Odisha Janamata : 19 ଥର ରକ୍ତ ଦେଈ ଉଦାହରଣ ସାଜିଲେ ଦିବ୍ୟଙ୍ଗ ଶିକ୍ଷକ ରବୀନ୍ଦ୍ର ସେଠୀ |

19 ଥର ରକ୍ତ ଦେଈ ଉଦାହରଣ ସାଜିଲେ ଦିବ୍ୟଙ୍ଗ ଶିକ୍ଷକ ରବୀନ୍ଦ୍ର ସେଠୀ |

21-Apr-2026

*ସମାଜ ପାଇଁ ଉଦାହରଣ ଦିବ୍ୟାଙ୍ଗ ଶିକ୍ଷକ ରବୀନ୍ଦ୍ର ସେଠୀ*

ଓଡିଶା ଜନ ମତ ବ୍ୟୁରୋ,

ଗଞ୍ଜାମ ବ୍ଲକ୍ ତାରିଣୀପଲୀ ଗ୍ରାମର ଦିବ୍ୟାଙ୍ଗ ଶିକ୍ଷକ ରବୀନ୍ଦ୍ର ସେଠୀ ୧୯ ଥର ରକ୍ତଦାନ କରି ସମାଜରେ ପ୍ରେରଣାର ପ୍ରତୀକ ପାଲଟିଛନ୍ତି। ନିଜ ଶାରୀରିକ ସମସ୍ୟାକୁ ପଛକୁ ରଖି ସେ ନିରନ୍ତର ଭାବେ ମାନବସେବାରେ ନିଜକୁ ନିୟୋଜିତ କରିଆସୁଛନ୍ତି।
ନିକଟରେ ଜଣେ ଗୁରୁତର ରୋଗୀ ବ୍ରହ୍ମପୁର ବଡ଼ ମେଡିକାଲରେ ଜୀବନ ସହ ସଂଘର୍ଷ କରୁଥିବା ବେଳେ ରକ୍ତର ତୁରନ୍ତ ଆବଶ୍ୟକତା ପଡ଼ିଥିଲା। ଖବର ପାଇ ରବୀନ୍ଦ୍ର ସେଠୀ ବିଳମ୍ବ ନକରି ରକ୍ତଭଣ୍ଡାର କେନ୍ଦ୍ରକୁ ପହଞ୍ଚି ରକ୍ତଦାନ କରି ଆଉ ଏକ ମାନବିକତାର ଉଦାହରଣ ସୃଷ୍ଟି କରିଥିଲେ।
ଯେଉଁଠାରେ ଜଣେ ସକ୍ଷମ ବ୍ୟକ୍ତି ମଧ୍ୟ ଏହି ପ୍ରବଳ ଖରାରେ ବ୍ରହ୍ମପୁର ରକ୍ତଭଣ୍ଡାରକୁ ଯିବା ପାଇଁ ଆଗପଛ ହୁଅନ୍ତି, ସେଠି ଦିବ୍ୟାଙ୍ଗ ହୋଇଥିଲେ ମଧ୍ୟ ରବୀନ୍ଦ୍ର କେବେ ପଛକୁହଟନ୍ତି ନାହିଁ। ଆବଶ୍ୟକ ପଡ଼ିଲେ ସେ ସଦା ସମୟରେ ରକ୍ତଦାନ ପାଇଁ ଆଗକୁ ଆସୁଥିବାରୁ ସମସ୍ତଙ୍କ ମନରେ ସେ ଅଲଗା ସ୍ଥାନ ସୃଷ୍ଟି କରିଛନ୍ତି।
ରବୀନ୍ଦ୍ର ସେଠୀ ବର୍ତ୍ତମାନ ସେ ବଡଚକଟା ଉଚ୍ଚ ପ୍ରାଥମିକ ବିଦ୍ୟାଳୟରେ ଶିକ୍ଷକ ଭାବେ କାର୍ଯ୍ୟରତ ଅଛନ୍ତି। ଶିକ୍ଷକତା ସହ ସମାଜସେବାକୁ ସମାନ ଗୁରୁତ୍ୱ ଦେଇ ସେ ଅନେକଙ୍କ ପାଇଁ ପ୍ରେରଣା ହୋଇଉଠିଛନ୍ତି।
ପରିବାରରେ ବାପା, ମା, ସ୍ତ୍ରୀ, ଦୁଇ ପୁଅ ଓ ଗୋଟିଏ ଝିଅ ଅଛନ୍ତି। ତାଙ୍କର ଏହି ସେବାମୂଳକ କାର୍ଯ୍ୟ ପାଇଁ ଅଞ୍ଚଳବାସୀମାନେ ଗର୍ବ ଅନୁଭବ କରୁଥିବା ସହ ଆଗାମୀ ଦିନରେ ମଧ୍ୟ ସେ ଏଭଳି ସମାଜସେବା ଜାରି ରଖିବେ ବୋଲି ଆଶା ପ୍ରକାଶ କରିଛନ୍ତି।