Odisha Janamata : ତିରୁପତି ମନ୍ଦିର ରେ ଅପମିଶ୍ରିତ ଘିଅ ଯୋଗାଉଥିବା ବ୍ୟକ୍ତି ଙ୍କ କଳା କାରନାମା |

ତିରୁପତି ମନ୍ଦିର ରେ ଅପମିଶ୍ରିତ ଘିଅ ଯୋଗାଉଥିବା ବ୍ୟକ୍ତି ଙ୍କ କଳା କାରନାମା |

12-Nov-2025

ପଦାକୁ ଆସିଲା ତିରୁପତି ମନ୍ଦିର ରେ ଘିଅ ପାଇଁ ଟେଣ୍ଡେର ନେଇଥିବା ବ୍ୟକ୍ତିଙ୍କ ନାମ ତାଲିକା,

ଓଡିଶା ଜନ ମତ ବ୍ୟୁରୋ,

ତିରୁପତି ମନ୍ଦିର ଲଡୁରେ ଘିଅ ଅପମିଶ୍ରଣ ଘଟଣା,
କ୍ଷୀର ନ ଥୂବା କମ୍ପାନୀ ୫ବର୍ଷରେ ଯୋଗାଇଛି ୬୮ଲକ୍ଷ କିଲୋ ଅପମିଶ୍ରିତ ଘିଅ,ଠାକୁରଙ୍କ ନାମରେ ବି ଜାଲିଆତି, ମାନିଲେନି ଧର୍ମ, ବିଶ୍ୱାସ, ଭକ୍ତିର କଥା | ଭାରତ ତଥା ଭାରତ ବାହାରେ ଅନ୍ୟ ଦେଶରେ ନାମ ରହିଥିବା ଆନ୍ଧ୍ରପ୍ରଦେଶ ତିରୁମାଲାର ତିରୁପତି ମନ୍ଦିରରେ ଭକ୍ତଙ୍କୁ ପ୍ରସାଦ ଆକାରରେ ଦିଆଯାଉଥିବା ଲଡୁରେ ବ୍ୟବହୃତ ଘିଅ ଅପମିଶ୍ରଣ ସମ୍ପର୍କିତ ଘଟଣ ଉପରେ ସିବିଆଇ ଚଳାଇଥିବା ତଦନ୍ତରେ ଚାଞ୍ଚଲ୍ୟକର ତଥ୍ୟ ନଜରକୁ ଆସିଛି । ତିରୁପତି ମନ୍ଦିରକୁ ଘିଅ ଯୋଗାଣ କରୁଥିବା ଉତ୍ତରାଖଣ୍ଡର ଭୋଲେ ବାବା ଅର୍ଗାନିକ ଡାଏରୀ କମ୍ପାନୀ ଘିଅ ପ୍ରସ୍ତୁତ କରିବା ଲାଗି କ୍ଷୀର କିମ୍ବା ଲହୁଣି କେଉଁଠାରୁ ସଂଗ୍ରହ କରୁ ନଥିଲା । ଘିଅ ପ୍ରସ୍ତୁତ ପାଇଁ କମ୍ପାନୀ ସମ୍ପୂର୍ଣ ରୂପେ ରାସାୟନିକ ପଦାର୍ଥ ଉପରେ ନିର୍ଭର କରୁଥିଲା। ସିବିଆଇର ସ୍ବତନ୍ତ୍ର ତଦନ୍ତକାରୀ ଦଳ ଅଦାଲତରେ ଏହି ତଥ୍ୟ ଉପସ୍ଥାପନ କରିଛନ୍ତି । ଅଜୟ କୁମାର ସୁଗନ୍ଧ ନାମକ ଜଣେ ବ୍ୟକ୍ତି କମ୍ପାନୀକୁ ସମସ୍ତ ରାସାୟନିକ ସାମଗ୍ରୀ ଯୋଗାଉଥିଲା।
ଅଜୟର କହିବା ଅନୁଯାୟୀ ମୋନୋଡାଇଗ୍ଲେସେରାଇଡ, ଏସିଟିକ୍ ଏସିଡ, ଲାକଟିକ୍ ଏସିଡ୍, ବେଟା କାରୋଟିନ୍, କୃତ୍ରିମ ଘିଅର ଏ ଆଦି ଉପଯୋଗ କରାଯାଇ ଘିଅ ପ୍ରସ୍ତୁତିରେ ପ୍ରସ୍ତୁତ କରାଯାଉ ଥିଲା। ଏହିସବୁ ରାସାୟନିକ ପଦାର୍ଥ ସହିତ ପାମ୍ ତେଲ ଓ ପାମ୍ କାର୍ଣ୍ଣେଲ ଏହିସବୁବ୍ୟବହାର ହେଉଥିଲା |ରାସାୟନିକ ପଦାର୍ଥ ବ୍ୟବହାର କରି କମ୍ପାନୀ ୨୦୧୯ରୁ ୨୦୨୪ ମଧ୍ୟରେ ତିରୁପତି ମନ୍ଦିରକୁ ୬୮ଲକ୍ଷ କିଲୋ ଘିଅ ଯୋଗାଇଥିଲା। ଯାହାର ମୂଲ୍ୟ 250 କୋଟି ଟଙ୍କା। ଭୋଲେ ବାବା ଅର୍ଗାନିକ ଡାଏରୀ ମାଲିକ ହେଉଛନ୍ତି ଉତ୍ତରାଖଣ୍ଡ ଭଗବାନପୁରର ପୋମିଲ ଜୈନ ଓ ବିପିନ ଜୈନ। ସିବିଆଇ ସ୍ଥାନୀୟ ଅଞ୍ଚଳର ଦୁଗ୍ଧ ଚାଷୀଙ୍କୁ ପଚରାଉଚରା କରି ଜାଣିବାକୁ ପାଇଥିଲା ଯେ କମ୍ପାନୀ ୫ବର୍ଷ ମଧ୍ୟରେ କୌଣସି ଠାରୁ ଟୋପାଏ ହେଲେ କ୍ଷୀର କିମ୍ବା ଲହୁଣି କିଣି ନାହିଁ । ତେବେ ରାସାୟନିକ ସାମାନ ରେ ଘିଅ ପ୍ରସ୍ତୁତ କରିଠାକୁର ଏବଂ ଭକ୍ତଙ୍କ ଭାବା ବେଗ ସହିତ ଖେଳୁ ଥିଲା | ସେମାନେ ଭାବୁଥିଲେ ଏପରି କରି ସେମାନେ ସବୁଦିନେ ଠାକୁରଙ୍କୁ ଠକିବେ | ତେବେ ପ୍ରଭୁ ଭଗବାନ ଏହି ଘଟଣା ର ଫର୍ଦଫ୍ଲାସ କରିଦେଲେ | ତେବେ ଭକ୍ର ଙ୍କ କହିବା କଥା ଯେଉଁମାନେ ଏହିଭକି ହୀନ ମାନ୍ୟ କାର୍ଯ୍ୟରେ ସମ୍ପୃକ୍ତି ଅଛନ୍ତି ସେମାନଙ୍କୁ ମାବ୍ୟବର ସୁପ୍ରିମ କୋର୍ଟ ଫାଶୀ ଦଣ୍ଡରେ ଦଣ୍ଡିତ କଲେ ଅନ୍ୟମାନେ କେବେବି ଏପରି କାର୍ଯ୍ୟ କରିବାକୁ ସାହସ କରିବେ ନାହିଁ |