Odisha Janamata : କୋରାପୁଟ ସାଂସଦ ସପ୍ତଗିରି ଉଲ୍ଲକାଙ୍କୁ "ସଂସଦ ରତ୍ନ ସମ୍ମାନ |

କୋରାପୁଟ ସାଂସଦ ସପ୍ତଗିରି ଉଲ୍ଲକାଙ୍କୁ "ସଂସଦ ରତ୍ନ ସମ୍ମାନ |

10-Sep-2026

ସପ୍ତଗିରି ଉଲାକାଙ୍କୁ ‘ସଂସଦ ରତ୍ନ’ ସମ୍ମାନ

କଲ୍ୟାଣସିଂହପୁର ବ୍ଲକ କଂଗ୍ରେସ ପକ୍ଷରୁ ଉତ୍ସବ ଓ ସମ୍ବର୍ଦ୍ଧନା

ଓଡିଶା ଜନମତ ରାୟଗଡା, ୧୦/୯,

କାମେଶ୍ୱର କରକରିଆ :-----

କୋରାପୁଟ ଲୋକସଭା ସାଂସଦ ସପ୍ତଗିରି ଶଙ୍କର ଉଲାକାଙ୍କୁ ‘ସଂସଦ ରତ୍ନ’ ସମ୍ମାନ ମିଳିଥିବା ଅବସରରେ ରାୟଗଡ଼ା ଜିଲ୍ଲା କଲ୍ୟାଣସିଂହପୁର ବ୍ଲକ କଂଗ୍ରେସ ପକ୍ଷରୁ ଉତ୍ସବ ଓ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଛି। ବ୍ଲକ କଂଗ୍ରେସ କାର୍ଯ୍ୟାଳୟ ପରିସରରେ ଆୟୋଜିତ ଏହି କାର୍ଯ୍ୟକ୍ରମରେ ଦଳୀୟ ନେତା ଓ କର୍ମୀମାନେ ଖୁସି ପ୍ରକାଶ କରିବା ସହ ସାଂସଦଙ୍କୁ ଅଭିନନ୍ଦନ ଜଣାଇଥିଲେ। MP ପ୍ରତିନିଧି କୁମାରସ୍ୱାମୀ କୌଶଲ୍ୟାଙ୍କ ନେତୃତ୍ୱରେ ଆୟୋଜିତ ସଭାରେ ବକ୍ତାମାନେ ସାଂସଦ ସପ୍ତଗିରି ଉଲାକାଙ୍କ କାର୍ଯ୍ୟଧାରା ଓ ସଂସଦରେ ତାଙ୍କ ଭୂମିକା ଉପରେ ଆଲୋଚନା କରିଥିଲେ। କୋରାପୁଟ ଲୋକସଭା ଅଞ୍ଚଳର ଜନସାଧାରଣଙ୍କ ବିଭିନ୍ନ ସମସ୍ୟା, ଅଧିକାର ଓ ବିକାଶମୂଳକ ପ୍ରସଙ୍ଗକୁ ସଂସଦରେ ନିରନ୍ତର ଭାବେ ଉଠାଇ ଆସୁଥିବାରୁ ଏହି ସମ୍ମାନ ଅଞ୍ଚଳବାସୀଙ୍କ ପାଇଁ ଗର୍ବର ବିଷୟ ବୋଲି ବକ୍ତାମାନେ କହିଥିଲେ। ଏହି ଅବସରରେ ବ୍ଲକ କଂଗ୍ରେସ ସଭାପତି ନାଗେଶ୍ୱର ରାଓ, ସରପଞ୍ଚ ଗୌତମ ବାଲି, ବ୍ଲକ କଂଗ୍ରେସ କମିଟି ସମ୍ପାଦକ ପ୍ରଶାନ୍ତ ନନ୍ଦ କୌଶଲ୍ୟାଙ୍କ ସମେତ ବହୁ ଦଳୀୟ ନେତା, ଯୁବ କର୍ମୀ ଓ ସମର୍ଥକ ଉପସ୍ଥିତ ଥିଲେ। କାର୍ଯ୍ୟକ୍ରମରେ ଦଳୀୟ କର୍ମୀମାନେ ପରସ୍ପରକୁ ମିଷ୍ଟାନ୍ନ ବଣ୍ଟନ କରି ଖୁସି ପ୍ରକାଶ କରିଥିଲେ। ସାଂସଦ ସପ୍ତଗିରି ଉଲାକାଙ୍କ ଆଗାମୀ ଦିନର କାର୍ଯ୍ୟକାଳ ଆହୁରି ସଫଳ ହେଉ ଏବଂ ସେ ଅଞ୍ଚଳର ଲୋକଙ୍କ ସ୍ୱାର୍ଥ ପାଇଁ ଆହୁରି ଦୃଢ଼ତାର ସହ କାର୍ଯ୍ୟ କରନ୍ତୁ ବୋଲି ଉପସ୍ଥିତ ନେତା ଓ କର୍ମୀମାନେ ଶୁଭେଚ୍ଛା ଜଣାଇଥିଲେ।