Odisha Janamata : ଶାନ୍ତିନଗର ପୋଖରୀ ରେ ବୁଡି ଦୁଇ ନାବାଳିକା ମୃତ |

ଶାନ୍ତିନଗର ପୋଖରୀ ରେ ବୁଡି ଦୁଇ ନାବାଳିକା ମୃତ |

08-Oct-2026

ଶାନ୍ତିନଗର ପୋଖରୀ ରେ ବୁଡ଼ି ୨ ନାବାଳିକା ମୃତ
ଓଡିଶା ଜନମତ ରାୟଗଡା -୭/୧0,

କାମେଶ୍ୱର କରକରିଆ : ----

ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ପୂଜାରୀଗୁଡା ପଞ୍ଚାୟତ ବଡ଼ନାୟକଗୁଡ଼ା ଗ୍ରାମର ଦୁଇ ନାବାଳିକା ନିଲୁ କାଡ୍ରାକା (୧୨) କାମି ତିଆକା (୧୨) ଶାନ୍ତିନଗର ପୋଖରୀ ରେ ବୁଡ଼ି ମୃତ୍ୟୁବରଣ କରିଥିବା ସୂଚନାମିଳିଛି । ସବୁଦିନ ପରୀ ସୀର ତିଆକା ଙ୍କ ଝିଅ କାମି ତିଆକା ଓ ମୃତ ମିଶ୍ର କାଡ୍ରାକା ଙ୍କ ଝିଅ ନିଲୁ କାଡ୍ରାକା ମିଶି ବଡ଼ନାୟକଗୁଡା ଗ୍ରାମ ଠାରୁ ପ୍ରାୟ ଏକ କିମି ଦୁରରେ ଥିବା ଶାନ୍ତିନଗର ନିକଟ ପୋଖରୀକୁ ଗାଧୋଇବା ପାଇଁ ଯାଇଥିଲେ। ଏହାକୁ କିଛି ଲୋକ ଦେଖି ଗ୍ରାମକୁ ସୂଚନା ଦେଇଥିଲେ। ଉକ୍ତ ଖବର ପାଇଁ ବଡ଼ନାୟକଗୁଡ଼ା ଗ୍ରାମବାସୀ ଓ ପରିବାର ଲୋକେ ପୋଖରୀ ନିକଟରେ ପହଞ୍ଚି ଦୁଇ ନାବାଳିକାକୁ ଉଦ୍ଧାର କରି ଗ୍ରାମ ନିକଟସ୍ଥ ତେନ୍ତୁଳି ଗଛ ନିକଟରେ ରଖିଥିଲେ।ଦୁଇ ନାବାଳିକା ବଡନାୟକଗୁଡା ବିଦ୍ୟାଳୟ ରେ ୭ମ ଶ୍ରେଣୀରେ ଅଧ୍ୟୟନ କରୁଥିବା ଗ୍ରାମବାସି ସୂଚନା ଦେଇଛନ୍ତି । ପୁଲିସ ଏସ ଆଇ ହେମନ୍ତ କୁମାର ବରିଆ ଖବର ପାଇ ଘଟଣା ସ୍ଥଳରେ ପହଞ୍ଚି ୨ ସବ ଜବତ କରି ଏକ ଅପମୃତ ମାମଲା ରୁଜୁ କରିଛି ଓ ସବ ବ୍ୟବଛେଦ କରିବାକୁ ପଠାଯାଇଛି ବ୍ୟବଛେଦ ପରେ ପରିବାର ଙ୍କୁ ହସ୍ତାନ୍ତର କରାଯିବ ବୋଲି କହିଛନ୍ତି।