Odisha Janamata : ଦିନକୁ ଦିନ ରାୟଗଡା ସହର ରେ ବୃଦ୍ଧି ପାଉଛି ଚୋରି |

ଦିନକୁ ଦିନ ରାୟଗଡା ସହର ରେ ବୃଦ୍ଧି ପାଉଛି ଚୋରି |

27-Jul-2026

ତିନି ଦିନରେ ତିନୋଟି ଚୋରି ରାୟଗଡା ସହର ରେ , ଜନ ସାଧାରଣ ଆତଙ୍କିତ |

ଓଡିଶା ଜନ ମତ, ରାୟଗଡା, କାମେଶ୍ୱର କର କରିଆ :---

ଦିନକୁ ଦିନ ଚୋରି ଓ ଲୁଟ୍ ଘଟଣା ରାୟଗଡା ସହର ରେ ବଢ଼ିବାରେ ଲାଗିଥିବା ବେଳେ ପୁଲିସର କାର୍ଯ୍ୟଶୈଳୀକୁ ନେଇ ସାଧାରଣରେ ଅସନ୍ତୋଷ ପ୍ରକାଶ ପାଉଛିI କି ଦିନ ତଳେ ଜଣେ ସାମ୍ବାଦିକଙ୍କ ଘରେ ଚୋରି ଉଦ୍ୟମ ହୋଇଥୁଲା।ଏହାରି ପରେ ସହରର ନ୍ୟୁ କଲୋନୀ ଅଞ୍ଚଳରେ ବାଇକ ଚୋରି କରିବା ଦୃଶ୍ୟ ସିସିଟିଭିରେ କଏକ ହୋଇଥିଲା। ଏହାରି ପରେ ରାୟଗଡ଼ା ସହରରେ ରାତ୍ର ୭ଟା ସମୟରେ ପି ଏସ ଆର ଫିଲ୍ମ ହଲ୍ ନିକଟରେ ଥିବା ଏକ ଘରେ ଏକ ବଡ଼ଧରଣର ଚୋରି ହୋଇଥିଲା ପରିବାର ଲୋକେ ଗୁଣ୍ଡିଚା ମନ୍ଦିରକୁ ଦର୍ଶନ ପାଇଁ ଯାଇଥିଲେ। ଏହି ସମୟର ସୁଯୋଗ ନେଇ ଦୁର୍ବୃତ୍ତମାନେ ଘରର ଏକ ଝରକା ଭାଙ୍ଗି ଭିତରକୁ ପ୍ରବେଶ କରିଥିଲେ। ଚୋରମାନେ ଘର ଭିତରେ ଥିବା ଆଲମାରି ତାଡ଼ି ପ୍ରାୟ ୧୫ ଭରି ସୁନା ଅଳଙ୍କାର, ସହପ୍ରାୟ ୨ଲକ୍ଷ ଟଙ୍କା ନଗଦ ଲୁଟିନେଇ ଥିଲେ ପୁଣୀଥରେ ଗତକାଲି ବିଳମ୍ବିତ ରାତ୍ରୀରେ ରାୟଗଡ଼ା ସହରରେ ରୋହିତ କୋଲନୀ ଠାରେ ଅବସ୍ଥିତ କାଶୀ ବିଶ୍ୱେଶ୍ୱର ଶିବ ମନ୍ଦିରରେ ଦୁର୍ବୁତ୍ତ ମାନେ ଚୋରି ଉଦ୍ୟମ କରିଥିଲେ। ଦୃବୁତ ମାନେ ମନ୍ଦିର ଗେଟ ତାଲା ତାଡିବା ସହିତ ଦାନ ହୁଣ୍ଡି ଭାଙ୍ଗିବାକୁ ଉଦ୍ୟମ କରି ବିଫଳ ହୋଇଛନ୍ତି।ଆଜି ସକାଳୁ ପୂଜକ ମନ୍ଦିର ମୁଖ୍ୟ ଫାଟକ ଖୋଲିବା ପରେ ଘଟଣା ସମ୍ପର୍କରେ ରାୟଗଡ଼ା ଟାଉନ ଥାନାକୁ ଖବର ଦେଇଥିଲେ।ପରେ ଘଟଣା ସ୍ଥଳରେ ପୋଲିସ ପଂହଁଚି ତଦନ୍ତ ଆରମ୍ଭ କରିଛି।ବିଶେଷକରି ରାତ୍ରିକାଳୀନ ପାଟ୍ରୋଲିଂକୁ ନେଇ ସ୍ଥାନୀୟ ବାସିନ୍ଦା ପ୍ରଶ୍ନ ଉଠାଇଛନ୍ତି।ଏ ସମ୍ପର୍କରେ ରାୟଗଡ଼ା ଥାନା ଆଇଆଇସି ପ୍ରସନ୍ନ ବେହେରା କହିଛନ୍ତି ଘଟଣାର ତଦନ୍ତ ଜାରି ରହିଛି ବୋଲି ସୂଚନା ଦେଇଛନ୍ତି।