Odisha Janamata : ଜୁଆ ଖେଳ ଉପରେ ପୋଲିସ ର ଚଢ଼ାଉ 7 ଅଭିଯୁକ୍ତ ସହ, ଟଙ୍କା, ମୋବାଇଲ ଓ ବାଇକ ଜବତ ||

ଜୁଆ ଖେଳ ଉପରେ ପୋଲିସ ର ଚଢ଼ାଉ 7 ଅଭିଯୁକ୍ତ ସହ, ଟଙ୍କା, ମୋବାଇଲ ଓ ବାଇକ ଜବତ ||

07-Aug-2026

ସିକିରି ନଦୀପଟଠା ରେ ଚାଲିଥିବା ଜୁଆ ଆଡ୍ଡା ଉପରେ ପୋଲିସ ର ଚଢ଼ାଉ ୭ ଜୁଆଡି ଗିରଫସହ, ଟଙ୍କା, ମୋବାଇଲ ଓବାଇକ ଜବତ |

ଓଡିଶା ଜନ ମତ ବ୍ୟୁରୋ

ଚାଲିଥିଲା ଜୁଆ ଖେଳ, ମନ ଫୁର୍ତ୍ତିରେ ଖେଳୁଥିଲେ ଯୁଆଡ଼ି ମାନେ | ହଠାତ ନିର୍ମଳ ଆକାଶରେ କଳା ହାଣ୍ଡିଆ ମେଘ ମାଡିଆସିଲା ପରି ମାଡି ବସିଲା ପୋଲିସ ନଗଦ ୨୨୩୦୦ ସହ ଟଙ୍କା ,ମୋବାଇଲ
ସମତେ ୬ ମଟର ସାଇକେଲ ଜବତ।

ଘଟଣାଟି ଘଟିଛି ହିଞ୍ଜିଳି ଥାନା ସିକିରି ଗ୍ରାମର ନଦୀ ପଠାରେ ଜୁଆ ଆଡ୍ଡା ଚାଲିଥିବା ସମୟରେ କୌଣସି ସୂତ୍ରରୁ ଖବର ପାଇ ହିଞ୍ଜିଳି ପୋଲିସ ଘଟଣା ସ୍ଥଳରେ ପହଞ୍ଚି ଦୁଇ ଜଣ ମହିଳାଙ୍କ ସମତେ ସାତ ଜଣ ଜୁଆଡିଙ୍କୁ ଗିରଫ କରିଥିବାବେଳେ ସେମାନଙ୍କ ଠାରୁ ନଗଦ ଅର୍ଥ ରାଶି ୨୨ହଜାର ୩୦୦ସହ ଟଙ୍କା ,୬ଟି ମୋଟର ସାଇକେଲ ଓ ୫ଟି ମୋବାଇଲ ଫୋନ ଜବତ କରାଯାଇଛି।ଗିରଫ ଜୁଆଡି ମାନେ ହେଲେ ହିଞ୍ଜିଳି ଥାନା ଶିକିରି ଗ୍ରାମର ସୁଶାନ୍ତ ନାୟକ(୩୮)ସୁଜିତ କୁମାର ମୁନୀ(୨୮)କବିସୂର୍ଯ୍ୟନଗର ଥାନା ବୋଲସର ଗ୍ରାମର ଗୌରୀ ଶଙ୍କର ଦଳାଇ(୩୩)ଖରିଡ଼ା ଗ୍ରାମର ଆକାଶ ଗୌଡ଼(୨୩)ବ୍ରହ୍ମପୁର ସଦର ଥାନା ବଳରାମପଲ୍ଲୀ ଗ୍ରାମର ସିଂ ଯୋହାନ ଆଚାରୀ( ୫୫) ଦୁଇ ମହିଳା ଜୁଆଡି ହେଲେ ହିଞ୍ଜିଳିକାଟୁ ପୌରାଞ୍ଚଳ ଜୟମଙ୍ଗଳ ମାର୍ଗ ଅଞ୍ଚଳର ବର୍ଷା ବେହେରା (୨୫)ମମତା ବେହେରା (୩୫) ଏନେଇ ହିଞ୍ଜିଳି ଥାନାରେ କେସ ନଂ ୫୩୧/୨୬ ରେ ଏକ ମାମଲା ରୁଜୁ କରି ପୋଲିସ ଘଟଣାର ତଦନ୍ତ ଚଳାଇଛି।ଆଗକୁ ପ୍ରାବଣ ଋତୁ ଆସୁଥିବା ଯୋଗୁଁ ବେଆଇନ ଭାବେ ଚାଲୁ ଥିବା ସମସ୍ତ ଜୁଆ ଆଡ୍ଡା ଉପରେ ଚଢ଼ାଉ ଜାରି ରହିବ ବୋଲି ହିଞ୍ଜିଳି ଥାନାଧିକାରୀ ଶ୍ରୀନିବାସ ସେଠୀ ସୂଚନା ଦେଇଛନ୍ତି।ଚଢାଉରେ ଏସଆଇ ଧରିତ୍ରୀ ବିଶ୍ୱାଳ, ଏଏସଆଇ ମନୋଜ ସେନାପତିଙ୍କ ସମେତ ଅନ୍ୟାନ୍ୟ କର୍ମଚାରୀ ମାନେ ଅଂଶ ଗ୍ରହଣ କରିଥିଲେ।