Odisha Janamata : ଛତ୍ରପୁର ଆଡପ ଘରେ ଶ୍ରୀ ଜଗନ୍ନାଥ ଙ୍କ କଛପ ଅବତାର |

ଛତ୍ରପୁର ଆଡପ ଘରେ ଶ୍ରୀ ଜଗନ୍ନାଥ ଙ୍କ କଛପ ଅବତାର |

19-Jul-2026

ଆଡ଼ପ ଘରେ ଶ୍ରୀ ଜଗନ୍ନାଥଙ୍କ କଚ୍ଛପ ଅବତାର ।
ଛତ୍ରପୁର, ତା.୧୮ / ୭,

କେ.,ସତ୍ୟନାରାୟଣ ରେଡ୍ଡୀ:------
ରାଜାଘରର ଶ୍ରୀ ଶ୍ରୀ ଜଗନ୍ନାଥ ମନ୍ଦିରର ପକ୍ଷରୁ ପରିଚାଳିତ ଛତ୍ରପୁର ସହରର ମଝିବଜାର ଉପରେ ଅବସ୍ଥିତ ଗୁଣ୍ଡିଚା ମନ୍ଦିରରେ ଶନିବାର ସନ୍ଧ୍ୟାରେ ଶ୍ରୀ ଜଗନ୍ନାଥଙ୍କ କଚ୍ଛପ ଅବତାର ବେଶ ଦେଖି ଅଗଣିତ ଭକ୍ତଜନ ଆତ୍ମ ବିଭୋର ହୋଇଉଠିଛନ୍ତି । ଏପରିକି ଗୁଣ୍ଡିଚା ମନ୍ଦିରରେ ବିଜେ କରି ସିଂହାସନ ଆରୋହଣ କରିଥିବା ଚତୁର୍ଦ୍ଧାବିଗ୍ରହ ଙ୍କ ଚିତ୍ତାକର୍ଷକ ସାଜସଜ୍ଜା ଶ୍ରୀଜୀଉଙ୍କ ସୁନ୍ଦର ବେଶରେ ଭକ୍ତ ଭାବ ବିହ୍ୱଳ ହୋଇପଡ଼ିଛନ୍ତି । ଏହି ମନ୍ଦିରରେ ମହାପ୍ରଭୁ ଶ୍ରୀ ଜଗନ୍ନାଥ ଙ୍କ ଚତୁର୍ଦ୍ଧା ହସ୍ତରେ ଶଙ୍ଖ ଚକ୍ର ଗଦା ପଦ୍ମ, ବଳଦେବ ଜୀଉ ଶ୍ରୀ ବଳଭଦ୍ର ସ୍ୱାମୀ ଙ୍କ ହସ୍ତରେ ହଳଲଙ୍ଗଳ, ଦେବୀ ସୁଭଦ୍ରା ଙ୍କ ଚତୁର୍ଦ୍ଧା ହସ୍ତରେ ଦେବୀ ପରମ ବୈଷ୍ଣବୀ ମା` ଭ୍ବନେଶ୍ୱରୀ ରୂପରେ ସଜ୍ଜିତ ହୋଇଥାନ୍ତି । ଦେବୀ ସୁଭଦ୍ରା ଙ୍କ ହସ୍ତରେ ପଦ୍ମ ଓ ଖଡଗ, ଗଦା ଆଦି ଧରି ଥିବା ବେଶ ଖୁବ୍ ମନ ଲୋଭା ହୋଇ ଅଗଣିତ ଭକ୍ତଙ୍କ ମନକୁ ଭକ୍ତି ଭାବାବେଗରେ ଆନ୍ଦୋଳିତ କରିଛି । ସେହିପରି ରିକାପଲ୍ଲୀ ଆଡ଼ପ ମଣ୍ଡପରେ ଏବଂ ଛତ୍ରପୁର ଉପର ବଜାର ଠାରେ ଥିବା ଦାଶୀରି ଜଗନ୍ନାଥ ମନ୍ଦିର ଆଡ଼ପ ମଣ୍ଡପରେ ମଧ୍ୟ ଶନିବାର କଚ୍ଛପ ଅବତାର ବେଶ ଦେଖି ଅଗଣିତଭକ୍ତ ସନ୍ତୋଷ ଲାଭ କରିଛନ୍ତି ।।