Odisha Janamata : ପୋଲସରା ରେ ପ୍ଲାମ୍ବର ଓ ଇଲେକ୍ଟସିଆନ ଙ୍କ ବନ୍ଧୁ ମିଳନ କାର୍ଯ୍ୟକ୍ରମ ଅନୁଷ୍ଠିତ ||

ପୋଲସରା ରେ ପ୍ଲାମ୍ବର ଓ ଇଲେକ୍ଟସିଆନ ଙ୍କ ବନ୍ଧୁ ମିଳନ କାର୍ଯ୍ୟକ୍ରମ ଅନୁଷ୍ଠିତ ||

03-Aug-2025

ପ୍ଲମ୍ୱର ଏଣ୍ଡ ଇଲେକଟ୍ରିସିଆନ୍ ଏସୋସିଏସନର ବନ୍ଧୁମିଳନ
ଓଡ଼ିଶା ଜନମତ, ପୋଲସରା,ସନ୍ତୋଷ କୁମାର ପଣ୍ଡା,
ତା.୦୨/୦୮/୨୦୨୫:

ପୋଲସରା ସ୍ଥିତ ପ୍ଲମ୍ୱର ଏଣ୍ଡ ଇଲେକଟ୍ରିସିଆନ୍ ଏସୋସିଏସନର ବନ୍ଧୁମିଳନ-୨୦୨୫ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ସ୍ଥାନୀୟ ବାଲିଘାଇ ସ୍ଥିତ ଶ୍ରୀ ଶ୍ରୀ ରାମେଶ୍ବର ମହାଦେବଙ୍କ ପୀଠରେ ଅନୁଷ୍ଠିତ କାର୍ଯ୍ୟକ୍ରମକୁ ସଭାପତି ପ୍ରଶାନ୍ତ କୁମାର ମହାରଣା (ଟୁନା) ସଭାପତିତ୍ବ କରିଥିଲେ। ପ୍ରାରମ୍ଭରେ ଶ୍ରୀ ଶ୍ରୀ ରାମେଶ୍ବର ମହାଦେବଙ୍କ ଠାରେ ପ୍ରଦୀପ ପ୍ରଜ୍ଜ୍ୱଳନ ଏଵଂ ଭୋଗଲାଗି କରାଯିବା ପରେ ବନ୍ଧୁମିଳନ କାର୍ଯ୍ୟକ୍ରମ ଆରମ୍ଭ ହୋଇଥିଲା। ଏଥିରେ ଏସୋସିଏସନର ପୋଲସରା ଅଞ୍ଚଳରୁ ଶତାଧିକ ସଂଖ୍ୟାରେ କର୍ମକର୍ତ୍ତା ଏଵଂ ସଦସ୍ୟମାନେ ଯୋଗ ଦେଇଥିଲେ। ଏହି ଅବସରରେ ଏକ ସଭାର ଆୟୋଜନ କରାଯାଇ ଏସୋସିଏସନର ରହିଥିବା ବିଭିନ୍ନ ସମସ୍ୟା ସହିତ ସଦସ୍ୟ ମାନଙ୍କ ରୋଜଗାରିଆ କର୍ମକୁ ନେଇ ବିସ୍ତୃତଭାବେ ଆଲୋଚନା କରାଯାଇଥିଲା। ଏଥିରେ ସଦସ୍ୟମାନେ ନିଜ ନିଜର ସୁଚିନ୍ତିତ ମତ ପ୍ରକାଶ କରିବା ସହ ଆୟୋଜିତ କାର୍ଯ୍ୟକ୍ରମକୁ ନେଇ ପ୍ରଶ°ସା କରିଥିଲେ। ପରେ ସର୍ବସମ୍ମତି କ୍ରମେ ଆଗାମୀ ଦିନରେ ଏସୋସିଏସନକୁ ଅଧିକରୁ ଅଧିକ ସୁଦୃଢ଼ କରାଯିବା ସହ ପ୍ରଚଳିତ ନିୟମକୁ ପାଳନ କରି ଚଳିବା ଏଵଂ ଆଗାମୀ ବୈଠକରେ ନୂତନ ପରିଚାଳନା କମିଟି ଗଠନ କରିବାକୁ ନିଷ୍ପତି ନିଆଯାଇଥିଲା। ଏଥିରେ ଏସୋସିଏସନର ସାଧାରଣ ସମ୍ପାଦକ ତଥା କୋଷାଧ୍ୟକ୍ଷ ଶ୍ରୀକାନ୍ତ ପାତ୍ର, ଉପସଭାପତି ପ୍ରଶାନ୍ତ କୁମାର ସାହୁ, ଯୁଗ୍ମ ସମ୍ପାଦକ ଜିତୁ ପ୍ରଧାନ ଓ ଦୁଇଜଣ ଉପଦେଷ୍ଟା ରଘୁନାଥ ସାହୁ ଓ ଜୟରାମ ପ୍ରଧାନଙ୍କ ସମେତ ସମେତ ନାଗେଶ୍ଵର ପାତ୍ର, ଦିଲ୍ଲୀପ ରଥ, ପ୍ରଶାନ୍ତ କୁମାର ହୋତା (ଗଗନ), ଶିବଶଙ୍କର ସାହୁ, ସିମାଞ୍ଚଳ ମହାରଣା, ରବୀନ୍ଦ୍ର ପ୍ରଧାନ ଓ ଶ୍ରୀକାନ୍ତ ପ୍ରଧାନ ସଦସ୍ୟମାନେ ଉପସ୍ଥିତ ରହି ସହଯୋଗ କରିଥିଲେ। ସଭାକାର୍ଯ୍ୟକୁ ଜୟରାମ ପ୍ରଧାନ ପରିଚାଳନା କରିଥିବାବେଳେ
ଶେଷରେ ସଭାପତି ପ୍ରଶାନ୍ତ କୁମାର ମହାରଣା ସମସ୍ତଙ୍କୁ ଆନ୍ତରିକ ଧନ୍ୟବାଦ୍ ଅର୍ପଣ କରିଥିଲେ।