Odisha Janamata : ଖଲ୍ଲିକୋଟ ବ୍ଲକ ରେ ଆରମ୍ଭ ହେଲା ଅନ୍ତୋର୍ଦୟ ଗୃହନିର୍ମାଣ ଯୋଜନା |

ଖଲ୍ଲିକୋଟ ବ୍ଲକ ରେ ଆରମ୍ଭ ହେଲା ଅନ୍ତୋର୍ଦୟ ଗୃହନିର୍ମାଣ ଯୋଜନା |

30-Mar-2025

ଖଲ୍ଲିକୋଟ ବ୍ଲକ ରେ ଶୁଭାରମ୍ଭ ହେଲା "ଅନ୍ତୋଦୟ ଆବାସ ଯୋଜନା, ଉପକୃତ ହେବେ 248 ହିତାଧିକାରୀ |

ଓଡିଶା ଜନମତ, ଖଲ୍ଲିକୋଟ ମାଧବ ବେହେରା,
30/3 :
ନିମ୍ନ ଆୟ ବର୍ଗ ର ଭିନ୍ନକ୍ଷମ, ବିଧବା, ରୋଗାକ୍ରାନ୍ତ, ସହିଦ ପରିବାର, ଘରପୋଡି କ୍ଷତିଗ୍ରସ୍ତ, ହାତୀ ଉପଦ୍ରଵ ଓ ବନ୍ୟା କ୍ଷତିଗ୍ରସ୍ତ ମାନଙ୍କ ପାଇଁ ରାଜ୍ୟ ପଂଚାୟତ ଓ ପାନୀୟ ଜଳ ବିଭାଗ ତରଫ ରୁ ଆରମ୍ଭ ହୋଇଥିବା "ଅନ୍ତୋଦୟ ଆବାସ " ଯୋଜନା ର ର ଶୁଭାରମ୍ଭ ହୋଇଛି |ରାଜ୍ୟ ମୁଖ୍ୟମନ୍ତ୍ରୀ ଆଭାସୀ ଯୋଜନା ମାଧ୍ୟମ ରେ ଶୁଭାରମ୍ଭ କରିଥିଲେ | ଖଲ୍ଲିକୋଟ ବ୍ଲକ ପରିସର ରେ ଆୟୋଜିତ ଏହି କାର୍ଯ୍ୟକ୍ରମ ନିର୍ଦ୍ଧାରିତ ସମୟ ର ଏକ ଘଣ୍ଟା ବିଳମ୍ବ ରେ ଆରମ୍ଭ ହୋଇଥିଲା |ଯା ଫଳରେ ବ୍ଲକ ର ବିଭିନ୍ନ ପ୍ରାନ୍ତରୁ ଆସିଥିବା ହିତାଧିକାରୀ ଓ ମହିଳା ଗୋଷ୍ଟି ର ସଦସ୍ୟ ମାନେ 43 ଡିଗ୍ରୀ ଖରାରେ ସିଝୁ ଥିବା ଦେଖିବାକୁ ମିଳିଥିଲା |ଉକ୍ତ ଯୋଜନା ମାଧ୍ୟମ ଖଲ୍ଲିକୋଟ ବ୍ଲକ ର 29 ଗୋଟି ପଂଚାୟତ ର248 ଜଣ ହିତାଧିକାରୀ ଉପକୃତ ହେବେ ବୋଲି ଜଣାଅପଡ଼ିଛି | ତେବେ ଆବାସ ଯୋଜନା ରେ ଏକ ଲକ୍ଷ୍ୟ କୋଦିଏ ହଜାର ଟଙ୍କା ମିଳିବ |ତିନିମାସ ରେ ନିର୍ମାଣ କାର୍ଯ୍ୟ ସାରିଲେ 20 ହଜାର ଓ 6 ମାସ ରେ ନିର୍ମାଣ କାର୍ଯ୍ୟ ସାରିଲେ 10 ହଜାର ଟଙ୍କା ପ୍ରୋତ୍ସାହନ ରାଶି ମିଳିବା ସହ ମନେରେଗା ଓ ଅନ୍ୟାନ୍ୟ ଯୋଜନାରୁ ମଧ୍ୟ ସୁବିଧା ମିଳିବ ବୋଲି ଜଣାପଡିଛି | କାର୍ଯ୍ୟକ୍ରମ ରେ ବିଧାୟକ ପୂର୍ଣ୍ଣ ଚନ୍ଦ୍ର ସେଠୀ ଖଲ୍ଲିକୋଟ ଗୋଷ୍ଟି ଉନ୍ନୟନ ଅଧିକାରୀ ଦେବାଶିଷ ସମଲ ଓ ବ୍ଲକ ର ସହ ନିର୍ବାହୀ ଯନ୍ତ୍ରୀ ହରି କୃଷ୍ଣ ସାହୁ ଓ କୁମାରୀ ଦାସ, ଉପାଧ୍ୟାଖ୍ୟା ଭାରତୀ ମହାରଣା ପ୍ରଦୀପ ପ୍ରଜ୍ବଳନ କରି କାର୍ଯ୍ୟକ୍ରମ ର ଶୁଭାରମ୍ଭ କରି ହିତାଧିକାରୀ ମାନଙ୍କୁ କାର୍ଯ୍ୟାଦେଶ ବଣ୍ଟନ କରି ଯୋଜନା ସମ୍ପର୍କ ରେ ସୂଚନା ଦେଇଥିଲେ | ଅନ୍ୟ ମାନଙ୍କ ମଧ୍ୟରେ ଲଙ୍ଗଳେଶ୍ୱର ସରପଞ୍ଚ ରମେଶ ସାହୁ,, କଞ୍ଚଣା ସରପଞ୍ଚ ଚିତ୍ରସେନ ଘୋଷ, କହେଁଇପୁର ସରପଞ୍ଚ ପ୍ରକାଶ ଶାସମଲ, ବାକୁଟୁଗାଁ ସରପଞ୍ଚ ଗଣେଶ ସାହୁ, ବାଣିଆ ସରପଞ୍ଚ ପ୍ରତିନିଧି ସିମାଞ୍ଚକ ଦୋରା, ମଥୁରା ସରପଞ୍ଚ ମେହମତ୍ତ ସେଠୀ,ତାଳପଡା ସରପଞ୍ଚ ମନୋଜ ସେଠୀ ପ୍ରମୁଖ ସରପଞ୍ଚ ଓ ସମିତି ସଭ୍ୟ ମାନେ ଯୋଗ ଦେଇ ଅଂଶ ଗ୍ରହଣ କରିଥିଲେ |