Odisha Janamata : ଛତ୍ରପୁର ବାଇ ପାସ ରେ ମର୍ମଦନ୍ତୁ ସଡ଼କ ଦୁର୍ଘଟଣା ରେ ଜଣେ ମୃତ ଜଣେ ଗୁରୁତର |

ଛତ୍ରପୁର ବାଇ ପାସ ରେ ମର୍ମଦନ୍ତୁ ସଡ଼କ ଦୁର୍ଘଟଣା ରେ ଜଣେ ମୃତ ଜଣେ ଗୁରୁତର |

01-Oct-2026

ଛତ୍ରପୁର ବାଇପାସ୍ ରେ ମର୍ମନ୍ତୁଦ ସଡ଼କ ଦୁର୍ଘଟଣାରେ ଜଣେ ମୃତ ୩ ଗୁରୁତ୍ତର ।

ନିଶାଶକ୍ତ ଟ୍ରକ୍ ଚାଳକ ଗିରଫ୍ : ଟ୍ରକ୍ ଜବତ ।

ଓଡ଼ିଶା ଜନମତ, ଛତ୍ରପୁର ତା. ୧/୧୦

କେ.ସତ୍ୟନାରାୟଣ ରେଡ୍ଡୀ :------
ଗଞ୍ଜାମ ଜିଲ୍ଲା ଛତ୍ରପୁର ଦେଇ ଯାଇଥିବା ୧୬ ନମ୍ବର ଜାତୀୟ ରାଜପଥ ର ସର୍ଭିସ୍ ରୋଡରେ ବସ୍ କୁ ପିଟିଲା ଟ୍ରକ୍, ବସ୍ ଯାଇ ଠିଆ ହୋଇଥିବା ଲୋକ ଓ ବାଇକ୍ ଆରୋହୀଙ୍କୁ ଧକ୍କା ଦେବା ଫଳରେ ୩ ଜଣ ଲୋକ ଗୁରୁତ୍ତର ଆହତ ହୋଇଥିବା ବେଳେ ଘଟଣା ସ୍ଥଳରେ ଜଣକ ଙ୍କ ମୃତ୍ୟୁ ଘଟିଛି ।
ଫେରାର ମାରୁଥିବା ନିଶାଶକ୍ତ ଟ୍ରକ୍ ଚାଳକ ଗିରଫ୍ ସାଂଗକୁ ଟ୍ରକ୍ ଜବତ କରାଯାଇଛି ।
ମୃତକ ଜଣକ ହେଉଛନ୍ତି, ଭାଗ୍ୟଲକ୍ଷ୍ମୀନଗର ର ପ୍ରାସାଦ ଆଚାରୀ ଙ୍କ ପୁତ୍ର ଟୁକୁନା ଆଚାରୀ ବୋଲି ଜଣାପଡ଼ିଛି ।
ଏଠାରେ ସୂଚନା ଯୋଗ୍ୟ ଯେ` ଗାଡ଼ିଟି ପଶ୍ଚିମବଙ୍ଗର ଦୀଘା ରୁ କେରଳ କୁ ମାଛ ବୋଝେଇ ଟ୍ରକ୍ ଯାଉଥିଲା । ତେବେ ବ୍ରହ୍ମପୁର ଅଭିମୁଖେ ଯାଉଥିବା ଉକ୍ତ ଟ୍ରକ୍ ଏକ ବସ୍ କୁ ଧକ୍କା ଦେଇଥିଲା ।
ଛତ୍ରପୁର ସହର ର ଭାଗ୍ୟଲକ୍ଷ୍ମୀ ନଗର ହାଡ଼ଭଙ୍ଗା ଚିକିତ୍ସାଳୟ ଛକ ନିକଟରେ ଏହି ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଯାଇଛି ।
ଦୁର୍ଘଟଣା ଘଟି ଟୁକୁନା ଆଚାରୀ ବସ୍ ତଳେ ଚାପି ହୋଇ ରହିଥିବା ଅବସ୍ଥାରେ ଛତ୍ରପୁର ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ଉଦ୍ଧାର କରି ମୃତ ଯୁବକ ଟୁକୁନା ଆଚାରୀ କୁ ଛତ୍ରପୁର ଉପଖଣ୍ଡ ଚିକିତ୍ସାଳୟକୁ ହସ୍ତାନ୍ତର କରିଥିଲେ ।
ଆହାତ ମାନେ ହେଲେ ଭାଗ୍ୟଲକ୍ଷ୍ମୀନଗର ର ପ୍ରଶାନ୍ତ ଶବର, ପାଲିଆ-ଛତ୍ରପୁର ଅଞ୍ଚଳର ଗୁଡ୍ଡୁ ଗୌଡ଼ ଏବଂ ଚିକଲଖଣ୍ଡି ଅଞ୍ଚଳର ଆକାଶ ଗୌଡ଼ ବୋଲି ଜଣାପଡ଼ିଛି । ଦୁଇଜଣ ଗୁରୁତ୍ତର ଆହତଙ୍କୁ ବ୍ରହ୍ମପୁର ବଡ଼ ମେଡିକାଲ କୁ ସ୍ଥାନାନ୍ତର କରାଯାଇଛି ।
ଦୁର୍ଘଟଣା ଘଟାଇଥିବା ଟ୍ରକ୍ ଚାଳକ ଫେରାର ହେବାକୁ ଉଦ୍ୟମ କରୁଥିବା ବେଳେ ଚମାଖଣ୍ଡି ଥାନା ଅଧିକାରୀ ଶ୍ରଦ୍ଧାଞ୍ଜଳି ସୁବୁଦ୍ଧି ସଦଳ ବଳେ ଧରିବାରେ ସଫଳ ହୋଇଥିଲେ ।
ଟ୍ରକ୍ ଚାଳକ ନିଶାଶକ୍ତ ଅବସ୍ଥାରେ ରହି ଗଞ୍ଜାମ ସହର ର ଏକ ଛକ ଠାରେ ମଧ୍ୟ ଧକ୍କା ଦେଇଥିଲା। ବାଟରେ ଅନେକ ସ୍ଥାନରେ ଧକ୍କା ଦେଇଥିବା ଅଭିଯୋଗ ହୋଇଛି । ଏଭଳି ନିଶାଶକ୍ତ ଗାଡ଼ି ଚାଳକ ଉପରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବା ଆବଶ୍ୟକ ବୋଲି ମତପ୍ରକାଶ ପାଇଛି ।।