Odisha Janamata : କାହିଁକି ଇସ୍ତଫା ଦେଲେ ଦୁଇ ଆଇ ପି ଏସ ଅଫିସର |

କାହିଁକି ଇସ୍ତଫା ଦେଲେ ଦୁଇ ଆଇ ପି ଏସ ଅଫିସର |

13-Jul-2026

ଦୁଇଦୁଇଜଣ ଅଇ ପି ଏସ ଅଫିସର ଚାକିରିଛାଡିଲେ,

ତା ପଛର କାରଣ କଣ ସବୁଠୀ ପ୍ରଶ୍ନ ବାଚୀ ????

ଓଡିଶା ଜନ ମତ, ବ୍ରହ୍ମପୁର,

କୈଳାଶ ଚନ୍ଦ୍ର ଚୌଧୁରୀ :---

ଜଗମୋହନ ମୀନାଙ୍କ ପରେ ଯୁବ ଆଇପିଏସ୍ ସି.ଏ ରାମଦାସଙ୍କ ଇସ୍ତଫା |ଆଇପିଏସ୍ ଜଗମୋହନ ମୀନାଙ୍କ ପରେ ଆଉ ଜଣେ ଓଡ଼ିଶା କ୍ୟାଡର୍ ଯୁବ ଆଇପିଏସ୍ ଅଫିସର୍ ଚୌଧୁରୀ ଅଜିତାଭ୍ ରାମଦାସ ଇସ୍ତଫା ଦେଇଛନ୍ତି । ୩୩ ବର୍ଷିୟ ୨୦୨୫ ବ୍ୟାଚ୍ ଆଇପିଏସ ରାମଦାସ ହାଇଦ୍ରାବାଦ ସର୍ଦ୍ଦାର ବଲ୍ଲଭଭାଇ ପଟେଲ ନ୍ୟାସନାଲ ପୁଲିସ ଏକାଡେମୀରେ ତାଲିମ ନେଉଥିଲେ। ତାଙ୍କଘର ମହାରାଷ୍ଟ୍ର ବାରମତୀ ଅଞ୍ଚଳରେ । ସେ ଏବେ ପ୍ରଥମ ପର୍ଯ୍ୟାୟ ଟ୍ରେନିଂରେ ରହିଛନ୍ତି। ଓଡ଼ିଶାରେ ଚାକିରିରେ ଯୋଗ ଦେଇନାହାନ୍ତି। କେବଳ ତାଙ୍କୁ ଓଡ଼ିଶା କ୍ୟାଡର ମିଳିଛି। ସେ ତାଙ୍କ ଇସ୍ତଫାପତ୍ରଡିଜିପି ଯୋଗେଶ ବାହାଦୂର ଖୁରାନିଆଙ୍କ ନିକଟକୁ ପଠାଇ ଦେଇଛନ୍ତି।ତେବେ ଜଣେ ପରେ ଜଣେ ଆଇପିଏସ୍‌ଙ୍କ ଏପରି ଇସ୍ତଫାକୁ ନେଇ ଆଜି ସାରା ରାଜ୍ୟରେ ସରଗରମ ଚର୍ଚ୍ଚା ହେଉଛି। ଅବଶ୍ୟ ରାମଦାସଙ୍କ ଇସ୍ତଫା ପଛର କୌଣସି ନିର୍ଦ୍ଦିଷ୍ଟ କାରଣ ଜଣାପଡ଼ିନାହିଁ । ସେ ମଧ୍ୟ ବ୍ୟକ୍ତିଗତ କାରଣ ଦର୍ଶାଇ ଚାକିରି ଛାଡ଼ିଥିବା କୁହା ଯାଉଛି। ଆଇପିଏସ୍ ମୀନା ମଧ୍ୟ କୌଣସି ଚାପର ବଶବର୍ତ୍ତୀ ହୋଇ ଚାକିରି ଛାଡ଼ିଥିବା କଥାକୁ ଅସ୍ଵୀକାର କରି କେବଳ ବ୍ୟକ୍ତିଗତ କାରଣ ଦର୍ଶାଇ ଚାକିରି ଛାଡ଼ିଥିବା କହିଥିଲେ। ଓଡ଼ିଶା ପ୍ରଶାସନ, ଓଡ଼ିଆ ଲୋକ ଓ ତଥାପି ଏପରି ବୀତସ୍ପୃହ ପଛର କାରଣ ନେଇ ସବୁଠି ଚର୍ଚ୍ଚା ହେଉଛି। ଅଦ୍ୟାବଧି ସରକାର କିମ୍ବା ରାମଦାସଙ୍କ ତରଫରୁ କୌଣସି ସ୍ପଷ୍ଟି କାରଣ ଦିଆଯାଇନାହିଁ ।