Odisha Janamata : ବନ୍ୟା ଯୋଗୁଁ ପାଳ ସଦା ବ୍ରିଜ ଉପରେ ବାନ୍ୟଜଳ ଯୋଗୁଁ ବୋଡେ଼ନ ଖଡ଼ିଆଳ ଯାତାୟାତ ବନ୍ଦ ||

ବନ୍ୟା ଯୋଗୁଁ ପାଳ ସଦା ବ୍ରିଜ ଉପରେ ବାନ୍ୟଜଳ ଯୋଗୁଁ ବୋଡେ଼ନ ଖଡ଼ିଆଳ ଯାତାୟାତ ବନ୍ଦ ||

31-Jul-2026

ଲଗାଣ ବର୍ଷାର ତାଣ୍ଡବ ଯୋଗୁ, ତିଖାଲିର ୬ ଗେଟ୍ ଖୋଲା, ପାଳସଦା ବ୍ରିଜ ଉପରେ ବନ୍ୟାଜଳ; ବୋଡ଼େନ–ଖଡ଼ିଆଳ ଯାତାୟାତ ବନ୍ଦ |

ଓଡିଶା ଜନ ମତ ବ୍ୟୁରୋ,

ରାଜ୍ୟର କିଛି ଜିଲ୍ଲା ରେ ଲଘୁଚାପ ଜନିତ ଲଗାଣ ବର୍ଷା ଯୋଗୁଁ ନୂଆପଡ଼ା ଜିଲ୍ଲାରେ ବନ୍ୟା ପରିସ୍ଥିତି ଗମ୍ଭୀର ରୂପ ନେଇଛି। ଅବିରତ ବର୍ଷାରେ ବିଭିନ୍ନ ନଦୀ ଓ ନାଳର ଜଳସ୍ତର ବୃଦ୍ଧି ପାଇଥିବାରୁ ଅନେକ ସଡ଼କ ଉପରେ ବନ୍ୟାଜଳ ପ୍ରବାହିତ ହେଉଛି। ଫଳରେ ସାଧାରଣ ଜନଜୀବନ ଓ ଯାତାୟାତ ଗୁରୁତର ଭାବେ ପ୍ରଭାବିତ ହୋଇଛି।ପରିସ୍ଥିତିକୁ ଦୃଷ୍ଟିରେ ରଖି ତିଖାଲି ନିମ୍ନ ଇନ୍ଦ୍ର ଜଳସେଚନ ପ୍ରକଳ୍ପର ୬ଟି ଗେଟ୍ ଖୋଲାଯାଇଛି। ଜଳସ୍ତର ଆହୁରି ବଢ଼ିଲେ ଅତିରିକ୍ତ ୩ଟି ଗେଟ୍ ଖୋଲାଯିବାର ସମ୍ଭାବନା ଥିବା ସୂଚନା ମିଳିଛି। ଡ୍ୟାମ୍ ଅଞ୍ଚଳରେ ଅଧିକାରୀମାନେ ସତର୍କତାର ସହ ପରିସ୍ଥିତି ଉପରେ ନଜର ରଖିଛନ୍ତି।ଅନ୍ୟପଟେ ପାଳସଦା ବ୍ରିଜ ଉପରେ ବନ୍ୟାଜଳ ପ୍ରବାହିତ ହେବାରୁ ବୋଡ଼େନ–ଖଡ଼ିଆଳ ଯାତାୟାତ ସମ୍ପୂର୍ଣ୍ଣ ବିଚ୍ଛିନ୍ନ ହୋଇଯାଇଛି। ପ୍ରଶାସନ ପକ୍ଷରୁ ଲୋକଙ୍କୁ ବନ୍ୟାଜଳ ଥିବା ରାସ୍ତା ଓ ପୋଲ ଅତିକ୍ରମ ନ କରିବାକୁ ପରାମର୍ଶ ଦିଆଯାଇଛି।ଖଡ଼ିଆଳ ବ୍ଲକର ଅନେକ ଗ୍ରାମ ଜଳବନ୍ଦୀ ହୋଇଥିବା ବେଳେ ଚାଷଜମି ଜଳମଗ୍ନ ହୋଇଛି। ବହୁ ଗଛ ଭାଙ୍ଗିପଡ଼ିଛି ଏବଂ କେତେକ ମାଟି ଓ କଞ୍ଚା ଘର କ୍ଷତିଗ୍ରସ୍ତ ହୋଇଛି। ଖଡ଼ିଆଳ ସହରର ସାହୁପଡ଼ା ରାସ୍ତାରେ ମଧ୍ୟ ବର୍ଷାପାଣି ପ୍ରବାହିତ ହେଉଛି। ବିଦ୍ୟୁତ ସରବରାହ ବ୍ୟାହତ ହୋଇଥିବା ସୂଚନା ମିଳିଛି।ସ୍ଥିତିର ସମୀକ୍ଷା ପାଇଁ ଖଡ଼ିଆଳ ବିଡିଓ ମିଳନ କୁମାର ଝାଙ୍କର ବ୍ଲକ ପ୍ରଶାସନ ସହ ୨୬ଟି ପଞ୍ଚାୟତର ସରପଞ୍ଚମାନଙ୍କୁ ସତର୍କ ରହି ପରିସ୍ଥିତି ଉପରେ କଡ଼ା ନଜର ରଖିବାକୁ ନିର୍ଦ୍ଦେଶ ଦେଇଛନ୍ତି।