Breaking
News
Breaking
News
Breaking
News
05-Apr-2026
ପି ଏମ୍ ଶ୍ରୀ ଅନସ୍ଲୋ ଉଚ୍ଚ ବିଦ୍ୟାଳୟ ପକ୍ଷରୁ ଖଡ଼ିଛୁଆଁ ପ୍ରବେଶ ଉତ୍ସବ ଆୟୋଜିତ
ପି ଏମ ଶ୍ରୀ ଅନସ୍ଲୋ ସରକାରୀ ଉଚ୍ଚବିଦ୍ୟାଳୟରେ ମହା ଆଡମ୍ବରରେ ଖଡ଼ିଛୁଆଁ ସହିତ ପ୍ରବେଶ ଉତ୍ସବ ପାଳିତ ହୋଇଯାଇଛି l ବିଦ୍ୟାଳୟର ପ୍ରଧାନ ଶିକ୍ଷୟତ୍ରୀ ସୁଚିତ୍ରା ପାଣିଗ୍ରାହୀଙ୍କ ତତ୍ୱାବଧାନରେ ଆୟୋଜିତ ଉତ୍ସବରେ ପଣ୍ଡିତ ବିଦ୍ୟାଧର ଦାଶ ଭକ୍ତିପୂତ ମନ୍ତ୍ର ଉଚ୍ଚାରଣ ସାଙ୍ଗକୁ ଶ୍ରୀଗଣେଶ ବନ୍ଦନା ଗାନ କରିଥିଲେ ।
ନୂତନ ଭାବେ ବିଦ୍ୟାଳୟରେ ପାଞ୍ଚ ବର୍ଷରୁ ଊର୍ଦ୍ଧ୍ୱ ଶିଶୁ ଶିଶୁ ବାଟିକା, ଛଅ ବର୍ଷରୁ ଊର୍ଦ୍ଧ୍ୱ ଶିଶୁଙ୍କୁ ପ୍ରଥମ ଶ୍ରେଣୀରେ ନାମ ଲେଖାଇବାକୁ ଥିବା ଶିକ୍ଷାର୍ଥୀଙ୍କୁ ପ୍ରଧାନ ଶିକ୍ଷୟତ୍ରୀ, ପଣ୍ଡିତ ସାର ଏବଂ ଶିକ୍ଷକ ଦିଲ୍ଲୀପ ପଲେଇ ଖଡ଼ି ଛୁଆଇଁ ବିଦ୍ୟାରମ୍ଭ କରାଇଥିଲେ l ଶିକ୍ଷାର୍ଥୀଙ୍କ ଅଭିଭାବକ ଅଭିଭାବିକାଙ୍କୁ ସରକାରଙ୍କ ସମଗ୍ର ଶିକ୍ଷା ଅଭିଯାନ ପକ୍ଷରୁ ପ୍ରଦତ୍ତ ମାଗଣା ଶିକ୍ଷାଦାନ, ବହିପତ୍ର, ପୋଷାକ ପତ୍ର, ଜୋତା ସହିତ ଯାତାୟାତ ସୁବିଧା ସମ୍ପର୍କରେ ବୁଝାଇଥିଲେ । ଏ ନେଇ ଅନୁଷ୍ଠାନ ତରଫରୁ ଏକ ରଙ୍ଗାରଙ୍ଗ ସଚେତନତା କାର୍ଯ୍ୟକ୍ରମ ଆୟୋଜିତ ହୋଇଥିଲା । ଛତ୍ରପୁରର ଅଗ୍ରଣୀ ଶିକ୍ଷାନୁଷ୍ଠାନ ଅନସ୍ଲୋ ବିଦ୍ୟାଳୟର ସମସ୍ତ ଶିକ୍ଷକ ଶିକ୍ଷୟିତ୍ରୀ, କର୍ମଚାରୀ, ଅଭିଭାବକ ଅଭିଭାବିକା, ଶିକ୍ଷାବିତ୍, ବୁଦ୍ଧିଜୀବୀ ପ୍ରବେଶ ଉତ୍ସବ ଖଡ଼ିଛୁଆଁରେ ସାମିଲ ହୋଇଥିଲେ । ବିଭିନ୍ନ ମହଲରେ ଏପ୍ରକାର କାର୍ଯ୍ୟକ୍ରମକୁ ପ୍ରଶଂସା କରାଯାଇଛି ।
ଡକ୍ଟର ଦ୍ବାରିକାନାଥ ମହାରଣା
ଖଲ୍ଲିକୋଟ, ଗଂଜାମ
Copyright @ 2024 All rights reserved. ଓଡିଶା ଜନମତ
BACK TO TOP