Odisha Janamata : ଅବକାରୀ ବିଭାଗ ଦ୍ୱାରା ଜଣେ ବ୍ୟକ୍ତିଙ୍କ ଠାରୁ 70ଗ୍ରାମ ଧଳା ଜହର ଜବତ, |

ଅବକାରୀ ବିଭାଗ ଦ୍ୱାରା ଜଣେ ବ୍ୟକ୍ତିଙ୍କ ଠାରୁ 70ଗ୍ରାମ ଧଳା ଜହର ଜବତ, |

30-Dec-2025

୭୦ ଗ୍ରାମ ବ୍ରାଉନ ସୁଗାର ବେପାର କରୁଥିଲା ବେଳେ ଅବକାରୀ ପୋଲିସ ଦ୍ୱାରା ଜଣେ ଗିରଫ,

ଓଡିଶା ଜନ ମତ ବ୍ୟୁରୋ,

ଆଜିକାଲି ଯୁବପିଢ଼ି ବିଶେଷ କରି ଅପରାଧିକ କ୍ଷେତ୍ର କୁ ପ୍ରବେଶ କରି ଅର୍ଥ ଉପାର୍ଜନ ରେ ଲାଗିପଡିଛନ୍ତି ||ତେବେ ସେ ମଦ, ଭାଙ୍ଗ, ଗଞ୍ଜେଇ ଆଉ ଏବେ ଧଳା ଜହର ଅର୍ଥାତ ବ୍ରାଉନ ସୁଗାର ବ୍ୟବସାୟ କରି ବହୁ ଅର୍ଥ ରୋଜଗାର କରିବା ବେଳକୁ ଆଇନ ହାତରେ ଧରା ପଡି ଜେଲ ଯାଉଥିବାର ନଜିର ବହୁତ ଅଛି | ଆଜି ଜଣେ ଧଳା ବିକୁଥିଲା ବେଳେ ଅବକାରୀ ବିଭାଗ ଦ୍ୱାରା ଗିରଫ ହୋଉ କୋର୍ଟ ଚାଲାଣ ହୋଇଛି | ବାଲେଶ୍ଵରଫୁଲାଡ଼ି ରାସ୍ତାର ଦହପଡ଼ା ଛକ ନିକଟରୁ ଜଣେ ଧଳାଜହର ବେପାରୀକୁ ଅବକାରୀ ବିଭାଗ କାବୁ କରିଛି । ଗିରଫ୍ ଅଭିଯୁକ୍ତ ଜଣକ ବିଶ୍ୱଜିତ ନାୟକ(୩୦) ସୂଚନା ଅନୁସାରେ ବିଶ୍ଵଜିତ୍ ଧଳାଜହର ଦେବା ପାଇଁ ଅପକ୍ଷା କରିଥିଲା । ତେବେ କୌଣସି ସୂତ୍ରରୁ ଭ୍ରାମ୍ୟମାଣ ଅବକାରୀ ୟୁନିଟ ପକ୍ଷରୁ ଚଢାଉ କରାଯାଇଥିବା ବେଳେ ତା ନିକଟରୁ ୭୦ ଗ୍ରାମ ବ୍ରାଉନ ସୁଗାର ଜବତ କରାଯାଇଛି | ଏ ସଂକ୍ରାନ୍ତରେ ୨୪୩/୨୫ ମୂଳେ ମାମଲା ରୁଜୁ କରାଯାଇଛି । ଜବତ ଧଳାଜହରର ଆନୁମାନିକ
ମୂଲ୍ୟ ସାତଲକ୍ଷ ହେବ ବୋଲି ଜଣାପଡ଼ିଛି । ଉକ୍ତ ଚଢାଉରେ ଇନ୍ସପେକ୍ଟର ଭବେଶ ଦାସଙ୍କ ସମେତ ଅନ୍ୟ କର୍ମଚାରୀ ମାନେ ହେଲେ ଦୀପ୍ତିମୟୀ ସାହୁ, ହରିହର ସିଂ, ପ୍ରମୁଖ ଏହି ଚଢ଼ାଉ ରେ ଉପସ୍ଥିତ ରହି ଥିଲେ | ଏବଂ ଅଭିଯୁକ୍ତ ବିଶ୍ୱଜିତ କୁ କୋର୍ଟ ଚାଲାଣ କରାଯାଇଛି | ତେବେ ବେଆଇନ ଭାବେ ଅର୍ଥ ରୋଜଗାର ଜେ କେତେ ମହଙ୍ଗା ପଡୁଛି ତାକୁ ମଧ୍ୟ ଅପରାଧୀ ମାନେ ଜାଣିବାକୁ ପଡିବ |