରେ ବିଜେପିର ମିଶ୍ରଣ ପର୍ବ: ବିଜେଡି ଛାଡ଼ି ୱାର୍ଡ ସଭ୍ୟଙ୍କ ସହ ବହୁକର୍ମୀ ଭାଜପାରେ ସାମିଲ

ଓଡିଶା ଜନମତ ରାୟଗଡା ,

କାମେଶ୍ୱର କରକରିଆ :------

ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ପୂଜାରୀଗୁଡା ପଞ୍ଚାୟତ ଅନ୍ତର୍ଗତ ରାଇଲିଗୁଡା ଗ୍ରାମରେ ଆଜି ଭାରତୀୟ ଜନତା ପାର୍ଟି ପକ୍ଷରୁ ଏକ ମିଶ୍ରଣ ପର୍ବ ଅନୁଷ୍ଠିତ ହୋଇଥିଲା। ଏହି ମିଶ୍ରଣ ପର୍ବରେ
ୱାର୍ଡ ସଭ୍ୟଙ୍କ ସହ ବହୁକର୍ମୀ ବିଧିବଦ୍ଧ ଭାବେ ଭାଜପାରେ ଯୋଗଦେଇଥିବା ଦଳ ପକ୍ଷରୁ ସୂଚନା ଦିଆଯାଇଛି। ଦଳୀୟ ନେତାମାନେ କହିଥିଲେ ଯେ କେନ୍ଦ୍ରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ରାଜ୍ୟରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ନେତୃତ୍ୱରେ ଚାଲିଥିବା ଡବଲ ଇଞ୍ଜିନ ସରକାରଙ୍କ ନୀତି, ଆଦର୍ଶ ଓ ବିକାଶମୂଳକ କାର୍ଯ୍ୟରେ ଅନୁପ୍ରାଣିତ ହୋଇ ଯୋଗଦାନକାରୀମାନେ ଭାଜପାରେ ସାମିଲ ହୋଇଛନ୍ତି। ଯୋଗଦାନକାରୀମାନଙ୍କୁ ଦଳୀୟ ଉତ୍ତରୀୟ ପିନ୍ଧାଇ ସ୍ୱାଗତ ଓ ସମ୍ବର୍ଦ୍ଧନା ଜଣାଯାଇଥିଲେ । କାର୍ଯ୍ୟକ୍ରମରେ କୋରାପୁଟ ଲୋକସଭାର ପୂର୍ବତନ ସାଂସଦ ପ୍ରାର୍ଥୀ କାଳିରାମ ମାଝୀ, ମାଝୀଗୁଡା (ଶିକାରପାଇ) ମଣ୍ଡଳ ସଭାପତି ଅନିଲ କୁମାର ଜାଡି, ପୂଜାରୀଗୁଡା ପଞ୍ଚାୟତ ଭାଜପା ସଭାପତି ସୁରେଶ ବିଡ଼ିକା, ଆଦିବାସୀ ମୋର୍ଚ୍ଚା ସଭାପତି ବିନାୟକ କୁଲେସିକା, ଓବିସି ମୋର୍ଚ୍ଚା ସଭାପତି ଜନାର୍ଦ୍ଦନ ରାଓଙ୍କ ସମେତ ମାଝୀଗୁଡା ମଣ୍ଡଳର ବହୁ ଭାଜପା କର୍ମକର୍ତ୍ତା ଓ କର୍ମୀ ଉପସ୍ଥିତ ଥିଲେ। ଏହି ମିଶ୍ରଣ ପର୍ବ ପରେ ସ୍ଥାନୀୟ ଅଞ୍ଚଳରେ ରାଜନୈତିକ ସମୀକରଣରେ ପରିବର୍ତ୍ତନ ଆସିବ ବୋଲି ରାଜନୈତିକ ମହଲରେ ଚର୍ଚ୍ଚା ହେଉଛି।