Odisha Janamata : ସ୍ୱାସ୍ଥ୍ୟ ସେବାରୁ ବଞ୍ଚିତ ଲୋକେ ଗୋଷ୍ଟି ସ୍ୱାସ୍ଥ୍ୟ ଅଧିକାରୀଙ୍କୁ ଘେରିଗଲେ |

ସ୍ୱାସ୍ଥ୍ୟ ସେବାରୁ ବଞ୍ଚିତ ଲୋକେ ଗୋଷ୍ଟି ସ୍ୱାସ୍ଥ୍ୟ ଅଧିକାରୀଙ୍କୁ ଘେରିଗଲେ |

23-Jul-2026

ଗୋଷ୍ଠୀ ସ୍ୱାସ୍ଥ୍ୟ ଅଧିକାରୀଙ୍କୁ ଘେରିପ୍ରଶ୍ନ କଲେ କାଶୀ ନଗର ବାସିନ୍ଦା |

ଓଡିଶା ଜନ ମତ ବ୍ୟୁରୋ,

ଲୋକ ମାନେ ଯେତେବେଳେ ସେମାନଙ୍କ ମୌଳିକ ଅଧିକାର ରୁ ବଞ୍ଚିତ ହୁଅନ୍ତି ତେବେ ସେମାନେ ଏପରି ଉଗ୍ର ଓ କଠୋର ହୋଈ ଯାଆନ୍ତି ଯେ କୌଣସି ଅଧିକାରୀ ଙ୍କୁ ମଧ୍ୟ ଡରନ୍ତିନାହିଁ | ବିଶେଷ କରି ସ୍ୱାସ୍ଥ୍ୟ ସେବା କ୍ଷେତ୍ରରେ ଏପରି ଏକ ଘଟଣା ଦେଖିବାକୁ ମିଳିଛି ଗଜପତି ଜିଲ୍ଲା କାଶୀନଗର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ରେ ଗତ ପାଞ୍ଚ ବର୍ଷ ହେଲା ସାଧାରଣ ସୁବିଧା ରୁ ବଂଚିତ ଲୋକ ଙ୍କ ଉଗ୍ର ରୂପ ଆଜି ଦେଖିବାକୁ ମିଳିଛି.
ଘଟଣା ରୁ ପ୍ରକାଶ କି ଗତ ପାଞ୍ଚ ବର୍ଷ ହେଲା କାଶୀନଗର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ରେ ବିଭିନ୍ନ ପ୍ରକାର ସମସ୍ୟା ଲାଗି ରହିଛି. କେତେବେଳେ ଡାକ୍ତର ଙ୍କ ଅଭାବ ତ କେତେବେଳେ କର୍ମଚାରୀ ଙ୍କ ଅଭାବ, ଅବହେଳାର ଚରମ ସୀମା ରେ ପହଂଚିଥିବା ଏହି ଡାକ୍ତର ଖାନା ସମ୍ପର୍କ ରେ ଜିଲ୍ଲାପାଳ, ସ୍ୱାସ୍ଥ୍ୟ ମନ୍ତ୍ରୀ, ମୁଖ୍ୟ ଚିକିତ୍ସା ଅଧିକାରୀଙ୍କ ନିକଟ ରେ ଅନେକ ଥର ବିଭିନ୍ନ ସମସ୍ୟା ବିଷୟ ରେ ଦାବୀ ହୋଇଛି ଆସୁଛି, ତଥାପି କର୍ଣ୍ଣ ପାତ କରୁନ ଥିବା ମେଡିକାଲ ଇନଚାର୍ଜ କୁ ଆଜି ଲୋକେ ପାନେ ଦେଇଛନ୍ତି. ଗତ ସପ୍ତାହ ହେଲା ଜଣେ ସାପ କାମୁଡା ରୋଗୀ ଙ୍କୁ ଯେଭଳି ଭାବେ ମେଡିକାଲ ରେ ଚିକିତ୍ସା କରାଗଲା ସେ ନେଇ ଲୋକେ ଓ ଟାଉନ ବିଜେପି ସଭାପତି ଭି. ଚେଲାପତି ଙ୍କ ନେତୃତ୍ୱ ରେ ମହିଳା ଓ ଯୁବକ ଆଜି ମେଡିକାଲ ଇନଚାର୍ଜ ଙ୍କୁ ଘେରାଉ କରି ନାକେଦମ କରିଥିଲେ. ହସ୍ପିଟାଲ ରେ ପାଇଖାନା, ପିଇବା ପାଣି, ଔଷଧ ବିତରଣ ଠାରୁ ଆରମ୍ଭ କରି ବିଭିନ୍ନ ସମସ୍ୟା ନେଇ ପ୍ରଶ୍ନ ବାଣ କରିଥିଲେ, ମୁଖ୍ୟ ଚିକିତ୍ସା ଅଧିକାରୀ ଙ୍କ ତଦନ୍ତ ପରେ ତାଙ୍କ କଥା କିଏ ଶୁଣୁ ନ ଥିବା ବଦଳି ହେଲେ ହାଇକୋର୍ଟ କୁ ଯାଇ ସ୍ଥଗିତ କରି ରହୁଥିବା ଏଭଳି ବିଭିନ୍ନ ପ୍ରଶାସନିକ କାର୍ଯ୍ୟ ରେ ଅବହେଳା ନେଇ ଇନଚାର୍ଜ ସୌମ୍ୟ ରଞ୍ଜନ ଦାସ ଙ୍କୁ ଜନ ପ୍ରତିନିଧି ଓ ଲୋକେ କୈଫତ ତଲବ କରିଥିଲେ, ଶେଷ ରେ ଇନଚାର୍ଜ ଦାସ ଲୋକ ଙ୍କୁ ଲିଖିତ ଭାବେ ଏଣିକି ଆଉ ସେଭଳି ଭୂଲ ହେବ ନାହିଁ ବୋଲି ଲେଖି ଦେଇଥିଲେ, ଭୂଲ ଓ ଅବହେଳା ର ପୁନରାବୃତ୍ତି ହେଲେ ପରିସ୍ଥିତି ବିଷମ ହେବ ବୋଲି କାଉନ ସିଲେର ଭି ଚେଲାପତି, ସିର୍ଲା ଝାନ୍ସୀ ଚେତାବନୀ ଦେଇଥିଲେ. କାଶୀନଗର ଗଜପତି ରୁ ପ୍ରଣତି ସାବତ ଙ୍କ ରିପୋର୍ଟ.