Odisha Janamata : ସତାବନ ବର୍ଷ ରେ ବିବାହ ହେଲେ ଅଭିନେତା |

ସତାବନ ବର୍ଷ ରେ ବିବାହ ହେଲେ ଅଭିନେତା |

15-Apr-2026

ପାଚିଲା ଦାଢ଼ିରେ ପଡ଼ିଲା ହାତଗଣ୍ଠି, ୫୭ବର୍ଷରେ ବାହା ହେଲେ ଅଭିନେତା,

ଓଡିଶା ଜନ ମତ ବ୍ୟୁରୋ,

ସତାବନବର୍ଷ ରେ ବାହାହେଲେ ଅଭିନେତାଏହା ବିଶ୍ୱାସ ନହେଲେ ବି ସତ |ଅଭିନେତା ଙ୍କ ଜୀବନ ଆରମ୍ଭ ହୋଇଥିଲା ଖୂଚଡ଼ି ସିରିଏଲରୁ ଏବଂ ତାପରେ ସେ ହୋଇଥିଲେ ଫେମସ୍ଯେଉଁ ସିରିଏଲର ନାଁ ଥୁଲା ମୁଣ୍ଡ, ନାଁ ଗୋଡ଼ । ବିନା ସେନ୍ସରେ ପ୍ରସ୍ତୁତ ହୋଇଥିବା ସିରିଏଲ୍ ଯେଉଁଥିରେ ଚରିତ୍ର ମନଇଚ୍ଛା ଯେ ଯାହା ପାରୁଥିଲୈ କହୁଥିଲେ ଆଉ ଏହାକୁ ଦେଖ୍ ଦର୍ଶକ ମଧ୍ଯ ହସି ହସି ବେଦିମ୍ ହୋଇଯାଉଥିଲେ |ସିରିଏଲର ନାଁ ମୁଣ୍ଡକୁ ଆସିଲେ ପ୍ରଥମେ ଶାଶୁବୋହୂଙ୍କ ତୁ ତୁ ମେ ମେ, ସ୍ଵାମୀ,ସ୍ତ୍ରୀଙ୍କ ଭିତରେ ଅନାବିଳ ପ୍ରେମ ଏବଂ ପାରିବାରିକ କାହାଣୀର ଏକ ମିଶାଗୋଳା ମନୋରଞ୍ଜନର ପ୍ୟାକେଟ୍ ଆଖ୍ ଆଗରେ ନାଚିଯାଏ । କିନ୍ତୁ ଏହି ଧାରାରେ ସେତେବେଳେ ପରିବର୍ତ୍ତନ ଆସିଲା ଯେତେବେଳେ ପାରିବାରିକକାହାଣୀ ଭିତରେ ଖଟାମିଠାର ଛୁଙ୍କ ମାରିଲା ଭଳି ଏକ ମନୋରଞ୍ଜନ ଭିତ୍ତିକ ଧାରାବାହିକ ଟିଭିକୁ ଆସିଲା । ଆମେ କହୁଛୁ ୨୦୦୨ ମସିହାରେ ଟିଭିରେ ପ୍ରସାରିତ ହୋଇଥିବା ସିରିଏଲ୍ ` ଖିଚଡ଼ି` ବିଷୟରେ । ଯାହା ବର୍ତ୍ତମାନ ପର୍ଯ୍ୟନ୍ତ ଏକ କଲ୍ଟ କ୍ଲାସିକ୍ ହୋଇ ରହିଛି । ତେବେ ହିନ୍ଦୀ ଟେଲିଜଗତରେ ଏହା ପରେ ଅନେକ କମେଡି ଧାରାବାହିକ ଆସିଛି କିନ୍ତୁ ତାରକ୍ ମେହତା କା ଉଲଟାଚଷମାଏବଂଖିଚଡ଼ି ର ଲୋକପ୍ରିୟତା ଭଳି ଆଉ କେଉଁ ଧାରାବାହିକ ସେତେଟା ଆଖ‌ିଦୃଶିଆ ସଫଳତା ପାଇନାହାନ୍ତି । ତେବେ ଏ ତ ଗଲା ସିରିଏଲ୍ କଥା କିନ୍ତୁ ଆଜିର ପ୍ରସଙ୍ଗ ଏହି ଧାରାବାହିକକୁ ନେଇ ନୁହେଁ ବରଂ ଜଣେ ଚରିତ୍ରକୁ ନେଇ । ଏହି ଚରିତ୍ର ଜଣକ ହେଲେ ହିଂମାଶୁ।ଖୁଚଡ଼ି ସିରିଏଲରେ ହିଂମାଶୁ ଭୂମିକାରେ ଅଭିନୟ କରିଥିବା ଅଭିନେତା ଜେଡି ମଜିଠିୟାଙ୍କ ରୋଲ୍ ତ ଆପଣଙ୍କୁ ମନେ ଥ‌ିବ । ହଁ ହଂସା ବେନଙ୍କ ଭାଇ । ନିଜ ଅଭିନୟ ମାଧ୍ୟମରେ ହସାଇ ହସାଇ ବେଦମ୍ କରିଥିବା ଜେଡି ବର୍ତ୍ତମାନ ବିବାହ ବନ୍ଧନରେ ବାନ୍ଧି ହୋଇଛନ୍ତି । ଆପଣ ଭାବୁଥିବେ ୫୭ ବର୍ଷର ଏହି ଅଭିନେତା ବୋଧହୁଏ ପୁନଃବିବାହ କରିଥିଲେ କିନ୍ତୁ ନା` ସେ ନିଜ ଧର୍ମପତ୍ନୀଙ୍କୁ ହିଁ ପୁଣିଥରେ ବିବାହ କରିଛନ୍ତି । ଏହି ବିବାହରେ ତାଙ୍କର ୨ ଝିଅ ମଧ୍ୟ ସାମିଲ ହୋଇଥିଲେ ଇନଷ୍ଟାଗ୍ରାମରେ ସେୟାର୍ କରିଛନ୍ତି । ଫଟୋରେ ଏହି ଦମ୍ପତି ଖୁବ୍ ଖୁସି ଥିବା ଜଣାପଡୁଛନ୍ତି ଯେମିତି ପ୍ରଥମେ ବିବାହ କରିଥିଲେ । ଦମ୍ପତି ବିବାହ ପରେ ଗୁରୁଜନଙ୍କ ଆଶୀର୍ବାଦ ନେଉଥିବାର ମଧ୍ୟ ଦେଖାଯାଉଛନ୍ତି । ଏହି ବିବାହ ସମ୍ପୂର୍ଣ୍ନ ହିନ୍ଦୁ ରୀତିନୀତିରେ ସଂପନ୍ନ ହୋଇଥିଲା । ଧର୍ମପତ୍ନୀ ନିପି ବିବାହ ସମୟରେ ପୂରଣ କରିପାରିନଥ୍‌ବା ସ୍ବପ୍ନକୁ ପୁନଃ ବିବାହ କରି ପୂରା କଲେ । ଦମ୍ପତି ନାଚି ନାଚି ବିବାହର ସବୁ ରୀତିନୀତିକୁ ପୂରଣ କଲେ । ଦୁଇ ଝିଅ ମଧ୍ୟ ପିତାମାତାଙ୍କ ଏହି ଖୁସିର ସମୟକୁ ମନ ଭରି ଉପଭୋଗ କଲେ । ଆଜିର ସମୟରେ ଯେଉଁଠି ଛାଡ଼ପତ୍ର ଏକ ପ୍ରଥା ପାଲଟି ଗଲାଣି ସେଠାରେ ଜେଡି ଏବଂ ତାଙ୍କ ପତ୍ନୀ ସମାଜକୁ ଏକ ସୁନ୍ଦର ବାର୍ତ୍ତା ଦେବା ସହ ଜୀବନସାଥୀର ପ୍ରକୃତ ଅର୍ଥକୁ ବୁଝାଇଛନ୍ତି ।