Odisha Janamata : ଅବ୍ୟବସ୍ଥା ମଧ୍ୟରେ କାଶୀନଗର ଗୋଷ୍ଟି ସ୍ୱାସ୍ତ୍ୟ କେନ୍ଦ୍ର |

ଅବ୍ୟବସ୍ଥା ମଧ୍ୟରେ କାଶୀନଗର ଗୋଷ୍ଟି ସ୍ୱାସ୍ତ୍ୟ କେନ୍ଦ୍ର |

19-Jul-2026

ଚରମ ଅବ୍ୟବସ୍ଥାଘେରରେ ରହିଛି କାଶୀନଗର ଗୋଷ୍ଟି ସ୍ୱାସ୍ଥ୍ୟ କେନ୍ଦ୍ର |

ଓଡିଶା ଜନ ମତ ବ୍ୟୁରୋ,

ଜନ ସାଧାରଣ ଙ୍କୁ ଉତ୍ତମ ସ୍ୱାସ୍ଥ୍ୟ ସେବା ପ୍ରଦାନ ନିମନ୍ତେ ରାଜ୍ୟ ସରକାର ସବୁ ପ୍ରକାର ବ୍ୟବସ୍ତା କରୁଥିଲେ ମଧ୍ୟ କାଶୀନଗର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଚରମ ଅବ୍ୟବସ୍ଥା ଘେରରେ ରହିଥିବା ଅଭିଯୋଗ ହୋଇଛି | ଅଭିଯୋଗ ଅନୁଯାୟୀ ସ୍ୱାସ୍ଥ୍ୟକେନ୍ଦ୍ରରେ ଆବଶ୍ୟକ ସଂଖ୍ୟକ ଡାକ୍ତର ନାହାନ୍ତି ! ମଞ୍ଜୁରୀପ୍ରାପ୍ତ ସମସ୍ତ ବିଶେଷଜ୍ଞ ଡାକ୍ତର ପଦବୀ ଖାଲି ପଡିଛି ! ଜନସାଧାରଣଙ୍କ ବାରମ୍ବାର ଦାବି ସତ୍ତ୍ୱେ ଖାଲି ପଡିଥିବା ବିଶେଷଜ୍ଞ ଡାକ୍ତର ପଦବୀ ପୂରଣ କରା ଯାଉନାହିଁ କି କୌଣସି ବରିଷ୍ଠ , ଅନୁଭୂତି ସମ୍ପନ୍ନ ଡାକ୍ତରଙ୍କୁମେଡିକାଲ ଅଫିସର ଇନଚାର୍ଜ ଭାବେ ଅବସ୍ଥାପିତ କରା ଯାଉ ନାହିଁ | ଯେଉଁ ଏମ ବି ବି ଏସ ଡାକ୍ତର ଉକ୍ତ ପଦବୀ ରେ ରହିଛନ୍ତି , ସେ ସ୍ୱଚ୍ଛତା ଓ ପାରଦର୍ଶିତା ରକ୍ଷା ପୂର୍ବକ ନିକ କାର୍ଯ୍ୟ ତୁଲାଇ ପାରୁ ନାହାନ୍ତି ବୋଲି ବିଭିନ୍ନ ମହାଲରେ ଚର୍ଚ୍ଚା ଚାଲିଛି | ଠିକ୍ ସମୟରେ ଔଷଧ ବିତରଣ କେନ୍ଦ୍ର ଖୋଲୁ ନଥିବାଯୋଗୁଁ ରୋଗୀ ନିରାମୟ ଔଷଧ ବାହାରୁ କିଣୁଛନ୍ତି | ଓ ନିର୍ଦ୍ଧାରିତ ସମୟ ପୂର୍ବରୁ ଔଷଧ କେନ୍ଦ୍ର ବନ୍ଦ ହୋଇ ଯାଉ ଥିବା ନେଇ ବି ଚିକିତ୍ସା ପାଇଁ ଆସୁଥିବା ବହୁ ରୋଗୀ ଅଭିଯୋଗ କରିଛନ୍ତି | ବହିର୍ଚିକିତ୍ସା ଚାଲିଥିବା ଗୃହର ଛାତ ରୁ ସିମେଣ୍ଟ ଛାଡ଼ି ପାଣି ଗଳୁଥିବା କାରଣରୁ ରୋଗୀ ମାନେ ଅସୁବିଧା ର ସମ୍ମୁଖୀନ ହେଉଛନ୍ତି | ଏହାସହ ଅଳ୍ପ ଦିନ ତଳେ ସିଲିଂ ଭାଙ୍ଗି ଫ୍ୟାନ ତଳକୁ ଖସି ପଡିଯାଇଥିଲା | ଭାଗ୍ୟ ବଶତଃ କାହା ଉପରେ ପଡ଼ିନାହିଁ ନଚେତ ଅବସ୍ଥା ସାଙ୍ଘାତିକ ହୋଈ ଯାଇଥାନ୍ତା | ତେଣୁ ବହିର୍ଚିକିତ୍ସା ବିଭାଗକୁ ଅନ୍ୟତ୍ର କୋଠା କୁ ସ୍ଥାନାନ୍ତରିତ କରା ଯାଇଛି . ତେବେ ଯେଉଁ କୋଠରୀକୁ ଏହା ସ୍ଥାନାନ୍ତରୀତ ହୋଇଛି ସେହି ରୁମ କୁ ଇନଭର୍ଟର ସଂଯୋଗ ହୋଈ ନଥିବା ଜଣା ପଡିଛି | ସ୍ୱାସ୍ଥ୍ୟକେନ୍ଦ୍ର ପରିସରରେ ଥିବା ୱାସରୁମ୍ ର ଅବସ୍ଥା ବି ଶୋଚନୀୟ ବୋଲି ରୋଗୀ ମାନେ ଅଭିଯୋଗ କରୁଛନ୍ତି | ଫଳରେ ଉଭୟ ରୋଗୀ ଓ କାର୍ଯ୍ୟରତ ଡାକ୍ତର, ଅସୁ ବିଧାର ସମ୍ମୁଖୀନହେଉଛନ୍ତି | ଖାଲି ସେତିକି ନୁହଁ ମହିଳା ଡାକ୍ତର ଓ କର୍ମଚାରୀମାନଙ୍କୁ ସବୁଠୁ ଅଧିକ ଅସୁବିଧା ଭୋଗିବାକୁ ପଡୁଛି | ଉନ୍ନତ ମାନର ସ୍ବାସ୍ଥ୍ୟସେବା ମିଳୁ ନଥିବା ଯୋଗୁ ଛୋଟ ଛୋଟ ରୋଗର ଚିକିତ୍ସା ପାଇଁ ଖର୍ଚ୍ଚାନ୍ତ ହୋଇ ବିଭିନ୍ନ ବଡ଼ ଡାକ୍ତରଖାନାବ୍ରହ୍ମପୁର , ଶ୍ରୀକାକୁଲମ ଓବିଶାଖ ପାଟଣା ଯିବାକୁ ହେଉଛି ବୋଲି କାଶୀନଗର ଅଂଚଳର ବହୁ ବ୍ୟକ୍ତି ଅଭିଯୋଗ କରିଛନ୍ତି | କେବେ ଏହାର ଅବସ୍ଥା ସୁଧୁରିବ ଓ ଲୋକଙ୍କୁଉତ୍ତମ ଆଶାନୁରୂପକ ସ୍ବାସ୍ଥ୍ୟସେବା ମିଳିବ ତାକୁ ନେଇ ପ୍ରଶ୍ନ ଉଠିଥିବା ବେଳେ ଜିଲ୍ଲା ସ୍ୱାସ୍ଥ୍ୟ ବିଭାଗ ଅଧିକାରୀ ଓଜିଲ୍ଲା ପ୍ରଶାସନ ଅଧିକାରୀ ଏଥିପ୍ରତି ଗୁରୁତ୍ୱ ନଦେଇ ସବୁଦେଖି ନଦେଖିଲା ଭଳି ରହିବା ଜନସାଧାରଣଙ୍କୁ ଅଧିକ କଷ୍ଟ ଦେଉଛି |ଯଦି ଆଗାମୀ ଦିନରେ ସରକାର ଏହାଉପରେ କିଛି ନକରନ୍ତି ତେବେ କାଶୀନଗର ଜନ ସାଧାରଣ ଆନ୍ଦୋଳନ କରିବାକୁ ବାଧ୍ୟ ହେବେ ବୋଲି କାଶୀନଗର ନାଗରିକ ମହାସଭା ସଭାପତି କବି ପ୍ରଶାନ୍ତ ମିଶ୍ର ସୂଚନା ଦେଇଛନ୍ତି |