Odisha Janamata : ଚୋରା ମଦ ଉପରେ ଖଲ୍ଲିକୋଟ ଅବକାରୀ ବିଭାଗ ର ଚଢ଼ାଉ |

ଚୋରା ମଦ ଉପରେ ଖଲ୍ଲିକୋଟ ଅବକାରୀ ବିଭାଗ ର ଚଢ଼ାଉ |

04-Aug-2026

ଖଲ୍ଲିକୋଟ ଅବକାରୀ ବିଭାଗ ତରଫ ରୁ ବେଆଇନ ଚୋରା ମଦ ଜବତ ।

ଓଡ଼ିଶା ଜନମତ, ଖଲ୍ଲିକୋଟ : 04/08/26

ତାରା ଶଙ୍କର ରଥ:-

ଖଲ୍ଲିକୋଟ ଠାରେ ଆଜି ଅବକାରୀ ଥାନାଧିକାରୀ ତେଜସ୍ଵୀନି ପ୍ରଧାନଙ୍କ ତତ୍ୱାବଧାନରେ ଏ. ଏସ.ଆଇ କର୍ଣ୍ଣ ଓରାମ ଏବଂ ଖଲିକୋଟ ଅବକାରୀ ଟିମ୍ ଖଲ୍ଲିକୋଟ ଥାନା ବ୍ରଜରାଜ ପୂର୍ ଛକ ତଥା ଭରସା ଓ କୋଦଳା ଥାନା ଅନ୍ତର୍ଗତ ବାରସର ଗ୍ରାମରେ ମିଳିତ ଚଢାଉ କରିଥିଲେ । ଏକ ବିଶେଷ ସୂତ୍ରରୁ ଖବର ପାଇ ଉକ୍ତ ଘଟଣାରେ ପ୍ରାୟ 270 ଲିଟର ଦେଶୀ ମଦ ସହ ଦୁଇଟି ବାଇକ୍ ଏବଂ ଗୋଟିଏ ସ୍କୁଟି ଜବତ ହୋଇଥିବା ବେଳେ ଚୋରା ମଦ ବେପାର ଅଭିଯୋଗ ଆଧାରରେ ମଙ୍ଗୁଳି ଦାସ ଓ ବଳରାମ ନାହାକଙ୍କୁ ଗିରଫ କରାଯାଇ କୋର୍ଟ ଫରୱାର୍ଡ କରାଯାଇଅଛି। ଏହି ଚଢାଉରେ କନେଷ୍ଟବଳ ସନ୍ତୋଷ କୁମାର ପ୍ରଧାନ, ମନୋଜ କୁମାର ଲେଙ୍କା ଓ ହରିହର ବେହେରା ପ୍ରମୁଖ ସାମିଲ ଥିଲେ। ଥାନାଧିକାରୀଣି ପ୍ରଧାନଙ୍କ ଅନୁଯାଇ ଚୋରା ମଦ ରୋକିବା ପାଇଁ ବିଭିନ୍ନ ପଦକ୍ଷେପ ନିଆଯାଉଛି । ଏବଂ ଭବିଷ୍ୟତ ରେ ଏହାକୁ ସମ୍ପୂର୍ଣ୍ଣ ଭାବେ ଦମନ କରାଯିବ ସହ ଆଗକୁ ଏହିଭଳି ବ୍ୟାପକ ଚଡାଉ ଜାରିରହିବ ।