Odisha Janamata : ମାଣିକେଶ୍ବର ବିଦ୍ୟାପୀଠ ଫାସୀ ଗ୍ରାମରେ ଆଞ୍ଚଳିକ ସ୍ତରୀୟ କ୍ରୀଡା ପ୍ରତିଯୋଗୀତା ଅନୁଷ୍ଠିତ |

ମାଣିକେଶ୍ବର ବିଦ୍ୟାପୀଠ ଫାସୀ ଗ୍ରାମରେ ଆଞ୍ଚଳିକ ସ୍ତରୀୟ କ୍ରୀଡା ପ୍ରତିଯୋଗୀତା ଅନୁଷ୍ଠିତ |

08-Sep-2026

ଫାସି ମାଣିକେଶ୍ବର ବିଦ୍ୟାପୀଠ ଠାରେ ଆଞ୍ଚଳିକ ସ୍ତରୀୟ କ୍ରୀଡା ପ୍ରତିଯୋଗିତା l
ଓଡିଶା ଜନମତ, କୋଦଳା : 08/09/2026

ନରେନ୍ଦ୍ର ନାଥ ଗୌଡ଼
କୋଦଳା :07/09/26 : ବେଗୁନିଆପଡା ବ୍ଲକ ବିଦ୍ୟାଳୟ କ୍ରୀଡା ସଂଗଠନ ଆନୁକୂଲ୍ୟରେ ଏହି ବ୍ଲକ ଅନ୍ତର୍ଗତ ଫାସି ମାଣିକେଶ୍ବର ନୋଡାଲ ବିଦ୍ୟାପୀଠ ପରିସରରେ ଜୋନ -1 ଆଞ୍ଚଳିକ ସ୍ତରୀୟ ବିଦ୍ୟାଳୟ ସମୂହ କ୍ରୀଡା ପ୍ରତିଯୋଗିତା ଉଭୟ 14 ଏବଂ 17 ବର୍ଷରୁ କମ ବାଳକ ବାଳିକା ମାନଙ୍କୁ ନେଇ ଅନୁଷ୍ଠିତ ହୋଇଯାଇଛି l ବିଦ୍ୟାଳୟର ପ୍ରଧାନ ଶିକ୍ଷକ ତଥା ଆବାହକ ସନ୍ତୋଷ କୁମାର ରଣହଣ୍ଡଳ ଅଧ୍ୟକ୍ଷତା ଏବଂ ବ୍ଲକ କ୍ରୀଡା ସମ୍ପାଦକ ତଥା କାଳିମେଘି-ଜାଗିଲିପଦର ସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟ କ୍ରୀଡା ଶିକ୍ଷକ ଭଗବାନ ପଣ୍ଡା ଓ ଜୋନ ସମ୍ପାଦକ ଅଜୟ କୁମାର ସାହୁଙ୍କ ତତ୍ୱାବଧାନରେ ଆୟୋଜିତ ଏହି କାର୍ଯ୍ୟକ୍ରମରେ କୋଦଳା ପିଏମଶ୍ରୀ ସ୍ବର୍ଣ୍ଣମୟୀ ହାଇସ୍କୁଲ ପ୍ରଧାନ ଶିକ୍ଷକ ଉମାକାନ୍ତ ବେହେରା ମୁଖ୍ୟ ଅତିଥି ଭାବେ ଯୋଗଦେଇ ପ୍ରତିଯୋଗୀଙ୍କୁ ଉତ୍ସାହିତ କରିଥିଲେ l ଅନ୍ୟମାନଙ୍କ ମଧ୍ୟରେ ସିଆରସିସି କାଳି ଚରଣ ଶତପଥୀ,କ୍ରୀଡା ଶିକ୍ଷକ ଅକ୍ଷୟ କୁମାର ବାରିକ ସତ୍ୟ ରଞ୍ଜନ ସେଠି, ସୁନିତା କୁମାରୀ ପାଢ଼ୀ, ଜଗଦୀପ ସାହୁ ଆଦି ସମ୍ନାନିତ ଅତିଥି ଭାବେ ଯୋଗଦେଇ ପ୍ରତିଯୋଗିତା ପରିଚାଳନା କରିଥିଲେ l 6 ଗୋଟି କ୍ରୀଡ଼ାକୁ ନେଇ ଆୟୋଜିତ ହେଉଥିବା ଏହି ପ୍ରତିଯୋଗିତାରେ ବିଭିନ୍ନ ବିଦ୍ୟାଳୟରୁ 180 ବିଦ୍ୟାର୍ଥୀ ଅଂଶଗ୍ରହଣ କରିଥିବା ବେଳେ ବିଦ୍ୟାଳୟର ପୁରାତନ ଛାତ୍ର ସଂସଦ,ଶିକ୍ଷକଶିକ୍ଷୟତ୍ରୀ, କର୍ମଚାରୀ ଏବଂ ଏସଏମସି ସଦସ୍ୟ ସହଯୋଗ କରିଥିଲେ l