Odisha Janamata : ପୋଲିସ ର ଏନକାଉଣ୍ଟର ରେ କୁଖ୍ୟାତ ଅପରାଧୀ ମହମ୍ମଦ ଇରଫାନ ଆହାତ |

ପୋଲିସ ର ଏନକାଉଣ୍ଟର ରେ କୁଖ୍ୟାତ ଅପରାଧୀ ମହମ୍ମଦ ଇରଫାନ ଆହାତ |

13-Sep-2026

କୁଖ୍ୟାତ ଅପରାଧୀ ଇରଫାନ କୁ ପୋଲିସ ର ଏନ କାଉଣ୍ଟର l

ଓଡିଶା ଜନମତ, ଭୁବନେଶ୍ୱର ଜ୍ୟୋତିରଞ୍ଜନ ପଟ୍ଟନାୟକ....

ସମ୍ବଲପୁର ସଦର ଥାନା ପୋଲିସ କୌଣସି ଏକ ସୂତ୍ରରୁ ଖବର ପାଇ ବାଟରେ ଜଗି ଥିବା ବେଳେ କୁଖ୍ୟାତ ଅପରାଧୀ ସୁନାପାଲିର ମହମ୍ମଦ ଇରଫାନ କୁ ଦେଖିବାକୁ ପାଇଥିଲେ । ତା ସହିତ ଦୁଇ ଜଣ ସହଯୋଗୀ କଳା ରଙ୍ଗର ବଜାଜ ପଲସର ମୋଟର ସାଇକେଲ ଓ ଡି ୧୫ଏ ବି - ୩୬୭୪ ରେ ସଦର ଥାନା ଅନ୍ତର୍ଗତ ସୁଡୁଙ୍ଗା ଜଙ୍ଗଲ ନିକଟ କେନାଲ ରୋଡ୍ ରେ ଯାଉଥିଲେ ।ପୋଲିସ ସେମାନଙ୍କ ଗାଡ଼ି ଅଟକାଇ ୨ ଜଣ ଅଭିଯୁକ୍ତଙ୍କୁ ଧରିବାରେ ସଫଳ ହୋଇଥିଲା ବେଳେ ମୁଖ୍ୟ ଆସାମୀ ମହମ୍ମଦ ଇରଫାନ ସେଠାରୁ ଫେରାର ହୋଇଯାଇଥିଲା । ଫେରାର ହେବା ସମୟରେ ସେ ପୋଲିସ ଟିମ୍ ଉପରକୁ ଗୁଳି ବି ଚଳାଇଥିଲା । ଆତ୍ମରକ୍ଷା ପାଇଁ ପୋଲିସ ନିୟନ୍ତ୍ରିତ ଗୁଳି ଚଳାଇଥିଲା, ଯେଉଁଥିରେ ମହମ୍ମଦ ଇରଫାନର ବାମ ଗୋଡରେ ଗୁଳି ବାଜିଥିଲା । ମହମ୍ମଦ ଇରଫାନ ୩ ରାଉଣ୍ଡ ଗୁଳି ଚଳାଇଥିଲା ବେଳେ ପୋଲିସ ୨ ରାଉଣ୍ଡ ଗୁଳି ଚଳାଇଥିଲେ । ଘଟଣାସ୍ଥଳରୁ ଗୋଟିଏ ପିସ୍ତଲ, ଗୁଳି ଏବଂ ୩ଟି ଖୋକା ଜବତ କରାଯାଇଛି । ଅଭିଯୁକ୍ତମାନେ ବ୍ୟବହାର କରୁଥିବା ମୋଟରସାଇକେଲକୁ ମଧ୍ୟ ଜବତ କରାଯାଇଛି । ଆହତ ଅଭିଯୁକ୍ତ ମହମ୍ମଦ ଇରଫାନକୁ ତୁରନ୍ତ ଚିକିତ୍ସା ପାଇଁ ଭୀମସାର , ବୁର୍ଲାକୁ ସ୍ଥାନାନ୍ତର କରିଥିବା ବେଳେ ଅନ୍ୟ ଦୁଇଜଣଙ୍କୁ ପୋଲିସ କଷ୍ଟଡ଼ିକୁ ନିଆଯାଇଛି l