Odisha Janamata : ଜଣେ ନାବାଳିକା କୁ ଦଲାଲ ଦ୍ୱାରା ମଧ୍ୟପ୍ରଦେଶ ରେ ସତୁରି ହଜାର ରେ ବିକ୍ରି, ତିନି ଗିରଫ |

ଜଣେ ନାବାଳିକା କୁ ଦଲାଲ ଦ୍ୱାରା ମଧ୍ୟପ୍ରଦେଶ ରେ ସତୁରି ହଜାର ରେ ବିକ୍ରି, ତିନି ଗିରଫ |

10-Nov-2025

କନ୍ଧମାଳ ର ଜଣେ ନାବାଳିକାକୁ ଦଲାଲ ଦ୍ୱାରା ମଧ୍ୟ ପ୍ରଦେଶ ରେ ସତୁରି ହଜାର ଟଙ୍କାରେ ବିକ୍ରି ଅଭିଯୋଗ ,ତିନି ଗିରଫ,

ଓଡିଶା ଜନ ମତ ବ୍ୟୁରୋ,

ଓଡ଼ିଶାରେ ସରକାରୀ କ୍ଷେତ୍ରରେ କିଛି ନିଯୁକ୍ତି ନିମନ୍ତେ ସୁବିଧା ସୁଯୋଗନଥିବାରୁ ନାବାଳିକା ମାନଙ୍କୁ କିଛି ଦଲାଲ ମାନେବିଭିନ୍ନ ଚାକିର ର ପ୍ରଲୋଭନ ଦେଖାଇ ଅନ୍ୟ ରାଜ୍ୟକୁ ନେଇ ଅନ୍ୟମାନଙ୍କୁ ବିକ୍ରି କରିଦେଉଥିବାର ବହୁତ ଅଭିଯାଗ ଶୁଣିବାକୁ ଓ ଦେଖିବାକୁ ମିଳୁଛି | ତେବେ ଏପରି ଏକ ଘଟଣା ଘଟିଛି କନ୍ଧମାଳ ଜିଲ୍ଲା କୋଟଗଡ଼ ଥାନା ଅଞ୍ଚଳରେ | ଜଣେ ନାବାଳିକାଙ୍କୁ ଚାକିରି ପ୍ରଲୋଭନ ଦେଖାଇ ମଧ୍ୟପ୍ରଦେଶରେ ବିକ୍ରି କରାଯାଇଥିବା ଅଭିଯୋଗ ହୋଇଛି। ଚାଲାଣକାରୀ ସମ୍ପୃକ୍ତା ନାବାଳିକାଙ୍କୁ ଦୁଷ୍କର୍ମ କରିଥିବା ଅଭିଯୋଗ ମଧ୍ୟ ହୋଇଛି। ଘଟଣାର ଦୁଇ ମାସ ପରେ କୋଟଗଡ଼ ପୁଲିସ ନାବାଳିକାଙ୍କୁ ମଧ୍ୟପ୍ରଦେଶରସାଗର ରୁ ରୁ ଉଦ୍ଧାର କରିଛି। ଏଥିରେ ସାମିଲ ଜଣେ ଦଲାଲଙ୍କ ସମେତ ଅନ୍ୟ ଦୁଇ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି I ସେମାନେ ହେଲେ ରାୟଗଡା ଜିଲ୍ଲା ଚନ୍ଦ୍ରପୁର ଅଞ୍ଚଳର ଚାଲାଣକାରୀ ଶଶୀଭୂଷଣ ପାଣି, ମଧ୍ୟପ୍ରଦେଶର ଦୁଇ ଭାଇ ସନ୍ଦୀପ ଓ ମହେଶ ପଟେଲ | ଘଟଣାରେ ସମ୍ପୃକ୍ତ ଅନ୍ୟ ଜଣେ ମଧ୍ୟସ୍ତ ଫେରାର ଅଛନ୍ତି। କୋଟଗଡ଼ ଥାନାଧିକାରୀ ଆନନ୍ଦ ଚନ୍ଦ୍ର ପାତ୍ର କହିଛନ୍ତି ଯେ ଶଶୀଭୂଷଣ କିଛି ମାସ ତଳେ କନ୍ଧମାଳ ଜିଲା ତୁମୁଡିବନ୍ଧ ବ୍ଳକ ମାଲିପଡାରେ ରହୁଥିଲେ। ଏହି ସମୟରେ କୋଟଗଡ ଥାନା ଅଞ୍ଚଳର ଜଣେ ବ୍ୟକ୍ତିଙ୍କ ଘରକୁ ଯାଇ ତାଙ୍କ ସହ ସମ୍ପର୍କ ବଢ଼ାଇଥିଲେ। ଶଶୀଭୂଷଣ ତାଙ୍କ ୧୪ ବର୍ଷର ନାବାଳିକା ଝିଅକୁ ମାସକୁ 18ହଜାର ଟଙ୍କା ଦରମାରେ ଚାକିରି କରାଇ ଦେବାକୁ କହି ବିଶ୍ବାସ ଜମାଇଥିଲେ । ଝିଅ ରୋଜଗାର କଲେ ଭଲରେ ଘର ଚଳିବ ଭାବି ବାପା ତାଙ୍କ ନାବାଳିକା ଝିଅକୁ ଶଶୀଭୂଷଣ ଙ୍କ ସହ ପଠାଇଥିଲେ। ଶଶୀ ଭୂଷଣ ଅନ୍ୟ ଜଣେ ମଧ୍ୟସ୍ଥଙ୍କ ଜରିଆରେ ଉକ୍ତ ଝିଅକୁ ମଧ୍ୟପ୍ରଦେଶ ନେଇଯାଇ ଥିଲେ। ସେଠାରେ ସେ ନାବାଳିକାଙ୍କୁ ବିକ୍ରି କରିବା ନେଇ ପୂର୍ବରୁ କ‌ଥାବାର୍ତ୍ତା କରିଥିଲେ । ମଧ୍ୟପ୍ରଦେଶର ସନ୍ଦୀପ ଏବଂ ମହେଶ ଶଶୀଭୂଷଣଙ୍କୁ ସତୁରି ହଜାର ଟଙ୍କା ଦେଇ ନାବାଳିକାଙ୍କୁ ନେଇ ଯାଇଥି ଥିଲେ ।ଶଶୀଭୂଷଣ ଟଙ୍କା ସେଠାରୁ ପଳାଇ ଆସିଥିଲେ। ଇତି ମଧ୍ୟରେ ଦୁଇ ମାସ ବିତି ଯାଇଥିଲେ ହେଁ ଝିଅ ବିଷୟରେ କୌଣସି ଖବର ପରିବାର ଲୋକେ ପାଇ ନ ଥିଲେ । । କିଛି ଦିନ ପରେ ନାବ ନାବାଳିକା ଜଣକ କୌଣସି ପ୍ରକାରେ ଘଟଣା ବିଷୟରେ ପରିବାର ଲୋକଙ୍କୁ ଖବର ଦେଇଥିଲେ । ପରିବାର ଲୋକେ ଏନେଇ ଗତ ।ଅକ୍ଟୋବର ୨୧ ତାରିଖରେ କୋଟଗଡ଼ ଥାନାରେଏତଲା ଦେଇଥିଲେ। ଏହାକୁ ଭିତ୍ତି କରି ପୁଲିସ ଘଟଣାର ତଦନ୍ତ ଆରମ୍ଭ କରିଥିଲା। ପ୍ରଥମେ ପୁଲିସ ତୁମୁଡ଼ିବନ୍ଧ ବ୍ଲକ ମାଲିପଡା ଗ୍ରାମରୁ ଦଲାଲ ଶଶୀଭୂଷଣଙ୍କୁ ନେଇ ପଚରାଉଚରା କରିବାପରେ ସେ ସବୁ କହିଥିଲେ। ପରେ ପୁଲିସର ଏକ ଟିମ ମଧ୍ୟପ୍ରଦେଶର ସାଗରରେ ପହଞ୍ଚି ଉକ୍ତ ନାବାଳିକାଙ୍କୁ ଗତ ୩ ତାରିଖରେ ଉଦ୍ଧାର କରିଛି। ଏଥିସହ ତାଙ୍କୁ କିଣିଥିବା ଦୁଇ ଭାଇ ସନ୍ଦୀପ ଏବଂ ମହେଶଙ୍କୁ ଗିରଫ କରିଥିଲା । ସେଠାରେ ଉକ୍ତ ନାବାଳିକାକୁ ଘରୋଇ କାର୍ଯ୍ୟରେ ନିୟୋଜିତ କରାଯାଇଥିଲା। ବାଟରେ ଚାଲାଣକାରୀ ଶଶୀଭୂଷଣ ସମ୍ପୃକ୍ତା ନାବାଳିକାଙ୍କୁ ଦୁଷ୍କର୍ମ କରିଥିଲେ। ଡାକ୍ତରୀମାଇନା ପରେ ନାବାଳିକାଙ୍କୁ ତାଙ୍କ ଘରକୁ ପଠା ଯାଇଛି। ଏ ନେଇ ଥାନାରେ ଏକ ମାମଲା ରୁଜୁ ହୋଇଛି।

ଦାରିଙ୍ଗବାଡି ଶୀତ ମହୋତ୍ସବ କୁ ରାଜ୍ୟ ସ୍ତରୀୟ କରିବା ପାଇଁ ଜିଲ୍ଲା ପାଳଙ୍କ ନିକଟରେ ଦାବି |

ଖୋର୍ଦ୍ଧା ଜିଲ୍ଲା ଶିକ୍ଷା ପ୍ରତିଷ୍ଠାନ ରେ ନବାଗତ ଛାତ୍ର, ଛାତ୍ରୀଙ୍କୁ ସ୍ୱାଗତ ଓ ଦୀକ୍ଷାରମ୍ଭ