Odisha Janamata : ଚଣ୍ଡୀ ଢ଼ାବା ନିକଟରେ ସିରିଜ ଦୁର୍ଘଟଣା |

ଚଣ୍ଡୀ ଢ଼ାବା ନିକଟରେ ସିରିଜ ଦୁର୍ଘଟଣା |

01-Aug-2026

ସିରିଜ ଦୁର୍ଘଟଣା
-------------------

ଓଡ଼ିଶା ଜନମତ , ଖଲିକୋଟ: 01/08/26

ତାରା ଶଙ୍କର ରଥ:-q
ଖଲ୍ଲିକୋଟ ଥାନା ଅନ୍ତର୍ଗତ ସାନଘାଟି ନିକଟସ୍ଥ ଚଣ୍ଡୀଢାବା ନିକଟ ରେ ଘଟିଛି ସିରିଜ୍ ଦୁର୍ଘଟଣା । ପୂର୍ବରୁ ଖାଲକୁ ଓଲଟି ପଡ଼ିଥିବା ଏକ କୋଇଲା ବୋଝେଇ ଟ୍ରକ୍ ଉଦ୍ଧାର କରାଯାଇ ରାସ୍ତା କଡ଼ରେ ରଖାଯାଇଥିବା ବେଳେ ପଛକୁ ପଛ ତିନୋଟି ଟ୍ରକ୍ ଧକ୍କା ଦେବାରୁ ଭୟଙ୍କର ଦୃଘଟଣା ଘଟିଛି। ଏଥିରେ ଦୁଇ ଜଣ ଡ୍ରାଇଭର ଆହତ ହେବାର ସୂଚନା ମିଳିଛି। ମିଳିଥିବା ସୂଚନା ଅନୁଯାଇ ଗୁରୁବାର ସନ୍ଧ୍ୟା ରେ କଟକ ରୁ ବିଜୟବଢ଼ା ଯାଉଥିବା ଏକ କୋଇଲା ବୋଝେଇ ଟ୍ରକ୍ ଖଲ୍ଲିକୋଟ ଥାନା ଚଣ୍ଡୀ ଢାବା ନିକଟରେ ଭାରସାମ୍ୟ ହରାଇ ରାସ୍ତା ର ପ୍ରାୟ ୧୫ ଫୁଟ୍ ତଳକୁ ଓଲଟି ପଡ଼ିଥିଲା ତେବେ ଦୁର୍ଘଟଣାରେ ଟ୍ରକ୍ ଡ୍ରାଇଭର ଓ ହେଲ୍ପର ଅଳ୍ପକେ ବର୍ତ୍ତି ଯାଇଥିଲେ । ଗତକାଲି ଅପରାହ୍ନ ରେ ଦୁର୍ଘଟଣା ଗ୍ରସ୍ତ ଟ୍ରକ୍ କୁ କ୍ରେନ୍ ସାହାଯ୍ୟ ରେ ଖାଲରୁ ଉଦ୍ଧାର କରାଯାଇ ରାସ୍ତା ପାର୍ଶ୍ୱ ରେ ରଖା ଯାଇଥିଲା । ହେଲେ ଗତକାଲି ବିଳମ୍ବିତ ସଂଧାରେ ଆଉ ଏକ କୋଇଲା ବୋଝେଇ ଟ୍ରକ୍ ଉକ୍ତ ଟ୍ରକ୍ ପଛରେ ଶକ୍ତ ଧକା ଦେଇଥିଲା ଏହା ପରେ ପଛରୁ ଆସୁଥିବା ଆଉ ଦୁଇ ଟ୍ରକ୍ ପଛକୁ ପଛକୁ ଧକ୍କା ଦେବାରୁ ସମଗ୍ର ଅଞ୍ଚଳରେ ଭୟର ବାତାବରଣ ଖେଳିଯାଇଥିଲା। ଉକ୍ତ ଘଟଣା ରେ ତିନି ରୁ ଉର୍ଦ୍ଧ ଜଣ ଡ୍ରାଇଭର ଓ ହେଲ୍ପର ଆହତ ହୋଇଥିଲେ। ଖବର ପାଇ ପୋଲିସ୍ , ଅଂଗ୍ନି ସମ ବାହିନୀ ଓ ସ୍ଥାନୀୟ ଲୋକ ଙ୍କ ସହାୟତାରେ ଆହତ ମାନଙ୍କୁ ଉଦ୍ଧାର କରି ଖଲ୍ଲିକୋଟ ଗୋଷ୍ଟି ସ୍ୱାସ୍ଥ୍ୟ କେନ୍ଦ୍ର ରେ ପହଁଚାଇଥିଲେ। ସେଠାରେ ଦୁହେଁ ଚିକିତ୍ସାଧୀନ ଥିବା ସୂଚନା ମିଳିଛି । ତେବେ ଖଲ୍ଲିକୋଟ ପୋଲିସ୍ ଏବଂ ହାଇୱେ ପେଟ୍ରୋଳିଂ ଟିମ୍ ଟ୍ରାଫିକ ନିୟନ୍ତ୍ରଣ କରିବା ସହ ଘଟଣା ର ଅଧିକ ତଦନ୍ତ ଜାରି ରଖିଛନ୍ତି ।