Odisha Janamata : ସମ୍ବଲପୁର ଭିଜିଲାନ୍ସ ଦ୍ୱାରା ରାଜସ୍ବ ସିନିଅର ଆସିଷ୍ଟାଣ୍ଡ ଗିରଫ,

ସମ୍ବଲପୁର ଭିଜିଲାନ୍ସ ଦ୍ୱାରା ରାଜସ୍ବ ସିନିଅର ଆସିଷ୍ଟାଣ୍ଡ ଗିରଫ,

25-Dec-2025

ଭିଜିଲାନ୍ସ ଜାଲରେ କୋଟିପତିରାଜସ୍ୱ ଆସିଷ୍ଟାଣ୍ଡ,

ଓଡିଶା ଜନ ମତ ବ୍ୟୁରୋ,

ସରକାର ଡାଳେ, ଡାଳେ ଗଲେ ମଧ୍ୟ କିଛି ସରକାରୀ କର୍ମଚାରୀ ପତ୍ରେ, ପତ୍ରେ ଯାଉ ଥିବାର ଦେଖାଦେଉଛି | ଏବଂ ପରେ ସେମାନଙ୍କ ଉପରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରା ଯାଉଛି | ବିଶେଷ କରି ଠକି ନେଉଥିବା ଅର୍ଥ ଘଟଣାରେ ଭିଜିଲାନ୍ସ ମାଡି ବସିଲେ ମଧ୍ୟ ଲୋକ ମାନେ ସେଥିପ୍ରତି ଭୟ କରୁନାହାନ୍ତି | ତେବେ ଅନୈତିକ ଅର୍ଥ ନେବା ବାବଦରେ ଭିଜିଲାନ୍ସ ଜାଲରେ ପଡିଛନ୍ତି ସିନିୟର ରେଭିନ୍ୟୁ ଆସିଷ୍ଟାଣ୍ଟ(ଏସଆରଏ) । ଏହି ଘଟଣା ଘଟିଛି, ସମ୍ବଲପୁର ମେଜର ବନ୍ଦୋବସ୍ତ କାର୍ଯ୍ୟାଳୟର ବାସୁଦେବ ଭୋଇଙ୍କ ଘରେ | ବୁଧବାର ଅଫିସ ସମୟରେ ଭିଜିଲାନ୍ସ ଚଢ଼ଉ କରାଯାଇଛି । ଏକକାଳୀନ ୪ଗୋଟି ସ୍ଥାନ ଯଥା-ବରଗଡ ସ୍ଥିତ ତାଙ୍କ ବାସଭବନ, ଚାରଭାଟିସ୍ଥିତ ଘର, ବରଗଡସ୍ଥିତ ପୈତୃକ ବାସଭବନ ଓ ସମ୍ବଲପୁର କାର୍ଯ୍ୟାଳୟରେ ରେଡ ହୋଇଛି। ବାସୁଦେବ ଆୟ ବହିର୍ଭୁତ ସମ୍ପତ୍ତି ଠୁଳ କରିଥ‌ିବା ଅଭିଯୋଗରେ ଭିଜିଲାନ୍ସ ଟିମ୍ ଏହି ଚଢଉ କରିଛନ୍ତି। ଚଢ଼ଉରେ ୨ ଡିଏସପି ଓ ୮ ଇନସ୍ପେକ୍ଟର ଏବଂ ଅନ୍ୟାନ୍ୟ ସହାୟକ,୫ କର୍ମଚାରୀ ସାମିଲ ହୋଇଛନ୍ତି। ରେଡସମୟରେବର
ଗଡ଼ରେ ୪୦୦୦ ବର୍ଗଫୁଟର ଏକ ବୁଇମହଲା କୋଠା, ସମ୍ବଲପୁରର ଚାରଭାଟିରେ ୧୭୦୦ ବର୍ଗଫୁଟର ଗୋଟିଏ କୋଠା, ବରଗଡ଼ ସହରରେ ୧୨, ସମ୍ବଲପୁର ସହରରେ ୩ଟି ଏବଂ ସମ୍ବଲପୁର ଉପକଣ୍ଠରେ ଗୋଟିଏ ସମେତ ୧୬ଟି ମୂଲ୍ୟବାନ ପ୍ଲଟ୍ ଠାବ କରାଯାଇଛି । ସେହିପରି ୧୧.୫୬ ଲକ୍ଷ ଟଙ୍କାର ବ୍ୟାଙ୍କ ଓ ବୀମା ଜମା, ୧୧ ଲକ୍ଷ ଟଙ୍କାର ଗୋଟିଏ ଚାରି ଚକିଆ ଏବଂ ୪ଟି ଦୁଇ ଚକିଆ ଯାନ ମଧ୍ଯ ଠାବ କରାଯାଇଛି। ପାଖାପାଖୁ ୬.୦୭ ଲକ୍ଷ ଟଙ୍କାର ଘରଉପକରଣ ମଧ୍ୟ ରହିଛି । ତେବେ ଭିଜିଲାନ୍ସ ପକ୍ଷରୁ ଚଢ଼ଉ ଜାରି ରହିଛି। ବାସୁଦେବ ଭୋଇ 1989ମସିହା ସେପ୍ଟେମ୍ବର ୧୨ ତାରିଖରେ ଭବାନୀପାଟଣାର ସେଟେଲମେଣ୍ଟ ଅଫିସରେ ଜୁନିଅର କ୍ଲର୍କ ଭାବରେ ମାସିକ ୭୮୭ ପ୍ରାରମ୍ଭିକ ଦରମା ସହିତ ସରକାରୀ ଚାକିରିରେ ଯୋଗ ଦେଇଥିଲେ । ତେବେ ୧୯୯୯ ମସିହା ମଇ ୧ ତାରିଖରେ ସିନିୟର କ୍ଲର୍କ( ସିନିୟର ରେଭିନ୍ୟୁ ଆସିଷ୍ଟାଣ୍ଟ)ଭାବେ ପଦୋନ୍ନତି ପାଇ ସମ୍ବଲପୁର ମେଜର ବନ୍ଦୋବସ୍ତ କାର୍ଯ୍ୟାଳୟରେ କାର୍ଯ୍ୟ କରିଆସୁଥିଲେ । ତେବେ ତାଙ୍କ ମନରେ
ବେଆଇନ ଭାବେ ଅର୍ଥ ରୋଜଗାର କରିବାର ନିଶା ଏତେ ମାତ୍ରାରେ ବଢ଼ି ଯାଇଥିଲା ଯେ ଜଣେ ସିନିଅର ରେଭେନ୍ୟୁ ଆସିଷ୍ଟାଣ୍ଡ ହୋଇ କୋଟି, କୋଟି ଆୟ ବହିର୍ଭୁତ ସମ୍ପତି ଠୁଳ କରି ବାରେ ସକ୍ଷମ ହୋଇ ଥିଲେ | ତେବେ ରାଜ୍ୟ ସରକାର ଯଦି ଏହି ବ୍ୟକ୍ତି ବିଶେଷ ଙ୍କ ଉପରେ ଦୃଢ଼ କାର୍ଯ୍ୟନୁଷ୍ଠାନ ଗ୍ରହଣ କରନ୍ତି ତେବେ ଏମାନଙ୍କ କାର୍ଯ୍ୟ କୁ ଦେଖି ଅନ୍ୟମାନେ ସଜାଗ ହୋଇ ପାରନ୍ତେ ବୋଲି ବୁଦ୍ଧି ଯିଵି ମାନଙ୍କ ମତ |