Odisha Janamata : ଦୁର୍ନୀତି ଯୋଗୁଁ ବାଲିପଦର ମହିଳା ଉଚ୍ଚ ବିଦ୍ୟାଳୟ ଶିକ୍ଷୟତ୍ରୀ ସ୍କୁଲରୁ ନିଲମ୍ବିତ ||

ଦୁର୍ନୀତି ଯୋଗୁଁ ବାଲିପଦର ମହିଳା ଉଚ୍ଚ ବିଦ୍ୟାଳୟ ଶିକ୍ଷୟତ୍ରୀ ସ୍କୁଲରୁ ନିଲମ୍ବିତ ||

16-Jun-2026

ବାଲିପଦର ବାଳିକା ଉଚ୍ଚ ମହିଳା ବିଦ୍ୟାଳୟ ର | ପ୍ରଧାନ ଶିକ୍ଷୟିତ୍ରୀ ଦୁର୍ନୀତି ଅଭିଯୋଗ ରେ ନିଲମ୍ବିତ |

ଓଡିଶା ଜନ ମତ ବ୍ୟୁରୋ,

ଆଜିକାଲି ମହିଳା ମାନେ ମଧ୍ୟ ଲଜ, ସରମ ଭୁଲି ସବୁପ୍ରକାର ଦୁର୍ନୀତି କରିବାରେ ଉସ୍ତାଦ ହୋଈ ଗଲେଣି, ଏପରି ଜଣେ ଶିକ୍ଷୟତ୍ରୀ ଙ୍କ ଦୁର୍ନୀତି ଯୋଗୁଁ ସେ ସ୍କୁଲ ରୁ ନିଲମ୍ବିତ ହୋଈ ଛନ୍ତି ତାହା ହେଉଛି ବୁଗୁଡ଼ା ବ୍ଳକର ବାଲିପଦର ଗ୍ରାମସ୍ଥ ଶ୍ରୀ ରଘୁନାଥ ସ୍ୱାମୀ ବାଳିକା ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ବୈଜୟନ୍ତୀ ମାଳା ସୁବୁଦ୍ଧିଙ୍କ ବିରୁଦ୍ଧରେ ଗ୍ରାମବାସୀ ଆଣିଥିବା ଦୁର୍ନୀତି ଅଭିଯୋଗ କ୍ରମେ ଗଞ୍ଜାମ ଜିଲ୍ଲା ଶିକ୍ଷାଧିକାରୀଙ୍କ ଦ୍ୱାରା ସେ ନିଲମ୍ବିତ ହୋଇଥିବା ଜଣାଯାଇଛି । ଏ ନେଇ ଗଞ୍ଜାମ ଜିଲ୍ଲା ଶିକ୍ଷାଧିକାରୀଙ୍କ ଆଦେଶାଙ୍କ ୯୪୫୨ ତା୧୧-୦୫-୨୦୨୬ରିଖ ପ୍ରକାରେ ପ୍ରଧାନ ଶିକ୍ଷୟିତ୍ରୀ ବୈଜୟନ୍ତୀ ମାଳା ସୁବୁଦ୍ଧିଙ୍କୁ ନିଲମ୍ବନ ଆଦେଶ ପ୍ରଦାନ କରାଯାଇଥିବା ସହ ଆସିକା ଗୋଷ୍ଠୀ ଶିକ୍ଷାଧିକାରୀଙ୍କ କାର୍ଯ୍ୟାଳୟରେ ଦୈନିକ ହାଜିରା ଦେବା ପାଇଁ ନିର୍ଦ୍ଦେଶ ରହିଥିବା ଜଣାପଡ଼ିଛି । ତେବେ ଆସନ୍ତା ଜୁଲାଇ ୩୧ ତାରିଖରେ ଅବସର ଗ୍ରହଣ କରିବାକୁଥିବା ପ୍ରଧାନ ଶିକ୍ଷୟିତ୍ରୀ ଦୁର୍ନୀତି ଅଭିଯୋଗରେ ନିଲମ୍ବିତ ହେବା ଘଟଣାକୁ ନେଇ ସାଧାରଣରେ ଜୋରସୋରରେ ଆଲୋଚନା ହେଉଛି । ପ୍ରକାଶ ଯୋଗ୍ୟ ଯେ, ପୂର୍ବରୁ ଶ୍ରୀ ରଘୁନାଥ ସ୍ୱାମୀ ବାଳିକା ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ବୈଜୟନ୍ତୀ ମାଳା ସୁବୁଦ୍ଧିଙ୍କ ବିରୁଦ୍ଧରେ ବାଲିପଦର ଗ୍ରାମବାସୀବୃନ୍ଦଙ୍କ ପକ୍ଷରୁ ଅଣାଯାଇଥିବା ଦୁର୍ନୀତି ଅଭିଯୋଗକୁ ନେଇ ଓଡ଼ିଶା ରାଜ୍ୟ ପ୍ରକଳ୍ପ ନିର୍ଦ୍ଦେଶକ, ରାଜ୍ୟ ପ୍ରକଳ୍ପ ଅଧିକାରୀ, ଗଞ୍ଜାମ ଜିଲ୍ଲାପାଳ, ଗଞ୍ଜାମ ଜିଲ୍ଲା ଶିକ୍ଷାଧିକାରୀ, ବୁଗୁଡ଼ା ଗୋଷ୍ଠୀ ଶିକ୍ଷାଧିକାରୀଙ୍କ ସମେତ ମତ୍ସ୍ୟ ଓ ପଶୁ ସମ୍ପଦ ବିକାଶ ମନ୍ତ୍ରୀ ଗୋକୁଳାନନ୍ଦ ମଲ୍ଲିକଙ୍କୁ ମଧ୍ୟ ଅବଗତ କରାଯାଇଥିଲା । ଗ୍ରାମବାସୀଙ୍କ ପକ୍ଷରୁ ହୋଇଥିବା ଅଭିଯୋଗ ଫର୍ଦ୍ଦରେ ଦର୍ଶାଯାଇଥିଲା ଯେ ବିଦ୍ୟାଳୟରେ ଅଧ୍ୟୟନରତ ଛାତ୍ରୀଙ୍କୁ ଦୀର୍ଘ ତିନି ମାସ ହେଲା ମଧ୍ୟାହ୍ନ ଭୋଜନ ଦିଆଯାଉନଥିଲା ଏବଂ ଗଚ୍ଛିତ ବସ୍ତାବସ୍ତା ମଧ୍ୟାହ୍ନ ଭୋଜନ ଚାଉଳକୁ ବଜାର ଦରରେ ବିକ୍ରି କରିବା ପାଇଁ ପ୍ରଧାନ ଶିକ୍ଷୟିତ୍ରୀ ମସୁଧା ଚଳାଇଥିଲେ । ଏଥ୍ ସହ କଳା, କ୍ରୀଡା ଓ ହିନ୍ଦୀ ବିଷୟରେ ଶିକ୍ଷୟିତ୍ରୀ ପରିବର୍ତ୍ତେ ଶିକ୍ଷକ ଏବଂ ସଂସ୍କୃତ ଶିକ୍ଷୟିତ୍ରୀଙ୍କୁ ଜାଲ ନିଯୁକ୍ତି ଦେବା ସହ ଆଜି ପର୍ଯ୍ୟନ୍ତ କାର୍ଯ୍ୟ ନିୟମିତ ହୋଇପାରିନଥିବା ଶିକ୍ଷୟିତ୍ରୀମାନଙ୍କଠାରୁ ସେମାନଙ୍କ ପଦବୀ ଅନୁମୋଦନ ପାଇଁ ପ୍ରଧାନ ଶିକ୍ଷୟିତ୍ରୀ ଲକ୍ଷ ଲକ୍ଷ ଟଙ୍କା ଆଦାୟ କରି ଆତ୍ମସାତ କରୁଥିଲେ । ଅନ୍ୟପକ୍ଷରେ ପ୍ରଧାନ ଶିକ୍ଷୟିତ୍ରୀ ବିଦ୍ୟାଳୟର ଆୟବ୍ୟୟ ହିସାବ କାହାରିକୁ ଦେଖାଉନଥିଲେ ଏବଂ ସେ ବିଦ୍ୟାଳୟର ଗଛଗୁଡ଼ିକୁ କାଟି ବିକ୍ରି କରିବା ସହ ପୂର୍ବରୁ ହୋଇଥିବା ଫାଇଭ୍-ଟି କାର୍ଯ୍ୟର ବିଭିନ୍ନ ସାମଗ୍ରୀ ମଧ୍ୟ ବଜାରରେ ବିକ୍ରି କରିଥିଲେ । ଗ୍ରାମବାସୀଙ୍କ ଲିଖିତ ଅଭିଯୋଗ ପରେ ଗଞ୍ଜାମ ଜିଲ୍ଲା ଶିକ୍ଷାଧିକାରୀଙ୍କ ନିର୍ଦ୍ଦେଶ କ୍ରମେ ବୁଗୁଡ଼ା ବିଇଓ ଚିନ୍ମୟ ମହାପାତ୍ର ଓ ତତ୍କାଳୀନ ଏବିଇଓ ଅମିତା କୁମାରୀ ପାଢ଼ୀ ଗତ ଏପ୍ରିଲ ୨୧ ତାରିଖରେ ବାଲିପଦର ଗାର୍ଲସ ହାଇସ୍କୁଲକୁ ପର୍ଯ୍ୟବେକ୍ଷଣ ପୂର୍ବକ ତଦନ୍ତ କରି ଏକ ରିପୋର୍ଟ ପ୍ରସ୍ତୁତ କରିଥିଲେ । ତେବେ ନିଲମ୍ବିତା ପ୍ରଧାନ ଶିକ୍ଷୟିତ୍ରୀ ସ୍ପଷ୍ଟୋକ୍ତିରେ ଗ୍ରାମବାସୀଙ୍କ ଅଭିଯୋଗଗୁଡ଼ିକୁ ଭିତ୍ତିହୀନ ଦର୍ଶାଇ ଖଣ୍ଡନ କରିବା ସହ କୁଚକ୍ରାନ୍ତ ଚକ୍ରାନ୍ତ ହେତୁ ସେ ଏଭଳି ପରିସ୍ଥିତିର ସମ୍ମୁଖୀନ ହୋଇଥିବା ବେଳେ ଏ ନେଇ ହାଇକୋର୍ଟର ଦ୍ବାରସ୍ଥ ହୋଇଥିବା ପ୍ରକାଶ କରିଛନ୍ତି ।