Odisha Janamata : ନିଜ ଜିଲ୍ଲା ଗ୍ରସ୍ତ ସମୟରେ ଲୋକଙ୍କ ଅଭିଯୋଗ ଶୁଣିଲେ ମାନ୍ୟବର ମୁଖ୍ୟମନ୍ତ୍ରୀ ମୋହନ ଚରଣ ମାଝୀ |

ନିଜ ଜିଲ୍ଲା ଗ୍ରସ୍ତ ସମୟରେ ଲୋକଙ୍କ ଅଭିଯୋଗ ଶୁଣିଲେ ମାନ୍ୟବର ମୁଖ୍ୟମନ୍ତ୍ରୀ ମୋହନ ଚରଣ ମାଝୀ |

22-Oct-2025

ମୁଖ୍ୟମନ୍ତ୍ରୀ ନିଜ ଜିଲ୍ଳାକୁ ଯାଉଥିଲାବେଳେ ରାସ୍ତାରେ ଅଟକି ଲୋକଙ୍କର ଅଭିଯୋଗ ଶୁଣିଲେ |

ଓଡିଶା ଜନ ମତ ବ୍ୟୁରୋ,

ଓଡ଼ିଶାର ମାନ୍ୟବର ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଙ୍କ ଉଦାର ହୃଦୟ, ସେ କାହାରି ଦୁଃଖ ଦେଖି ସାହି ପାରନ୍ତି ନାହିଁ, କିଛିନା କିଛି ସହଯୋଗ କରନ୍ତି | ରାସ୍ତାରେ ପଇଡ଼ ବିକାଳୀ ହେଉ କିମ୍ବା ଛାତ୍ର, ଛାତ୍ରୀ କିମ୍ୱା ଗରିବ ଗୁରୁବା ଙ୍କୁ ଦେଖି | ସେତେବେଳେ ସିଏ ଭାବନ୍ତି ନାହିଁ ଯେ ସିଏ ହେଉଛନ୍ତି ରାଇଜର ମୁଖିଆ ବୋଲି | ଯେକୌଣସି ସ୍ଥିତି ରେ ଲୋକଙ୍କ ଅସୁବିଧା, ଅଭିଯୋଗ କୁ ଦେଖି ଗାଡି ସେଇଠି ଅଟକାଇ ଦିଅନ୍ତି | ସେହିଭଳି ଆଜି ଏକ ଘଟଣା ଦେଖିବାକୁ ମିଳିଛି ମୁଖ୍ୟମମନ୍ତ୍ରୀ ଙ୍କ ନିଜ ଜିଲ୍ଲା କେଉଁଝର ରେ |
ଆଜି ନିଜଗାଁ ରାଇକଳାରେ ଗୋବଦ୍ଧନ ପୂଜାରେ ଯୋଗଦେଇଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ୩ଦିନିଆ ଗସ୍ତର ୨ୟ ଦିନରେ କେନ୍ଦୁଝର ସର୍କିଟ୍ ହାଉସ୍ ରୁ ଦିନ ୧୦ ଟାରେ ସଡ଼କ ପଥରେ ବାହାରି ବା ସମୟ ରେ ରାସ୍ତାରେ ଅଭିଯୋଗ ନେଇ ଠିଆ ହୋଇଥିବା ଲୋକଙ୍କ ନିକଟରେ ରହି ଅଭିଯୋଗ ଶୁଣିଥ୍ଲେ । ତା’ ପରେ ନିଜଗାଁ ରାଇକଳାରେ ପହଞ୍ଚି ଥିଲେ ମୁଖ୍ୟମନ୍ତ୍ରୀ। ସେଠାରେ ସେ ନିଜ ଘରେ ପାରମ୍ପରିକ ଗୋବର୍ଦ୍ଧନ ପୂଜାରେ ଯୋଗଦେବାର କାର୍ଯ୍ୟକ୍ରମ ରହିଛି । ପୂଜା ଶେଷ ହେବା ପରେ, ମୁଖ୍ୟମନ୍ତ୍ରୀ ରାଇକଳାରୁ ସନ୍ଧ୍ୟା ୬ଟାରେ ଫେରି କେନ୍ଦୁଝରର ବିଭିନ୍ନ କାଳୀପୂଜା ମଣ୍ଡପ ବୁଲିବାର କାର୍ଯ୍ୟକ୍ରମ ରହିଛି । ଗତକାଲି ନିଜ ଜନ୍ମ ମାଟି ରାଇକଳାରେ ମୁଖ୍ୟମନ୍ତ୍ରୀ ଦୀପାବଳି ପାଳନ କରିଥିଲେ କୁଡ଼ୁମୀ ସମ୍ପ୍ରଦାୟର ଗୋଠପୂଜାରେ ମଧ୍ଯ ସାମିଲ୍ ହୋଇଥିଲେ। ଏହାପରେ ସେ ନିଜେ ମାଦଳ ବଜାଇ ଲୋକଙ୍କ ଗହଣରେ ଦୀପାବଳିର ଆନନ୍ଦ ର ମଜା ଉଠାଇଥିଲେ । ଏହି ଅବସରରେ, ସେଠାରେ ଉପସ୍ଥିତ ଲୋକେ ଆନନ୍ଦରେ ବିଭୋର ହୋଇ ଉଠିଥିଲେ । ତାଙ୍କର ଏହି ମହତ ଗୁଣ ପାଈଁ ପିଲାଠାରୁ ବୁଢ଼ା, ଝିଅଠାରୁ ବୁଢ଼ୀ ସମସ୍ତେ ତାଙ୍କୁ ପସନ୍ଦ କରନ୍ତି |