Odisha Janamata : ବାର୍ଷିକ ବିବରଣୀ ପତ୍ର 2025-26ର ଅବଲୋକନ ଓ 2026-27ବର୍ଷ ପାଇଁ କାର୍ଯ୍ୟ ଯୋଜନା ପ୍ରସ୍ତୁତି କରଣ କାର୍ଯ୍ୟକ୍ରମ ଅନୁଷ୍ଠିତ ||

ବାର୍ଷିକ ବିବରଣୀ ପତ୍ର 2025-26ର ଅବଲୋକନ ଓ 2026-27ବର୍ଷ ପାଇଁ କାର୍ଯ୍ୟ ଯୋଜନା ପ୍ରସ୍ତୁତି କରଣ କାର୍ଯ୍ୟକ୍ରମ ଅନୁଷ୍ଠିତ ||

10-Apr-2026

ବାର୍ଷିକ ବିବରଣୀ ପତ୍ର (୨୦୨୫-୨୬)ର ଅବଲୋକନ ଓ ୨୦୨୬-୨୭ ବର୍ଷ ପାଇଁ କାର୍ଯ୍ୟଯୋଜନା ପ୍ରସ୍ତୁତିକରଣ କାର୍ଯ୍ୟକ୍ରମ ଅନୁଷ୍ଠିତ

ଖଲ୍ଲିକୋଟ: ଜିଲ୍ଲା ଶିକ୍ଷା ଓ ପ୍ରଶିକ୍ଷଣ ପ୍ରତିଷ୍ଠାନ, ଗଞ୍ଜାମ, ଖଲ୍ଲିକୋଟ ପକ୍ଷରୁ ବିଶିଷ୍ଟ ଶିକ୍ଷାବିତ୍ ତଥା ପ୍ରତିଷ୍ଠାନର ଅଧ୍ୟକ୍ଷ
ଡ. ସନ୍ତୋଷ କୁମାର ପରିଡ଼ାଙ୍କ ଅଧ୍ୟକ୍ଷତାରେ ବାର୍ଷିକ ବିବରଣୀ ପତ୍ର (୨୦୨୫-୨୬)ର ଅବଲୋକନ ଓ ୨୦୨୬-୨୭ ଶିକ୍ଷାବର୍ଷ ପାଇଁ କାର୍ଯ୍ୟଯୋଜନା ପ୍ରସ୍ତୁତିକରଣ ଉପଲକ୍ଷେ ଏକ ଗରିମାମୟ କାର୍ଯ୍ୟକ୍ରମ ବହୁ ଆଡ଼ମ୍ବରରେ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ମାନ୍ୟବର ବିଧାୟକ ଖଲ୍ଲିକୋଟ ଷ୍ଟାଣ୍ଡିଙ୍ଗ କମିଟି ଅନ୍ ଏଜୁକେସନ୍, ବିଦ୍ୟାଳୟ ଓ ଗଣ ଶିକ୍ଷା ବିଭାଗ, ଓଡ଼ିଶା ସରକାର, ଗଞ୍ଜାମ ଜିଲ୍ଲା ଯୋଜନା ବୋର୍ଡ଼ର ଅଧ୍ୟକ୍ଷ ମାନ୍ୟବର ଶ୍ରୀଯୁକ୍ତ ପୂର୍ଣ୍ଣଚନ୍ଦ୍ର ସେଠୀ ମହୋଦୟ ଯୋଗଦେଇ ପ୍ରତିଷ୍ଠାନର ବିଭିନ୍ନ ଶିକ୍ଷାମୂଳକ ପ୍ରୟାସକୁ ପ୍ରଶଂସା କରିବା ସହିତ ଶିକ୍ଷକ ପ୍ରଶିକ୍ଷଣକୁ ଆହୁରି ପ୍ରାୟୋଗିକ ଓ ନବୀନମୁଖୀ କରିବା ପାଇଁ ପ୍ରେରଣାଦାୟକ ମତ ପ୍ରକାଶ କରିଥିଲେ । ମୁଖ୍ୟ ବକ୍ତା ଭାବେ ମାନ୍ୟବର ବିଧାୟକ ଚିକିଟି ମନୋରଞ୍ଜନ ଦ୍ୟାନ ସାମନ୍ତରା ଉପସ୍ଥିତ ରହି ଶିକ୍ଷାର ଗୁଣାତ୍ମକ ବୃଦ୍ଧିରେ ସମସ୍ତଙ୍କ ଭୂମିକା ଉପରେ ଗଭୀର ଆଲୋକପାତ କରିଥିଲେ । ସେ ଶିକ୍ଷାକ୍ଷେତ୍ରରେ ନୂତନ ପ୍ରୟାସ, ପ୍ରଯୁକ୍ତି ଆଧାରିତ ଶିକ୍ଷାଦାନ ପ୍ରଣାଳୀ ଓ ଗ୍ରାମାଞ୍ଚଳରେ ଶିକ୍ଷାର ସୁଗମ ବୃଦ୍ଧି ପାଇଁ ଶିକ୍ଷକମାନଙ୍କ ସକ୍ରିୟ ଭୂମିକାର ଆବଶ୍ୟକତା ଉପରେ ଜୋର୍ ଦେଇଥିଲେ । ଗତ ବର୍ଷର ସଫଳ କାର୍ଯ୍ୟକଳାପକୁ ଉଲ୍ଲେଖ କରି ଶିକ୍ଷକ ପ୍ରଶିକ୍ଷଣର ଗୁଣାତ୍ମକ ଉନ୍ନତି ପାଇଁ ସମୂହ ପ୍ରୟାସର ଆବଶ୍ୟକତା ଉପରେ ଅନୁଷ୍ଠାନର ଅଧ୍ୟକ୍ଷ ମଧ୍ୟ ଜୋର୍ ଦେଇଥିଲେ । ସେ ଆଗାମୀ ୨୦୨୬-୨୭ ବର୍ଷ ପାଇଁ ନୂତନ ଶିକ୍ଷାମୂଳକ ପରିକଳ୍ପନା ମାଧ୍ୟମରେ ପ୍ରତିଷ୍ଠାନକୁ ଆହୁରି ଉଚ୍ଚସ୍ତରକୁ ନେବା ପାଇଁ ସମସ୍ତଙ୍କ ସହଯୋଗ ଆହ୍ୱାନ କରିଥିଲେ । ଏଥିରେ ଗଞ୍ଜାମ ଜିଲ୍ଲାର ୨୨ଟି ବ୍ଲକରୁ ସମସ୍ତ ବ୍ଲକ ଶିକ୍ଷା ଅଧିକାରୀ, ଅତିରିକ୍ତ ବ୍ଲକ ଶିକ୍ଷା ଅଧିକାରୀ, ବି. ଆର୍. ସି. ସି., ସି. ଆର୍. ସି. ସି., ଜାତୀୟ, ରାଜ୍ୟ ଓ ଜିଲ୍ଲା ସ୍ତରୀୟ ପୁରସ୍କାର ପ୍ରାପ୍ତ ଶିକ୍ଷକ ପ୍ରଭୃତି ଯୋଗ ଦେଇଥିଲେ । ଅନୁଷ୍ଠାନର ବରିଷ୍ଠ ଶିକ୍ଷକ ପ୍ରଶିକ୍ଷକ ବିଷ୍ଣୁ ନାରାୟଣ ଜେନା ଏହି କାର୍ଯ୍ୟକ୍ରମକୁ ସଂଯୋଜନା କରୁଥିବା ବେଳେ ଶିକ୍ଷକ ପ୍ରଶିକ୍ଷକ ନବୀନ କୁମାର ପ୍ରମାଣିକ ମଞ୍ଚ ପରିଚାଳନା କରୁଥିଲେ ।
ଏହି ଅବସରରେ ବାର୍ଷିକ ବିବରଣୀ ପତ୍ର (୨୦୨୫-୨୬), "ଦ ପଲ୍ସ ପକ୍ଷ-୨.୦" ଦ୍ଵିତୀୟ ସଂସ୍କରଣ ଏବଂ ତେଲୁଗୁ ଶିକ୍ଷା ସମ୍ବଳ ସାମଗ୍ରୀର ଉନ୍ମୋଚନ କରାଯାଇଥିଲା, ଯାହା ପ୍ରତିଷ୍ଠାନର ଶିକ୍ଷାଦାନ ସୃଜନଶୀଳ ପ୍ରୟାସର ଏକ ଉଲ୍ଲେଖନୀୟ ପଦକ୍ଷେପ ଭାବେ ପରିଗଣିତ ହୋଇଛି । ତତ୍ ସହିତ ୱାଲ୍ ମାଗାଜିନ୍, ସେଲ୍ଫି ପଏଣ୍ଟ ଓ ଦସ୍ତଖତ ବିନ୍ଦୁ ଆଦି ଆକର୍ଷଣୀୟ କାର୍ଯ୍ୟକ୍ରମ ଆୟୋଜିତ ହୋଇଥିଲା । ଅନୁଷ୍ଠିତ କାର୍ଯ୍ୟକ୍ରମରେ ଉପସ୍ଥିତ ଥିଲେ ବରିଷ୍ଠ ଶିକ୍ଷକ ପ୍ରଶିକ୍ଷିକା ଡ଼ ନିହାରିକା ସାମନ୍ତରାୟ, ପ୍ରଜ୍ଞା ପାରମିତା, ଶିକ୍ଷକ ପ୍ରଶିକ୍ଷିକା ଲିପି ଶ୍ରୀ ଦେବୀ, ଶିକ୍ଷକ ପ୍ରଶିକ୍ଷକ ଜିତେନ୍ଦ୍ର କୁମାର ପଣ୍ଡା, ସୁକୁଲେଇ ଟୁଡୁ, ଶିକ୍ଷକ ପ୍ରଶିକ୍ଷିକା ଗାୟତ୍ରୀ ପାଇଁ, ଭାବିଲିତା ନାୟକ, ବବିତା ସିଂ, ସେକ୍ସନ ଅଧିକାରୀ ପ୍ରବେଶ କୁମାର ପଟ୍ଟନାୟକ, ଆଇ ସି ଟି ନିରୀକ୍ଷକ ମନୋରଞ୍ଜନ ବାରିକ, ଜୁନିୟର ଆସିଷ୍ଟାଣ୍ଟ ଆଶିଷ ରଞ୍ଜନ ସେଠୀ, ନିରୁପମା ପ୍ରଧାନଙ୍କ ସହିତ ସୁକାନ୍ତି ସେଠୀ, ଭଗବାନ ଗୈ।ଡ ଓ ଜୟଶଙ୍କର ଗୈ।ଡ ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମକୁ ସଫଳ କରିଥିଲେ । ଶେଷରେ ପ୍ରତିଷ୍ଠାନର ବରିଷ୍ଠ ଶିକ୍ଷକ ପ୍ରଶିକ୍ଷକ ବିଷ୍ଣୁ ନାରାୟଣ ଜେନା ଧନ୍ୟବାଦ ଅର୍ପଣ କରିବା ସହ ସଭାପତିଙ୍କ ଆଦେଶ କ୍ରମେ ସଭା ସାଙ୍ଗ କରାଯାଇଥିଲା ।

ଡକ୍ଟର ଦ୍ବାରିକାନାଥ ମହାରଣା
ଖଲ୍ଲିକୋଟ, ଗଂଜାମ