Breaking
News
Breaking
News
Breaking
News
04-Apr-2026
ଖଲ୍ଲିକୋଟ : ବ୍ଲକ୍ ସ୍ତରୀୟ ପ୍ରବେଶ ଉତ୍ସବ ଓ ଖଡ଼ିଛୁଆଁ-୨୦୨୬ ଶୁଭୋଦ୍ଘାଟିତ
ମନଛୁଆଁ ସ୍ଲୋଗାନ, ପଥପ୍ରାନ୍ତ ନାଟକ ମାଧ୍ୟମରେ ସଚେତନତା
ଖଲ୍ଲିକୋଟ ବ୍ଲକ ସ୍ତରୀୟ ପ୍ରବେଶ ଉତ୍ସବ ଓ ଖଡ଼ିଛୁଆଁ-୨୦୨୬ କଞ୍ଚଣା କ୍ଲଷ୍ଟର ତରଫରୁ ସରକାରୀ ଉନ୍ନୀତ ଉଚ୍ଚ ବିଦ୍ୟାଳୟ, କଞ୍ଚଣା ଠାରେ ଶୁଭ ଉଦଘାଟିତ ହୋଇଯାଇଛି । ଏହି ଅବସରରେ ଅନୁଷ୍ଠିତ ଉତ୍ସବରେ ସ୍ଥାନୀୟ ତହସିଲଦାର ଡି. ମାଲେଶ୍ୱର ପାତ୍ର ମୁଖ୍ୟ ଅତିଥି ଭାବେ ଯୋଗ ଦେଇ କାର୍ଯ୍ୟକ୍ରମର ଶୁଭ ଉଦଘାଟନ କରିଥିଲେ ।
ଖଲ୍ଲିକୋଟ ଗୋଷ୍ଠୀ ଉନ୍ନୟନ ଅଧିକାରୀ ଦେବାଶିଷ ସାମଲ ସ୍ୱତନ୍ତ୍ର ଅତିଥି, ଗୋଷ୍ଠୀ ଶିକ୍ଷା ଅଧିକାରୀ ରୁଦ୍ର ନାରାୟଣ ସାହୁ,
ବି ଆର ସି ସି ସୁଶ୍ରୀ ସୁଷମା ଶବର, ପ୍ରାକ୍ତନ ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ରବିନାରାୟଣ ସେଠୀ, ବିଦ୍ୟାଳୟର ପ୍ରଧାନଶିକ୍ଷକ ପ୍ରକାଶ ଚନ୍ଦ୍ର ମହାରଣା, ସିଆରସିସି କୃଷ୍ଣଚନ୍ଦ୍ର ପରିଡ଼ା, ରାଜେନ୍ଦ୍ର ପ୍ରସାଦ ପଣ୍ଡା ପ୍ରମୁଖ ସମ୍ମାନୀତ ଅତିଥି ରୂପେ ଯୋଗ ଦେଇ ସମଗ୍ର ଶିକ୍ଷା ଅଭିଯାନର ଲକ୍ଷ୍ୟ ଆଭିମୁଖ୍ୟ, ସମସ୍ତଙ୍କ ପାଇଁ ବାଧ୍ୟତାମୂଳକ ଶିକ୍ଷା, ଅଧାରୁ ପାଠ ତ୍ୟାଗୀଙ୍କୁ ମୁଖ୍ୟ ସ୍ରୋତରେ ସାମିଲ କରିବା, ଶିଶୁ ବାଟିକାର ସଫଳ ରୂପାୟନ, ମୂଲ୍ୟବୋଧ ଭିତ୍ତିକ ଶିକ୍ଷା ଆଦି ବହୁବିଧ ପ୍ରସଙ୍ଗ ଉପରେ ଆଲୋକପାତ କରିଥିଲେ । ଅତିଥିମାନେ ସବୁଜ ପତାକା ଦେଖାଇ ଶିକ୍ଷା ସଚେତନତା ରଥର ଶୁଭାରମ୍ଭ କରିଥିଲେ । ଖଲ୍ଲିକୋଟ ବ୍ଲକର ବହୁ ସି ଆର ସି ସି, ଶିକ୍ଷକ ଶିକ୍ଷୟିତ୍ରୀ ସଚେତନତା ରଥ ପରିକ୍ରମାରେ ସାମିଲ୍ ହୋଇଥିଲେ । ପାଞ୍ଚ ବର୍ଷରୁ ଊର୍ଦ୍ଧ୍ୱ ଶିଶୁଙ୍କୁ ଶିଶୁ ବାଟିକାରେ ଛଅ ବର୍ଷରୁ ଅଧିକ ଶିଶୁଙ୍କୁ ପ୍ରଥମ ଶ୍ରେଣୀରେ ମାଗଣା ନାମଲେଖା, ବହିପତ୍ର, ପୋଷାକ, ଜୋତା, ମଧ୍ୟାହ୍ନ ଭୋଜନ ଆଦି ସମସ୍ତ ସରକାରୀ ସୁବିଧା ସୁଯୋଗ ପ୍ରଦାନ କରାଯାଉଥିବା ସମ୍ପର୍କରେ ଗ୍ରାମବାସୀ ଅଭିଭାବକ ଅଭିଭାବିକାଙ୍କୁ ଅବଗତ କରାଇଥିଲେ । ସମଗ୍ର ଶିକ୍ଷା ପ୍ରତି ଶିକ୍ଷାର୍ଥୀଙ୍କ ଆଗ୍ରହ ବୃଦ୍ଧି ଲାଗି ପଥପ୍ରାନ୍ତ ନାଟକ, ସ୍ଲୋଗାନ, ସଂଗୀତ ପରିବେଷଣ, ସାଂସ୍କୃତିକ କାର୍ଯ୍ୟକ୍ରମ ଆଦି ମାଧ୍ୟମରେ ସର୍ବ ସାଧାରଣ ଜନତାଙ୍କୁ ବୁଝାଇ ଏପ୍ରକାର ମହାନ୍ କାର୍ଯ୍ୟକ୍ରମକୁ ସଫଳ କରିବା ଲାଗି ପରାମର୍ଶ ମାର୍ଗଦର୍ଶନ କରିଥିଲେ । ଆଜି ଉକ୍ତ ସଚେତନତା ରଥ କଞ୍ଚଣା, ମଥୁରା, ଆଭାସ କ୍ଲଷ୍ଟର ଅଧୀନସ୍ଥ ବିଭିନ୍ନ ବିଦ୍ୟାଳୟ, ଗ୍ରାମ ପରିକ୍ରମା କରିଥିବା ବେଳେ ସମଗ୍ର ଷୋହଳ ଗୋଟି କ୍ଲଷ୍ଟର ପରିକ୍ରମା ପାଇଁ ବ୍ୟବସ୍ଥା କରାଯାଇଥିବା ସ୍ଥାନୀୟ ଗୋଷ୍ଠୀ ଶିକ୍ଷା ଅଧିକାରୀ ମତବ୍ୟକ୍ତ କରିଛନ୍ତି । ଆଗାମୀ ୦୮ ତାରିଖରେ ସଚେତନତା ରଥ ପରି କ୍ରମା ଉଦଯାପିତ ହେବ ବୋଲି ସ୍ପଷ୍ଟ କରିଛନ୍ତି ।
ରିପୋର୍ଟ-
ଡକ୍ଟର ଦ୍ବାରିକାନାଥ ମହାରଣା
ଖଲ୍ଲିକୋଟ, ଗଂଜାମ
Copyright @ 2024 All rights reserved. ଓଡିଶା ଜନମତ
BACK TO TOP