Odisha Janamata : ବେଆଇନ ମାଟି ହମ୍ପସ ହେଲା କାଳ ଚାଲିଗଲା ମହିଳା ଙ୍କ ଜୀବନ |

ବେଆଇନ ମାଟି ହମ୍ପସ ହେଲା କାଳ ଚାଲିଗଲା ମହିଳା ଙ୍କ ଜୀବନ |

31-Jul-2026

ବେଆଇନ ମାଟି ହମ୍ପସ୍ ହେଲା କାଳ,ଚାଲିଗଲା ମହିଳାଙ୍କ ଜୀବନ l

ଓଡିଶା ଜନମତ, ଖଲ୍ଲିକୋଟ :31/07/26

ତାରା ଶଙ୍କର ରଥ :--
ଗଞ୍ଜାମ ଜିଲ୍ଲା ଖଲ୍ଲିକୋଟ ଥାନା ଅନ୍ତର୍ଗତ କଇରାସୀ ନିକଟସ୍ଥ କୁଶଢିପା ଛକ ଠାରେ ଏକ ସଡକ ଦୁର୍ଘଟଣାରେ ଜଣେ ମହିଳାଙ୍କ ଜୀବନ ହାନି ଘଟିଛି l ମୃତକ ଜଣକ ହେଲେ ଅଙ୍ଗାରଗାଁ ପଞ୍ଚାୟତ ଶଙ୍ଖଭୂଇଁ ଗ୍ରାମର ସୁର ଦାସଙ୍କ ସ୍ତ୍ରୀ କୌତୀକ୍ ଦାସ l ପ୍ରାପ୍ତ ସୂଚନା ଅନୁଯାୟୀ କୌତିକ ଦାଶ ନିଜ ଗ୍ରାମରୁ ଜ୍ୱାଇଁ ସଞ୍ଜୟ ଦାଶଙ୍କ ସହ ସ୍କୁଟି ଯୋଗେ ଆଖି ଦେଖାଇବା ପାଇଁ ଖଲ୍ଲିକୋଟ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଆସୁଥିଲେ। ତେବେ କୁଶଢିପା ଛକ ନିକଟରେ ଜଣେ ବ୍ୟକ୍ତି ଘର କାମ ପାଇଁ ପାଣି ପାଇପ୍ ନେବାକୁ ରାସ୍ତା ଉପରେ ଏକ ଉଚ୍ଚ ମାଟି ହମ୍ପସ୍ ତିଆରି କରିଥିଲେ। ସ୍କୁଟି ଚାଳକ ଗାଡ଼ି ଚଲାଉଥିବା ବେଳେ ଏହି ଅପ୍ରତ୍ୟାଶିତ ଉଚ୍ଚ ହମ୍ପସ୍ କୁ ଦେଖିପାରିନଥିଲେ l ଫଳରେ ସ୍କୁଟିଟି ହମ୍ପସ ଉପରେ ଝଟକା ଖାଇବାରୁ ପଛରେ ବସିଥିବା ଶାଶୁ କୌତିକ ଦାସ ଗାଡ଼ିରୁ ଖସି ରାସ୍ତା ଉପରେ ପଡ଼ିଯାଇଥିଲେ। ତାଙ୍କ ମୁଣ୍ଡ ପଛ ଭାଗରେ ଶକ୍ତ ଆଘାତ ଲାଗିବା ସହ ପ୍ରଚୁର ରକ୍ତସ୍ରାବ ହୋଇଥିଲା । ସ୍ଥାନୀୟ ଲୋକଙ୍କ ସହାୟତାରେ ତୁରନ୍ତ ୧୦୮ ଆମ୍ବୁଲାନ୍ସ ଯୋଗେ ତାଙ୍କୁ ଖଲ୍ଲିକୋଟ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା । ମାତ୍ର ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ମୁତ ମହିଳାଙ୍କ ସ୍ୱାମୀ ରାଜ୍ୟ ବାହାରେ ଦାଦନ ଖଟୁଥିବା ବେଳେ ତାଙ୍କର ଦୁଇଟି ପୁଅ ଓ ଜଣେ ଝିଅ ଅଛନ୍ତି l ତାଙ୍କ ପରିବାର ଅତ୍ୟନ୍ତ ଗରିବ ଶ୍ରେଣୀର ହୋଇଥିବାରୁ ସରକାରୀ ସହାୟତା ପାଇଁ ସାଧାରଣରେ ଦାବି ହୋଇଛି l ଅନ୍ୟ ପକ୍ଷରେ ବେଆଇନ ହମ୍ପସ କରିଥିବା ବ୍ୟକ୍ତି ଉପରେ ଦୃଢ଼ କାର୍ଯ୍ୟାନୁଷ୍ଠାନ ପାଇଁ ଦାବି ହୋଇଛି l