Odisha Janamata : ଖଲ୍ଲିକୋଟ ବ୍ଳକ ଦାନପୁର କ୍ଲଷ୍ଟର ରେ ତିନି ଶିକ୍ଷକଙ୍କୁ "ଗଞ୍ଜାମ ରତ୍ନ ସମ୍ମାନ ରେ ସମ୍ବର୍ଦ୍ଧିତ |

ଖଲ୍ଲିକୋଟ ବ୍ଳକ ଦାନପୁର କ୍ଲଷ୍ଟର ରେ ତିନି ଶିକ୍ଷକଙ୍କୁ "ଗଞ୍ଜାମ ରତ୍ନ ସମ୍ମାନ ରେ ସମ୍ବର୍ଦ୍ଧିତ |

19-Dec-2025

ଖଲ୍ଲିକୋଟ ବ୍ଲକ୍ ଦାନପୁର କ୍ଲଷ୍ଟରର ତିନି ଶିକ୍ଷକ "ଗଂଜାମ ରତ୍ନ ସମ୍ମାନ"ରେ ସମ୍ବର୍ଦ୍ଧିତ : ସ୍ଥପତି ବିଜୟ କୁମାର ତ୍ରିପାଠୀ "କଳା ଓ ସଂସ୍କୃତି ସମ୍ମାନ"ରେ ସମ୍ମାନୀତ

ଖଲ୍ଲିକୋଟ ବ୍ଲକ୍ ଅର୍ନ୍ତଗତ ଦାନପୁର କ୍ଲଷ୍ଟର ଅଧୀନସ୍ଥ କରଞ୍ଜରା ଉଚ୍ଚ ପ୍ରାଥମିକ ବିଦ୍ୟାଳୟର ସୁଦକ୍ଷ ଶିକ୍ଷକ ନାଗେଶ୍ଵର ବାରିକ, ଆଛୁଲି ଫାଶିପଡା ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟର ଶିକ୍ଷୟିତ୍ରୀ ଶ୍ରୀମତୀ ଯଶୋଦା ମଲ୍ଲିକ, ଜି. ନୂଆ ଗାଁ ଉଚ୍ଚ ପ୍ରାଥମିକ ବିଦ୍ୟାଳୟର ଶିକ୍ଷକ ଅର୍ଜୁନ ନାହାକଙ୍କୁ ସେମାନଙ୍କ ଅଦ୍ଭୁତ ପୂର୍ବ ବିଶେଷ ଅବଦାନ ପାଇଁ "ସୃଜନୀ" , ବ୍ରହ୍ମପୁର ତରଫରୁ ଆଜି ସମ୍ମାନସୂଚକ "ଗଂଜାମ ରତ୍ନ ସମ୍ମାନ" ଆୟୋଜିତ ଏକ ସ୍ୱତନ୍ତ୍ର ଉତ୍ସବରେ ଉପଲବ୍ଧ ହୋଇଥିଲା ବେଳେ ସ୍ଥପତି ତଥା ଶିକ୍ଷାବିତ୍ ବିଜୟ କୁମାର ତ୍ରିପାଠୀଙ୍କୁ କଳା ସାହିତ୍ୟ ସଂସ୍କୃତି କ୍ଷେତ୍ରରେ ସବିଶେଷ ଅବଦାନ ସକାଶେ "କଳା ସଂସ୍କୃତି ସମ୍ମାନ"ରେ ସମ୍ବର୍ଦ୍ଧିତ କରାଯାଇଥିବାରୁ ଖଲ୍ଲିକୋଟ ବ୍ଲକ୍ ଶିକ୍ଷକ, ବୁଦ୍ଧିଜୀବୀ, ସର୍ବସାଧାରଣରେ ଆନନ୍ଦର ଲହରୀ ଖେଳିବା ସହିତ ଶୁଭେଚ୍ଛୁଙ୍କ ଶୁଭେଚ୍ଛାର ସୁଅ ଛୁଟିଛି । ଆୟୋଜିତ ଉତ୍ସବରେ ବ୍ରହ୍ମପୁରର ମାନ୍ୟବର ବିଧାୟକ କେ. ଅନିଲ୍ କୁମାର, ସୃଜନୀର ପ୍ରତିଷ୍ଠାତା ବନ୍ଦିତା ତ୍ରିପାଠୀ,ମହିଳା ମୋର୍ଚ୍ଚାର ସଭାନେତ୍ରୀ ଡକ୍ଟର ଐଶ୍ୱର୍ଯ୍ୟା ବିଶ୍ୱାଳ, ଗଂଜାମ ଜିଲ୍ଲାପାଳ ଭି. କୀର୍ତ୍ତି ଭାସନ୍, ମେୟର ସଂଘମିତ୍ରା ଦଳେଇ, ଲୋକସେବକ ମଣ୍ଡଳର ସମ୍ପାଦକ ତଥା ସମାଜର ମୁଦ୍ରାକର ରାଜେନ୍ଦ୍ର ଜେନା, ପୁରୁଷୋତ୍ତମପୁର ତହସିଲଦାର ବିନୋଦ କୁମାର ବେହେରା, ସାହିତ୍ୟିକା ଜୟନ୍ତୀ ପଢିଆରୀ ଓଡ଼ିଆ ଭାଷା ପ୍ରତିଷ୍ଠାନର ନିର୍ଦ୍ଦେଶିକା ଡକ୍ଟର ଭାଗ୍ୟ ଶ୍ରୀ ମଲ୍ଲ, ସାମାଜିକ କର୍ମୀ ସୁଶାନ୍ତ ସାବତ, ଗୀତିକାର ଜୟଶ୍ରୀ ଧଳ, ସୃଜନୀ ସମ୍ପାଦକ ଇଶାଙ୍କ ସାହୁ ପ୍ରମୁଖ ମାନ୍ୟଗଣ୍ୟ ଅତିଥି ଉପସ୍ଥିତ ଥିଲେ ।