Odisha Janamata : ପଦ୍ମ ଦଳର ଅଣଦେଖାରେ ଅତିଷ୍ଟ ଦୁଇ ପୂର୍ବତନ ବିଜେଡି ମନ୍ତ୍ରୀ, ପ୍ରଦୀପ ଓ ସମୀର |

ପଦ୍ମ ଦଳର ଅଣଦେଖାରେ ଅତିଷ୍ଟ ଦୁଇ ପୂର୍ବତନ ବିଜେଡି ମନ୍ତ୍ରୀ, ପ୍ରଦୀପ ଓ ସମୀର |

27-Aug-2026

ଶଙ୍ଖ ଛାଡ଼ିଥିବା ନେତାଙ୍କୁ ପଦ୍ମ ଦଳର ଅଣଦେଖା ,

ଓଡିଶା ଜନ ମତ ବ୍ୟୁରୋ,

ଦିନେ ବିଜେଡି ର ଗଞ୍ଜାମ ଜିଲ୍ଳାର ନେତୃତ୍ୱ ନେଉଥିବା ଛାତ୍ର ନେତା ତଥା ସଂଘଟକ, ବିଧାୟକ, ଜିଲ୍ଲା ସଭାପତି ଓ ମନ୍ତ୍ରୀ ହୋଇ ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଙ୍କ ହିଞ୍ଜିଳି ଓ ଗଞ୍ଜାମ ଜିଲ୍ଲା ସମ୍ଭାଳୁ ଥିବା ପ୍ରଦୀପ ପାଣିଗ୍ରାହୀ ଙ୍କ ପାଣ୍ଡିଆନ ଙ୍କ ସହିତ ମତ ଭେଦ ଘଟି ବିଜେଡିରୁ ଆସି ବିଜେପି ରେ ଯୋଗ ଦେଇ ନିର୍ବାଚନ ବେଳେ ବିଜେଡି ର ଲେଖା ଛିଡେଇ ଦେଲେ | ସେହିପରି ପ୍ରଦୀପଙ୍କ ଭଳି ସମଦଶାରେ ନିମାପଡ଼ାର ବରିଷ୍ଠ ନେତା ସମୀର ଦାଶ। ସେମଧ୍ୟ ସଂଘଟକ, ନେତା, ବିଧାୟକ ଓ ମନ୍ତ୍ରୀ ହୋଇ ନବୀନ ପଟ୍ଟନାୟକ ଙ୍କ ପାଖରେ ଦବ ଦବା ରଖି ଥିଲେ ଏବଂ ବିଜେଡି ଛାଡି ବିଜେପିରେ ମିଶି ଥିଲେ ଏବଂ ଦଳ ତାଙ୍କୁ ଟିକେଟ ନଦେଇ ପ୍ରଭାତୀ ପରିଡା ଙ୍କୁ ଟିକଟ ଦେଇଥିଲା | ତେବେ ଏହି ଦୁଇ ନେତା ଲାଗୁଛି ଯେମିତି ବିଜେପିରେ ସେ ଏବେ ଅଣନିଶ୍ବାସୀ ଅବସ୍ଥାରେ। ଉପ-ମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା ଓ ସମୀରଙ୍କ ବିବାଦ ଦାଣ୍ଡରେ ପଡ଼ି ହାଟରେ ଗଡ଼ିଲାଣି। ବିଜେପିର ଶୀର୍ଷ ସ୍ତରୀୟ ନେତା ଏହାକୁ ମ୍ୟାନେଜ କରିବାକୁ ପ୍ୟାଚ୍‌ ପକାଉଥିଲେ ମଧ୍ୟ ଫାଟ ଜଳ ଜଳ ହୋଇ ଦିଶୁଛି।
ବିଜେଡିରେ ଅଖଣ୍ଡ କ୍ଷମତାଶାଳୀ ହୋଇ ପଦପଦବୀ ହାତେଇଥିଲେ। ତତ୍କଳୀନ ନବୀନ ସରକାର ଓ ବିଜେଡି ସଂଗଠନରେ ଗୁରୁତ୍ବପୂର୍ଣ୍ଣ ଭୂମିକା ନିଭାଉଥିଲେ। ହେଲେ ୨୦୨୪ ନିର୍ବାଚନ ପୂର୍ବରୁ ଓ ପରେ ଅନେକ ନେତା କ୍ଷମତାକେନ୍ଦ୍ର ପାଣ୍ଡିଆନଙ୍କ ଉପରେ ବର୍ଷି ବିଜେଡି ଛାଡ଼ି ବିଜେପିକୁ ଭରସା କରିଥିଲେ। ସେମାନଙ୍କୁ କିଛି ନେତା ନିଜକୁ ପଦ୍ମ ପୋଖରୀରେ ଖାପ ଖୁଆଇ ପାରୁନାହାଁନ୍ତି।

ପ୍ରଦୀପ ପାଣିଗ୍ରାହୀ ଆଉ ସମୀର ଦାଶ। ଏକଦା ବିଜୁ ଜନତା ଦଳର ଥିଲେ ହେଭିୱେଟ୍‌। ନବୀନଙ୍କ ବ୍ଲୁୟାର୍ଡ ବୟ ସାଜି ଦଳର କ୍ରାଇସିସ୍ ମ୍ୟାନେଜ କରୁଥିଲେ। ହେଲେ ୨୦୧୯ ପରେ ଦଳରେ ଏମାନଙ୍କ ଅସ୍ତିତ୍ବ ଉପରେ କଳାବାଦଲ ଘୋଟି ଆସିଥିଲା। ଦଳ ବିରୋଧୀ ଏବଂ ଜନବିରୋଧୀର ଆଖ୍ୟା ଦେଇ ପ୍ରଦୀପଙ୍କୁ ବିଜେଡିରୁ ତଡ଼ିଦେଇଥିଲେ ନବୀନ। ସରକାରୀ ଆକ୍ରୋଶର ଶିକାର ହୋଇ ଜେଲ୍‌ ବି ଯାଇଥିଲେ। ପରବର୍ତ୍ତୀ ପର୍ୟ୍ୟାୟରେ ନିଜର ରାଜନୈତିକ କ୍ୟାରିୟର ବଞ୍ଚାଇବା ପାଇଁ ବିଜେପିରେ ସାମିଲ୍ ହୋଇଥିଲେ। ୨୦୨୪ ନିର୍ବାଚନରେ ବିଜେପିରୁ ଲଢ଼ି ବ୍ରହ୍ମପୁର ସାଂସଦ ବନିଗଲେ। ହେଲେ ଗତ କିଛି ଦିନର ଘଟଣା ଓ ପ୍ରଦୀପଙ୍କ ଭିନ୍ନ ଭିନ୍ନ ସୋସିଆଲ ମିଡ଼ିଆ ପୋଷ୍ଟ ଦେଖିଲେ ଲାଗୁଛି ମନରେ କିଛି କ୍ଷୋଭ ରହୁଛି। ଦକ୍ଷିଣ ଓଡ଼ିଶାକୁ ଅବହେଳା ନେଇ ମୁଖ୍ୟମନ୍ତ୍ରୀଙ୍କୁ ପ୍ରଦୀପଙ୍କ ଚିଠି ଏହାରା ଜ୍ବଳନ୍ତ ଉଦାହରଣ।

ପ୍ରଦୀପଙ୍କ ଭଳି ସମଦଶାରେ ନିମାପଡ଼ାର ବରିଷ୍ଠ ନେତା ସମୀର ଦାଶ। ଲାଗୁଛି ଯେମିତି ବିଜେପିରେ ସେ ଏବେ ଅଣନିଶ୍ବାସୀ ଅବସ୍ଥାରେ। ଆଗକୁ ପଞ୍ଚାୟତ ନିର୍ବାଚନରେ ନିମାପଡ଼ା ରାଜନୀତିରେ ଦେଖିବାକୁ ମିଳିପାରେ ପ୍ରଭାତୀ-ସମୀରଙ୍କ ମଧ୍ୟରେ ରୋଚକ ଲଢ଼େଇ। ତେବେ ଏମାନେ କଣ ପଦ୍ମ ଦଳ ଛାଡି ପୁଣି ବିଜେଡି କୁ ଘରବାହୁଡା଼ ହେବେକି | ଆସନ୍ତା ନିର୍ବାଚନ ରେ ସମୟ କହିବ କିଏକଣ କରୁଛି |

୨୦୨୪ ନିର୍ବାଚନ ପୂର୍ବରୁ ଏବଂ ପରେ ଅନେକ ନେତା ଶଙ୍ଖ ଛାଡ଼ି ପଦ୍ମ ପୋଖରୀକୁ ଡେଇଁଥିଲେ। ଏମାନଙ୍କ ଭିତରୁ ଅନେକ ବିଧାୟକ ଓ ସାଂସନ ବନିଯାଇଛନ୍ତି। ଆଉ କିଛି ନିଗମ ଲଡ଼ୁ ଅପେକ୍ଷାରେ ଦିନ ଗଣୁଛନ୍ତି। ଆଗକୁ ପଞ୍ଚାୟତ ନିର୍ବାଚନ ଥିବାରୁ କେମିତି ଏହାକୁ ବିଜେପି ମ୍ୟାନେଜ କରୁଛି ତାକୁ ଅପେକ୍ଷା