Odisha Janamata : ଭିଜିଲାନ୍ସ ଜାଲରେ ଧରା ପଡିଲେ ଉଦଳାର ଦୁଇ ଇଞ୍ଜିନିୟର |

ଭିଜିଲାନ୍ସ ଜାଲରେ ଧରା ପଡିଲେ ଉଦଳାର ଦୁଇ ଇଞ୍ଜିନିୟର |

05-Jan-2026

ଭିଜିଲାନ୍ସ ଜାଲରେ ଦୁଇ ଇଞ୍ଜିନିୟର,

ଓଡିଶା ଜନ ମତ ବ୍ୟୁରୋ,

ଓଡିଶା ରାଜ୍ୟ ସରକାର ଙ୍କ ନିୟମ କାନୁନ ଆଗରେ ଧରାପଡିଯାଉଛନ୍ତି ଲାଞ୍ଚୁଆ ଅଫିସର ମାନେ | ମାସରେ ଅଧିକାଂଶ ଦିନ ଭିଜିଲାନ୍ସ ଜାଲରେ ପଡି ଜେଲ ଯାଉଛନ୍ତି ଅଫିସର ମାନେ | ଠିକାଦାରଙ୍କଠାରୁଲାଞ୍ଚନେଇଧରା ପଡ଼ିଲେ ସହକାରୀ ନିର୍ବାହୀ ଯନ୍ତ୍ରୀ ଏବଂ ଜୁନିୟର ଇଞ୍ଜିନିୟର । ମୟୂରଭଞ୍ଜ ଜିଲ୍ଲା ଉଦଳା ସବଡିଭିଜନ ଉଠାଜଳସେଚନ ବିଭାଗର ଜେଇ ସୁବ୍ରତ ମହାନ୍ତି ଏବଂ ଏଇଇ ହରେକୃଷ୍ଣ ସିଂ ଭିଜିଲାନ୍ସ ଜାଲରେ ପଡ଼ିଛନ୍ତି । ଜଣେ ଠିକାଦାରଙ୍କଠାରୁ ୬୦ ହଜାର ଟଙ୍କା ଲାଞ୍ଚ ନେଉଥିବା ଅଭିଯୋଗରେ ଗିରଫ ହୋଇଛନ୍ତି । ଏଇଇ ୩୨ ହଜାର ଟଙ୍କା ନେଇଥିବାବେଳେ ଜେଇ ୨୮ ହଜାର ଟଙ୍କା ଲାଞ୍ଚ ମାଗୁଥିଲେ । ୨୫ ଲକ୍ଷ ଟଙ୍କାର ପ୍ରକଳ୍ପ ବିଲ୍ ପାସ୍‌ କରିବା ପାଇଁ ଏହି ଲାଞ୍ଚ ମାଗୁଥିଲେ । ସବୁ ବିଲ୍ ହୋଇଥିବାବେଳେ ୫ ଲକ୍ଷ ଟଙ୍କାର ବିଲ୍ ଅଟକାଇ -ରଖୁଥିଲେ । ଏହି ବିଲକୁ ପାସ କରିବା ପାଇଁ ଲାଞ୍ଚ ନେଉଥିଲେ । ତେବେ ଏକ ଲକ୍ଷ ୧୦ ହଜାର ଟଙ୍କା ଲାଞ୍ଚ ମାଗୁଥିବାବେଳେ ୬୦ ହଜାର ଦେବାକୁ ରାଜି ହୋଇଥିଲେ । ମାତ୍ର ବାରମ୍ବାର ହଇରାଣ କରି ଟଙ୍କା ମାଗୁଥିବାବେଳେ ଭିଜିଲାନ୍ସ ବିଭାଗର ଦ୍ବାରସ୍ଥ ହୋଇଥିଲେ ଠିକାଦାର । ଭିଜିଲାନ୍ସ ବିଭାଗ ପକ୍ଷରୁ ୬୦ ହଜାର ଟଙ୍କା ଜବତ କରାଯାଇଥିବାବେଳେ ଏଇଇଙ୍କ ଲିଙ୍କରେ ଥିବା ୨ଟି ସ୍ଥାନ ଏବଂ ଜେଇଙ୍କ ୩ଟି ସ୍ଥାନରେ ଚଢ଼ାଉ ଚାଲିଛି । ସରକାର ଯେତେ ସଚେତନ ତାକଲେ ମଧ୍ୟ ଲାଞ୍ଚୁଆ ଅଫିସର ମାନେ କେବେ ସଜାଗ ହେବେ ତାକୁ ସମୟ କହିବ |