Odisha Janamata : ଛତିଶ ଗଡ଼ ବନ ବିଭାଗ ର ଚଢ଼ାଉ, ଲକ୍ଷା ଧିକ ଟଙ୍କାର କାଠ ଜବତ |

ଛତିଶ ଗଡ଼ ବନ ବିଭାଗ ର ଚଢ଼ାଉ, ଲକ୍ଷା ଧିକ ଟଙ୍କାର କାଠ ଜବତ |

26-Aug-2026

ଓଡ଼ିଶାରେ ଛତିଶଗଡ଼ ବନ ବିଭାଗର ଚଢ଼ାଉ, ଦାସପୁରରୁ ୩ ଲକ୍ଷର ଶାଗୁଆନ କାଠ ଜବତ |

ବର୍ତମାନ ଓଡିଶା ରେ ଛତିଶଗଡ ବନ ବିଭାଗ ର ଟିମ ପହଞ୍ଚିଲକ୍ଷାଧି ଟଙ୍କା ର କାଠ ଜବତ | ନବରଙ୍ଗପୁର ଜିଲ୍ଲା ରାଇଘର ବ୍ଲକରେ ବେଆଇନ କାଠ କାରବାରକୁ ନେଇ ଏବେ ଉଠିଛି ବଡ଼ ପ୍ରଶ୍ନ। ଓଡ଼ିଶା ସୀମା ଭିତରେ ଛତିଶଗଡ଼ ବନ ବିଭାଗର ବଡ଼ ଚଢ଼ାଉ। ରାଇଘର ବ୍ଲକ ଯୋଡ଼ିଙ୍ଗା ପଞ୍ଚାୟତ ଦାସପୁର ଡିଏନକେ ଗ୍ରାମରୁ ଜବତ ହୋଇଛି ବିପୁଳ ପରିମାଣର ଶାଗୁଆନ କାଠ ସହ ବିଭିନ୍ନ କାଠ ତିଆରି ଆସବାବପତ୍ର। ଜବତ ସାମଗ୍ରୀର ଆନୁମାନିକ ମୂଲ୍ୟ ପ୍ରାୟ ୩ ଲକ୍ଷ ଟଙ୍କା ବୋଲି ବନ ବିଭାଗ ପକ୍ଷରୁ ସୂଚନା ମିଳିଛି ।
ଗରିଆବନ୍ଦ ବନ ବିଭାଗ ଡିଏଫଓ ବରୁଣ ଜୈନଙ୍କ ନେତୃତ୍ୱରେ ଏକ ଟିମ୍‌ ଦାସପୁର ଡିଏନକେ ଅଞ୍ଚଳରେ ଚଢ଼ାଉ କରିଥିଲା। ଓଡ଼ିଶା-ଛତିଶଗଡ଼ ସୀମାନ୍ତ ଜଙ୍ଗଲରୁ ଶାଗୁଆନ କାଠ ଆଣି ଓଡ଼ିଶାରେ ବ୍ୟବସାୟ ହେଉଥିବା ନେଇ ସୂଚନା ପାଇବା ପରେ ଗରିଆବନ୍ଦ ଡିଏଫଓ ଏହି ଚଢ଼ାଉ ପାଇଁ ଯୋଜନା କରିଥିଲେ। ପରେ ନବରଙ୍ଗପୁର ଡିଏଫଓଙ୍କ ସହ ଯୋଗାଯୋଗ କରି ରାଇଘର ବନ ବିଭାଗର ସହଯୋଗରେ ସୋମବାର ଦାସପୁରରେ ଚଢ଼ାଉ କରାଯାଇଥିଲା।
ଚଢ଼ାଉ ବେଳେ ବହୁ ପରିମାଣର ଶାଗୁଆନ କାଠ ସହ ଘରେ ତିଆରି ହେଉଥିବା ବିଭିନ୍ନ କାଠ ଆସବାବପତ୍ର ଜବତ କରାଯାଇଛି। ଜବତ କାଠ ଓ ଆସବାବପତ୍ରକୁ ନେଇ ବନ ବିଭାଗର ତଦନ୍ତ ଏବଂ ଆଇନଗତ ପ୍ରକ୍ରିୟା ଜାରି ରହିଛି।
ତେବେ ଏହି ଘଟଣା ପରେ ରାଇଘର ବନ ବିଭାଗର କାର୍ଯ୍ୟଦକ୍ଷତାକୁ ନେଇ ମଧ୍ୟ ଉଠିଛି ପ୍ରଶ୍ନ। ସ୍ଥାନୀୟ ଅଞ୍ଚଳର ସୋନପୁର, ଆମ୍ବାବେଡ଼ା, ରେଙ୍ଗାଭାଟି ଓ ଦାସପୁର ଭଳି କେତେକ ଗ୍ରାମରେ ବେଆଇନ କାଠ କାରବାର ଏବଂ କାଠକାମ ନେଇ ଅଭିଯୋଗ ରହିଥିବା ବେଳେ, ଛତିଶଗଡ଼ ବନ ବିଭାଗ ପକ୍ଷରୁ ବାରମ୍ବାର ଚଢ଼ାଉ ହେଉଥିବା ଘଟଣା ଚର୍ଚ୍ଚାକୁ ଆସିଛି।ପ୍ରଶ୍ନ ଉଠୁଛି ସୀମା ପାର ଜଙ୍ଗଲରୁ କାଠ ଆସୁଛି, ଓଡ଼ିଶା ମାଟିରେ କାଠର କାରବାର ଚାଲିଛି, ହେଲେ ଓଡ଼ିଶା ବନ ବିଭାଗର ନଜର କେଉଁଠି?
ଛତିଶଗଡ଼ ବନ ବିଭାଗ ଆସି ଓଡ଼ିଶାରେ ଚଢ଼ାଉ କରିବା ପରେ ହିଁ କାଠ କାରବାରର ଖବର ପଦାକୁ ଆସିବ କି?