Odisha Janamata : ଭଉଣୀ ଭିଣୋଇଙ୍କସହ ଆସାମ ଯାଇ ଭାଇ ନିଖୋଜ |

ଭଉଣୀ ଭିଣୋଇଙ୍କସହ ଆସାମ ଯାଇ ଭାଇ ନିଖୋଜ |

11-Jun-2026

ଭିଣୋଇ ଭଉଣୀ ଙ୍କ ସହ ଆସାମ ଯାଇ ଶଳା ନିଖୋଜ,

ଓଡିଶା ଜନ ମତ ବ୍ୟୁରୋ,

ଭିଣୋଇ ଓଭଉଣୀ ସହ ଆସାମ ଯାଇ ଶଳା ନିଖୋଜ ହୋଇଥିବାର ଏକ ଖବର ଆସିଛି କୋରାପୁଟ ଜିଲ୍ଲା ନନ୍ଦପୁର ଥାନା ଅଧିନ ସେମିଳିଗୁଡା ବ୍ଲକ ପରଜା ମୁଠାଇ ପଞ୍ଚାୟତ ଲେକିଡିଗୁଡ଼ା ଗ୍ରାମର ଯୁବକ ସମୀର ଭତ୍ରା (୨୨) ନିଜ ଭଉଣୀ ଭିଣୋଇଙ୍କ ସହ ଆସାମ ଯାଇ ସେଠାରେ ଗତ ୭ ତାରିଖ ଠାରୁ ନିଖୋଜ ହୋଇ ଯାଇଛନ୍ତି। ଏନେଇ ଆସାମ ବଙ୍ଗାଇଗାମ ଥାନାରେ ଭିଣୋଇ ରାଜୀବ ରାୟ ଏତଲା ଦେଇଥିଲେ ମଧ୍ୟ ଏଯାବତ୍ ସମୀରଙ୍କ ସନ୍ଧାନ ମିଳୁନଥିବାରୁ ପରିବାର ଲୋକେ ନାନା ଆଶଙ୍କାରେ ରହିଛନ୍ତି। ଗୁରୁବାର ସମୀରଙ୍କ ପରିବାର ଲୋକେ ନନ୍ଦପୁର ଥାନାରେ ନିଖୋଜ ସମୀରର ସନ୍ଧାନ କରିବାରେ ସହାୟତା କରିବାକୁ ଅନୁରୋଧ କରିବାକୁ ଆସିଥିଲେ। କିନ୍ତୁ ପୋଲିସ ଘଟଣା ଆସାମରେ ହୋଇଥିବା ଓ ସେଠିକା ଥାନାରେ ମାମଲା ରୁଜୁ ହୋଇଥିବାରୁ ଆଉ ଏକ ନିଖୋଜ ମାମଲା ରୁଜୁ କରାଯିବ ନାହିଁ। ସେଠାରେ ରୁଜୁ ମାମଲାରେ ସାରା ଭାରତର ପୋଲିସ ସନ୍ଧାନ କରିବ ବୋଲି କହିଥିଲେ। ସମୀର ଙ୍କ ମା ଓ ବାପାଙ୍କ ସୂଚନା ମୁତାବକ ସମୀର ମାନସିକ ଅସୁସ୍ଥ। ତାଙ୍କ ଝିଅ ସଞ୍ଜିତା ଓ ଜ୍ୱାଇଁ ରାଜୀବ ଛୁଟିରେ ଘରକୁ ବୁଲି ଆସି ଫେରିବା ସମୟରେ ତାଙ୍କ ସାଥୀରେ ସମୀର ମେ ୧୫ ତାରିଖରେ ଆସାମ ଯାଇଥିଲେ। କିନ୍ତୁ ଗତ ୭ ତାରିଖରେ ସେଠାରୁ କୁଆଡେ ନିଖୋଜ ହୋଇ ଯାଇଛନ୍ତି। ପରିବାର ଲୋକେ ସମୀର କାଳେ ଓଡ଼ିଶା ଆସିବ ଭାବି ଭୁଲରେ ଅନ୍ୟ କୌଣସି ଟ୍ରେନ୍ ରେ ବସି ଅଜଣା ଜାଗାକୁ ଚାଲି ଯାଇଥାଇ ପାରନ୍ତି ବୋଲି ଆଶଙ୍କା କରିଛନ୍ତି। ଯଦି କୌଣସି ସହୃଦୟ ବ୍ୟକ୍ତି ସମୀରଙ୍କ ସନ୍ଧାନ ପାଆନ୍ତି ତାହେଲେ ପରିବାର କିମ୍ବା ନନ୍ଦପୁର ପୋଲିସକୁ ସୂଚନା ଦେବାକୁ ଅନୁରୋଧ କରିଛନ୍ତି।