Odisha Janamata : ପ୍ରେମିକା ଜଣକ ବାରମ୍ବାର ବିବାହ ପାଇଁ କହିବାରୁ ରାସ୍ତାରୁ ହଟେଇ ଦେଲା ପ୍ରେମିକ |

ପ୍ରେମିକା ଜଣକ ବାରମ୍ବାର ବିବାହ ପାଇଁ କହିବାରୁ ରାସ୍ତାରୁ ହଟେଇ ଦେଲା ପ୍ରେମିକ |

20-Jul-2026

ପ୍ରେମିକାକୁ ମାରି ଫିଙ୍ଗିଦେଲା ପ୍ରେମିକସହ ଦୁଇ ସହଯୋଗୀ |

ଓଡିଶା ଜନ ମତ ବ୍ୟୁରୋ,

ପ୍ରେମ ପାଇଁ ଯୁବକ, ଯୁବତୀ ମାନେ ପାଗଳ ହୋଈ ଯାଆନ୍ତି | ସେମାନେ ପ୍ରେମ ପାଇଁ ବାପା, ମାଆ, ସାଙ୍ଗ, ସାଥୀ ବନ୍ଧୁ, ବାନ୍ଧବ ଆତ୍ମୀୟ ସ୍ୱଜନ ସମସ୍ତଙ୍କ ହିତକଥା କୁ ଭୁଲି ନିଜେ ନିଜ ନିଷ୍ପତି ନିଅନ୍ତି | କିନ୍ତୁ ବେଳେ ବେଳେ ସେମାନେ ତାଙ୍କର ସ୍ୱାର୍ଥ ସିଦ୍ଧି ହୋଇଗଲା ପରେ ଅର୍ଥ ଲାଳସା ର ହେଉ କିମ୍ବା ଲୋକଲଜ୍ୟା ରେ ହେଉ, କିମ୍ବା ପୂର୍ବର ପ୍ରତିଶୋଧ ପୂରଣ ପାଇଁ କେବେ ପ୍ରେମିକ ତ ଆଉ କେବେ ପ୍ରେମିକା ଜଣେ ଅନ୍ୟ ଜଣଙ୍କୁ ରାସ୍ତାରୁ ନିଯେହେଉ କିମ୍ବା ସାଙ୍ଗ, ସାଥୀ ଅବା ସୁପାରୀ କିଲର ଦ୍ଵାରା ରାସ୍ତାରୁ ହଟେଇ ଦିଏ | ଜଣେ ନାରୀ ତାର ଇଜ୍ଜତ ପାଇଁ ବିବାହ ନିମନ୍ତ ବାରମ୍ବାର ଚାପ ପକାଇବାରୁ ପ୍ରେମିକ ଘଟାଇ ଥିଲା ଏଭଳି କାଣ୍ଡ ପ୍ରେମ ହେଉଛି ପବିତ୍ର ଆଉ ଏ ପ୍ରେମ କୁ କଳୁଷିତ କଲା ଜଣେ ପ୍ରେମିକ ଆଉ ସମ୍ପର୍କର ଏକ ଦୁଃଖଦ ପରିଣତି ସାମ୍ନାକୁ ଆସିଛି। ବିବାହ ପାଇଁ ବାରମ୍ବାର ଚାପ ପକାଉଥ‌ିବା ପ୍ରେମିକା କୁ ପ୍ରେମିକ ଯୋଜନାବଦ୍ଧ ଭାବେ ହତ୍ୟା କରି ମୃତଦେହକୁ ଜଙ୍ଗଲରେ ଫିଙ୍ଗି ଦେଇଥିଲା ପୁଲିସ ୩ ଜଣଙ୍କୁ ଗିରଫ କରିଛି। ଘଟଣାଟି ଘଟିଛି ସମ୍ବଲପୁର ଜିଲ୍ଲା କୁଚିଣ୍ଡା ବ୍ଲକ ରେ ବର୍ତମାନ ଏହି ଘଟଣା ଟି ସାରା ରାଜ୍ୟରେ ଚାଞ୍ଚଲ୍ୟ ସୃଷ୍ଟି କରିଛି | ମୃତ ଯୁବତୀ ହେଲେ ମହୁଲପାଲି ଥାନା କୁସୁମି ଫାଣ୍ଡି ଅଧୀନ ର ମହୁଲମୁଣ୍ଡାର ସରିତା ସା (୨୪)। ସେ କୁଚିଣ୍ଡାର ଘୋଷା ରୋଡ୍‌ସ୍ଥିତ ସାହେଲୀ ବ୍ୟୁଟି ପାର୍ଲରରେ କାମ ଥିଲେ | ତାଙ୍କ ବାପା ମନୋଜ ସାଙ୍କ ଅଭିଯୋଗ ଆଧାରରେ କୁଚିଣ୍ଡା ଥାନାରେ ମାମଲା ରୁଜୁ ହୋଇଛି। ପୁଲିସ ତଦନ୍ତରୁ ଜଣାପଡ଼ିଛି ଯେ, କୁଚିଣ୍ଡା ଥାନା ଅଧୀନ ତେଲି କୁଣ୍ଡାପୋଷି ଗ୍ରାମର ଦିବ୍ୟଲୋଚନ ପୃସେଠ ଓରଫ ଅନିଲ ପୃସେଠ (୨୭)ଙ୍କ ସହ ସରିତାଙ୍କ ପ୍ରାୟ ଦୁଇ ବର୍ଷ ଧରି ପ୍ରେମ ସମ୍ପର୍କ ରହିଥିଲା I ବିବାହର ପ୍ରତିଶ୍ରୁତି ଦେଇ ଦିବ୍ୟଲୋଚନ ବାରମ୍ୱାବାର ସମ୍ପର୍କ ରଖୁଥିଲେ ପରବର୍ତ୍ତୀ ସମୟରେ ସେ ଯୁବକ ବିଭିନ୍ନ ଆଳ ଦେଖାଇ ବିବାହକୁ ଏଡ଼ାଇ ଚାଲିଥିଲା । ଏଥିରେ ସରିତା ବିବାହ ପାଇଁ ଚାପ ପକାଇବାରୁ ଅଭିଯୁକ୍ତ ତାଙ୍କୁ ରାସ୍ତାରୁ ହଟାଇବାକୁ ପୁରା ଯୋଜନା ତିଆରି କରିଥିଲେ। ଗତ ୧୬ ତାରିଖ ସନ୍ଧ୍ୟା ପ୍ରାୟ ୮ ଟା ସମୟ ରେ କୁଚିଣ୍ଡା ରଥଯାତ୍ରା ଦେଖିବାକୁ ଯାଇଥିଲେ ସରିତା ସେଠାରୁ ଯୁବତୀ ଙ୍କୁ ଉଠେଇ ନେଇଥିଲା ସୈତାନ ପ୍ରେମିକ ଦିବ୍ୟଲୋଚନ ଓ ତାଙ୍କ ଦୁଇ ସହଯୋଗୀ ଅଶୋକ କିଶାନ ଓ ସୁଭିତ ମାକରଙ୍କ ସହ ଏକ ବୋଲେରୋରେ ଘୋଷା ରୋଡ଼ରୁ ସରିତାଙ୍କୁ ନେଇ ଜମନକିରା ଅଭିମୁଖେ ଯାଇଥିଲେ ରାସ୍ତାରେ ବିବାହକୁ ନେଇ ଉଭୟଙ୍କ ମଧ୍ୟରେ ବଚସା ହୋଇଥିଲା । ଏହି ସମୟରେ ଦିବ୍ୟଲୋଚନ ସରିତା ପିନ୍ଧିଥିବା ଓଢଣୀ ସାହାଯ୍ୟରେ ତାଙ୍କ ଗଳା ଚିପି ହତ୍ୟା କରିଥିବା ପୁଲିସ କହିଛି। ପରେ ବଡ଼ରମା ଘାଟି ନିକଟରେ ଗାଡ଼ି ଅଟକାଇ ମୃତଦେହକୁ ରାସ୍ତା କଡ଼ରେ ଥିବା ଜଙ୍ଗଲ ଭିତରକୁ ଫିଙ୍ଗି ଦେଇଥିଲେ । ଘଟଣାସ୍ଥଳରୁ କିଛି ଦୂରରେ ହତ୍ୟାରେ ବ୍ୟବହୃତ ଓଢଣୀ କୁ ମଧ୍ଯ ଫିଙ୍ଗି ଦେଇଥିବା ଜଣାପଡ଼ିଛି। ଘଟଣାର ତଦନ୍ତ କରି ପୁଲିସ ଦିବ୍ୟଲୋଚନ ପୃସେଠ, ଅଶୋକ କିଶାନ (୩୦) ଓ ସୁଭିତ ମାକର (୨୦)କୁ ଗିରଫ କରି କୋର୍ଟ ଚାଲାଣ କରିଛି। ସେମାନଙ୍କ ନିକଟରୁ ଘଟଣାରେ ବ୍ୟବହୃତ ଓଢଣୀ , ବୋଲେରୋ, ଏକ ମୋବାଇଲ ଫୋନ୍ ଓ ଅନ୍ୟାନ୍ୟ ନମୁନା ଜବତ କରାଯାଇଛି। କୁଚିଣ୍ଡା ଉପଖଣ୍ଡ ଚିକିତ୍ସାଳୟରେ ମୃତଦେହର ବ୍ୟବଚ୍ଛେଦ କରାଯାଇଥିବା ବେଳେ ଫରେନସିକ୍ ଟିମ୍ ମଧ୍ଯ ଘଟଣାସ୍ଥଳରୁ ନମୁନା ସଂଗ୍ରହ କରିଛି। ବ୍ୟବଚ୍ଛେଦ ଓ ଫରେନସିକ୍ ରିପୋର୍ଟକୁ ପୁଲିସ ଅପେକ୍ଷା କରିଥିବା ବେଳେ ତଦନ୍ତ ଜାରି ରହିଛି।