Odisha Janamata : 6ଷ୍ଠ ନ୍ୟାସନାଲ ଆମେଚର ଗେମ୍ସ ପାଇଁ ଓଡିଶାରୁ ମନୋନୀତ ହେଲେ କବାଡି ଖେଳାଳି ଦିଲ୍ଲୀପ |

6ଷ୍ଠ ନ୍ୟାସନାଲ ଆମେଚର ଗେମ୍ସ ପାଇଁ ଓଡିଶାରୁ ମନୋନୀତ ହେଲେ କବାଡି ଖେଳାଳି ଦିଲ୍ଲୀପ |

04-Aug-2026

୬ଷ୍ଠ ନ୍ୟାସନାଲ ଆମେଚର ଗେମ୍ସ ପାଇଁ ଓଡ଼ିଶାରୁ ମନୋନୀତ ହେଲେ କଲ୍ୟାଣସିଂହପୁରର କବାଡି ଖେଳାଳି ଦିଲ୍ଲୀପ

ଓଡିଶା ଜନମତ ରାୟଗଡା, ୪/୮,

କାମେଶ୍ୱର କରକରିଆ : ------

ରାୟଗଡ଼ା ଜିଲ୍ଲା କଲ୍ୟାଣସିଂହପୁର ବ୍ଲକ ଅନ୍ତର୍ଗତ ପାର୍ସଲୀ ପଞ୍ଚାୟତର ନିୟମଗିରି ଅଞ୍ଚଳର ଚାଟିକଣା ଗ୍ରାମର ପ୍ରତିଭାବାନ କବାଡି ଖେଳାଳି ଦିଲ୍ଲୀପ କୁମାର ପରିଡ଼ା ପୁଣିଥରେ ନିଜ କ୍ରୀଡ଼ା ନୈପୁଣ୍ୟର ପ୍ରମାଣ ଦେଇ ରାଜ୍ୟ ପାଇଁ ଗୌରବ ଆଣିଛନ୍ତି। ସେ ଆସନ୍ତା ଅଗଷ୍ଟ ୨୨ରୁ ୨୪ ତାରିଖ ପର୍ଯ୍ୟନ୍ତ ରାଜସ୍ଥାନର ଜୟପୁରରେ ଆୟୋଜିତ ହେବାକୁ ଥିବା ୬ଷ୍ଠ ନ୍ୟାସନାଲ ଆମେଚର ଗେମ୍ସ ପାଇଁ ଓଡ଼ିଶା ଦଳରେ ମନୋନୀତ ହୋଇଛନ୍ତି।
ସ୍ୱର୍ଗତ କୁଳମଣି ପରିଡ଼ାଙ୍କ ସାନପୁଅ ଦିଲ୍ଲୀପ ପୂର୍ବରୁ ଇଣ୍ଡୋ-ନେପାଳ ଆନ୍ତର୍ଜାତୀୟ କବାଡି ଚାମ୍ପିଅନସିପରେ ଦମଦାର ପ୍ରଦର୍ଶନ କରି ସ୍ୱର୍ଣ୍ଣ ପଦକ ଜିତି ଦେଶ, ରାଜ୍ୟ ଓ ନିଜ ଅଞ୍ଚଳର ନାମ ଉଜ୍ଜ୍ୱଳ କରିଥିଲେ। ଏହାସହ ସେ ଦୁଇଟି ଜାତୀୟ ଚାମ୍ପିଅନସିପରେ ଅଂଶଗ୍ରହଣ କରି ଗୋଟିଏ ରୌପ୍ୟ ପଦକ ହାସଲ କରିଛନ୍ତି। ରାଜ୍ୟସ୍ତରୀୟ ସିନିୟର ଓ ଜୁନିୟର କବାଡି ପ୍ରତିଯୋଗିତାରେ ମଧ୍ୟ ସେ ନିଜର ଉଲ୍ଲେଖନୀୟ ପ୍ରଦର୍ଶନ ପାଇଁ ପ୍ରଶଂସା ସାଉଁଟିଛନ୍ତି। ଆସନ୍ତା ଜୟପୁର ଜାତୀୟ ପ୍ରତିଯୋଗିତାରେ ମଧ୍ୟ ଉତ୍କୃଷ୍ଟ ପ୍ରଦର୍ଶନ କରି ଓଡ଼ିଶା ପାଇଁ ପଦକ ଜିତିବାକୁ ଦିଲ୍ଲୀପ ଦୃଢ଼ ଆଶାବାଦୀ ଥିବା ବେଳେ, ତାଙ୍କ ଏହି ସଫଳତାକୁ ନେଇ କଲ୍ୟାଣସିଂହପୁର ଅଞ୍ଚଳବାସୀ, ସ୍ଥାନୀୟ କ୍ରୀଡ଼ାପ୍ରେମୀ ଓ ଶୁଭେଚ୍ଛୁମାନଙ୍କ ମଧ୍ୟରେ ଖୁସିର ଲହରୀ ଖେଳିଯାଇଛି। ସମସ୍ତେ ତାଙ୍କୁ ଶୁଭେଚ୍ଛା ଜଣାଇବା ସହ ଜାତୀୟ ପ୍ରତିଯୋଗିତାରେ ସଫଳତା କାମନା କରିଛନ୍ତି।