Odisha Janamata : ଜିଲ୍ଲା କଂଗ୍ରେସ ର ପରିବର୍ଦ୍ଧିତ କାର୍ଯ୍ୟ କାରିଣୀ ବୈଠକ ଅନୁଷ୍ଠିତ |

ଜିଲ୍ଲା କଂଗ୍ରେସ ର ପରିବର୍ଦ୍ଧିତ କାର୍ଯ୍ୟ କାରିଣୀ ବୈଠକ ଅନୁଷ୍ଠିତ |

24-Sep-2026

ଜିଲ୍ଲା କଂଗ୍ରେସର ପରିବର୍ଦ୍ଧିତ କାର୍ଯ୍ୟକାରିଣୀ ବୈଠକ l
ଓଡିଶା ଜନମତ, ଭୁବନେଶ୍ୱର
ଜ୍ୟୋତି ରଞ୍ଜନ ପଟ୍ଟନାୟକ....
ସମଗ୍ର ଦେଶରେ ଯୁବକ, ଯୁବତିଙ୍କ ବେକାରୀ ସଂଖ୍ୟା ବୃଦ୍ଧି ପାଇଚାଲିଛି ଓ ଶିକ୍ଷିତ ଛାତ୍ର, ଛାତ୍ରୀଙ୍କ ଭବିଷ୍ୟତ ସହ ବିଜେପି ସରକାର ଖେଳ ଖେଳୁଛନ୍ତି।ଦିନକୁ ଦିନ ଦରଦାମ ହୁହୁ ବୃଦ୍ଧି ପାଉଥିବା ବେଳେ ନିୟନ୍ତ୍ରଣ କରିବାରେ ଏ ସରକାର ବିଫଳ ହେଉଛି । ତେଣୁ ଆଗାମୀ ପୌରପରିଷଦ ଓ ପଞ୍ଚାୟତ ନିର୍ବାଚନରେ କଂଗ୍ରେସ କ୍ଷମତା ଫେରିବା ଆବଶ୍ୟକତା ରହିଛି।ତେଣୁ ତୃଣମୂଳସ୍ତରରେ ଦଳକୁ ମଜୁବୁତ କରିବା ପାଇଁ ସମସ୍ତେ ଗୁରୁତ୍ୱ ଦେବା ଆବଶ୍ୟକ। ସ୍ଥାନୀୟ ଜୟୀରାଜପୁର ଭବନ ପରିସରରେ ଜିଲ୍ଲା କଂଗ୍ରେସ
ପରିବର୍ତ୍ତିତ କାର୍ଯ୍ୟକାରିଣୀ ବୈଠକରେ ମୁଖ୍ୟ ଅତିଥ୍ ଭାବେ ଯୋଗଦେଇ ଅଖିଳ ଭାରତୀୟ କଂଗ୍ରେସ କମିଟି ସଚ୍ଚିବ ତଥା ଓଡ଼ିଶା ସହ ପ୍ରଭାରୀ ଜେଟି କୁସୁମ୍ କୁମାର ଦଳୀୟ କର୍ମୀ ଏବଂ ନେତାଙ୍କୁ ଗୁରୁ ମନ୍ତ୍ର ପ୍ରଦାନ କରିଥିଲେ । ସେହିପରି ଜୋନ ସ୍ତରଠାରୁ ପଞ୍ଚାୟତ ସ୍ତର ପର୍ଯ୍ୟନ୍ତ ନେତା ଓ କର୍ମୀମାନେ
ସଂଗଠନ କ୍ଷେତ୍ରରେ କ’ଣ କାମ କରୁଛନ୍ତି ତାହା ଆଗାମୀ ଦିନରେ ନିଜେ ଜୋନ ଓ ପଞ୍ଚାୟତସ୍ତରରେ
କର୍ମୀ କାର୍ଯ୍ୟ ପ୍ରଣାଳୀ ସମ୍ପକରେ ସମୀକ୍ଷା କରିବାକୁ ପ୍ରକାଶ କରିଥିଲେ । ସେହିପରି ଦଳରେ ରହି ବିଶୃଙ୍ଖଳା ସୃଷ୍ଟି କରୁଥିବା ନେତା ଓ କର୍ମୀମାନ ଙ୍କ ଉପରେ ଶୃଙ୍ଖଳାଗତ କାର୍ଯ୍ୟନୁଷ୍ଠାନ ହେବା ଆବଶ୍ୟକ ବୋଲି ପ୍ରକାଶ କରିଥିଲେ । ଦଳ ଯାହାକୁ ଟିକେଟ ପ୍ରଦାନ କରିବ ତାଙ୍କୁ ବିନାସତ୍ତ୍ଵରେ ସମସ୍ତ କର୍ମୀ ସହଯୋଗ କରିବାକୁ ପରାମର୍ଶ ଵି ଦେଇଥିଲେ । ସେହିପରି
ଜିଲ୍ଲା ସଭାପତି ରାଜୀବ ପଟ୍ଟନାୟକ ଏମଏମଡ଼ିଆର ସଂଶୋଧନ ଆଇନ ଏବଂ ପାଠ୍ୟ ପୁସ୍ତକ ତ୍ରୁଟି ପ୍ରସଂଗରେ ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କୁ ସମାଲୋଚନା କରିଥିଲେ । ଅନ୍ୟମାନଙ୍କ ମଧ୍ୟରେ ପୂର୍ବତନ ମନ୍ତ୍ରୀ ସୁରେଶ ରାଉତରାୟ, ପୂର୍ବତନ ଜିଲ୍ଲା ସଭାପତି ଜାନକୀ ବଲ୍ଲଭ ପଟ୍ଟନାୟକ, ସନ୍ତୋଷ ଜେନା, ପୃଥ୍ୱୀ ବଲ୍ଲଭ ପଟ୍ଟନାୟକ, ସୋନାଲି ସାହୁ, ପ୍ରଦୀପ ସ୍ୱାଇଁ, ସନ୍ତୋଷ ଜେନା, ସ୍ୱାଗତିକା ପଟ୍ଟନାୟକ,ବେଣୁ ଭୋଇ, ଲଲାଟେନ୍ଦୁ ଶତପଥୀ, ସତ୍ୟଜିତ୍ ପଟ୍ଟନାୟକ, ଅଶୋକ ମଙ୍ଗରାଜ, ତପନ ଚକ୍ରବର୍ତ୍ତୀ, ଶିଶିର ପରିଡ଼ା, ସଦାଶିବ ମହାପାତ୍ର, ରଞ୍ଜିତ ମହାପାତ୍ର, ଜୟଶ୍ରୀ ପଟ୍ଟନାୟକ, ନଳିନୀ ବେହେରା, ଅମିତ୍ ମହାନ୍ତି, ବିଭ୍ରାଂଶୁ ପଟ୍ଟନାୟକ, ଶିଶିର ମହାନ୍ତି, ଜୟନ୍ତ ଦାସ, ସୋମ୍ୟ ପଟ୍ଟନାୟକ, ସୌମ୍ୟ ବରାଳ ଓ ସମସ୍ତ ବ୍ଲକ୍ ସଭାପତି, ଏନଏସି ସଭାପତି, ଜିଲ୍ଲା କାର୍ଯ୍ୟକର୍ତ୍ତା ପ୍ରମୁଖ ଉପସ୍ଥିତ ଥିଲେ।