Odisha Janamata : ସିଂହାସିନୀ ରାସ୍ତା ରେ ଦୁର୍ଦାନ୍ତ ଅପରାଧୀ ଘନଶ୍ୟାମ ଓରଫ କାଳିଆକୁ ଏନକାଉଣ୍ଟର କଲେ ମିଳିତ ଥାନା ପୋଲିସ |

ସିଂହାସିନୀ ରାସ୍ତା ରେ ଦୁର୍ଦାନ୍ତ ଅପରାଧୀ ଘନଶ୍ୟାମ ଓରଫ କାଳିଆକୁ ଏନକାଉଣ୍ଟର କଲେ ମିଳିତ ଥାନା ପୋଲିସ |

24-Jul-2026

ଦୁର୍ଦାନ୍ତ ଅପରାଧୀ ଘନଶ୍ୟାମ ଓରଫ କାଳିଆକୁ ଏନକାଉଣ୍ଟର କଲା ପୁଲିସ
ଏହାଧିକ ଅପରାଧରେ ସାମିଲ : ଏସଡିପିଓଙ୍କ ସୂଚନା l

ଓଡିଶା ଜନ ମତ,କୋଦଳା, 24/07/26,

ନରେନ୍ଦ୍ର ନାଥ ଗୌଡ :-----

ଏକାଧିକ ଅପରାଧରେ ସାମିଲ ଥିବା ଦୁର୍ଦାନ୍ତ ଅପରାଧୀ ଘନଶ୍ୟାମ ବେହେରା ଓରଫ କାଳିଆକୁ ଶୁକ୍ରବାର ସକାଳ 9 ଟାରେ ଏନକାଉଣ୍ଟର କରିଛି ପୁଲିସ l ଗଞ୍ଜାମ ଜିଲ୍ଲା ପୁରୁଷୋତ୍ତମପୁର ଥାନା ଅନ୍ତର୍ଗତ ପୁରୁଷୋତ୍ତମପୁର ନଈତଟ ସାହିର ଘନଶ୍ୟାମ ପୂର୍ବରୁ ବିଭିନ୍ନ ଅପରାଧରେ ସାମିଲ ହୋଇ ପୁଲିସର ମୁଣ୍ଡବିନ୍ଧାର କାରଣ ସାଜିଥିଲା l ଆଜି କୌଣସି ସୂତ୍ରରୁ ଖବର ପାଇଁ ପୁରୁଷୋତ୍ତମପୁର ଥାନାଧିକାରୀ କୁଳମଣି ସେଠୀଙ୍କ ନେତୃତ୍ୱରେ ଉଭୟ ପୁରୁଷୋତ୍ତମପୁର ଏବଂ କୋଦଳା ପୁଲିସ ମିଳିତ ଭାବେ ପଲସର ମୋଟର ସାଇକେଲରେ ଯାଉଥିବା ଘନଶ୍ୟାମ ଓ ତା`ର ସହିଯୋଗୀକୁ ପିଛା କରିଥିଲେ l କୋଦଳା-ସିଂହାସନୀ ରାସ୍ତାର ବାଇଦିପଡା ନିକଟରେ କାଳିଆ ଓ ତା"ର ସହଯୋଗୀ ପୁଲିସ ଉପରକୁ ଏକ ରାଉଣ୍ଡ ଫା୍ୟାରିଂ କରିବା ସହ ଦୁଇଟି ବମ ଫିଙ୍ଗିଥିଲେ l ଆତ୍ମରକ୍ଷା ପାଇଁ ପୁଲିସର ପାଲଟା ଫା୍ୟାରିଂରେ କାଳିଆର ଡାହାଣ ଆଣ୍ଠୁରେ ଗୁଳି ବାଜିଥିଲା ଏବଂ ସହଯୋଗୀ ଫେରାର ହୋଯାଇଥିଲା l ଆହତ କାଳିଆକୁ ପ୍ରଥମେ କୋଦଳା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଏବଂ ପରେ ବ୍ରହ୍ମପୁର ଏମକେସିଜିକୁ ସ୍ଥାନାନ୍ତର କରାଯାଇଥିଲା l ସେଠାରେ ସୁସ୍ଥହେବାପରେ ତାକୁ ଗିରଫ କରାଯାଇଥବା ଏସଡିପିଓ ସୁଜିତ କୁମାର ନାୟକ ସୂଚନା ଦେଇଥିଲେ l ଏନକାଉଣ୍ଟର ସ୍ଥଳରୁ ପଲସର ବାଇକ ସହ ଏକ ପିସ୍ତଲ ଜବତ କରାଯାଇଛି l