Odisha Janamata : ଗଞ୍ଜେଇ ଧରି ବସ କୁ ଅପେକ୍ଷା କଲାବେଳେ ପୋଲିସ ଦ୍ଵାରା 2ଗିରଫ |

ଗଞ୍ଜେଇ ଧରି ବସ କୁ ଅପେକ୍ଷା କଲାବେଳେ ପୋଲିସ ଦ୍ଵାରା 2ଗିରଫ |

27-Jul-2026

ଗଞ୍ଜେଇ ଧରି ବସ୍‌କୁ ଅପେକ୍ଷା କରିଥିଲେ, କୌଣସି ଠାରୁ ଖବର ପାଇ ଗିରଫ କଲା ପୋଲିସ |

ଓଡିଶା ଜନ ମତ ବ୍ୟୁରୋ,

ଆଜି କାଲି ପୁରୁଷ ଙ୍କ ସହିତ ମହିଳା ମାନେ ମଧ୍ୟ ଅପରାଧିକ ଉପାୟରେ ଅର୍ଥ ରୋଜଗାର ପାଇଁ ଲାଗିପଡ଼ୁଛନ୍ତି | ତାହାପୁଣି ଗଞ୍ଜେଇ ଭଳି ଏକ ମାରାତ୍ମକ କାର୍ଯ୍ୟରେ | ତେବେ ଅର୍ଥ ରୋଜଗାର ସହିତ ଜେଲ ଯାଇ ନାଁ କରିବା ବହୁତ ବୁଦ୍ଧି ମାନର କାମ ଅଟେ | ଗଞ୍ଜେଇ ଧରି ଅନ୍ୟତ୍ର ଚାଲାଣ ପାଇଁ ବସକୁ ଅପେକ୍ଷା କରିଥିଲା ବେଳେ ମାଡିବସିଲା ପୋଲିସ, ଜଣେ ଯୁବତୀଙ୍କ ସମେତ ଦୁଇଜଣଙ୍କୁ କଲା ଗିରଫ | ଏପରି ଘଟଣା ଦେଖିବାକୁ ମିଳିଛି ମୋହନା ଥାନା ପୋଲିସ ସ୍ଥାନୀୟ ଅଞ୍ଚଳରେ ପାଟ୍ରୋଲିଂ କରୁଥିବାବେଳେ ରାଇସିଂ ଛକ ନିକଟରେ ଦୁଇଟି ବ୍ୟାଗରେ ବେଆଇନ ଭାବେ ଗଞ୍ଜେଇ ପରିବହନ କରିବା ପାଇଁ ବସ୍‌କୁ ଅପେକ୍ଷା କରିଥିଲେ ମୋହନା ପଞ୍ଚାୟତର ରାଣୀ ବୀର(୨୧) ଓ ମହାରାଷ୍ଟ୍ରର ବିଶାଲ ଏସ ପାୱାର( ୪୬) । ପୋଲିସ ସେମାନଙ୍କୁ ସନ୍ଦେହ କରି ବ୍ୟାଗ ତନଖିବା ବେଳେ ସେଥିରୁ ଗଞ୍ଜେଇ ଜବତ କରିବା ସହ ଦୁଇ ଜଣକୁ ଗିରଫ କରିଥିଲା । ସ୍ଥାନୀୟ ତହସିଲଦାର ଚକ୍ରଧର ପାଢ଼ୀଙ୍କ ଉପସ୍ଥିତିରେ ଗଞ୍ଜେଇ ବସ୍ତାକୁ ଓଜନ କରିବାରୁ ତାହା ୪୪ କିଲୋ ହୋଇଥିଲା। ଗଞ୍ଜେଇ ଚୋରାଚାଲାଣରେ ସଂପୃକ୍ତ ତଥା ଗିରଫ ଦୁଇଜଣଙ୍କୁ ଗଞ୍ଜେଇ ଆଣି ଦେଇଥିବା କନ୍ଧମାଳ ଜିଲା ଦାରିଙ୍ଗି ବାଡ଼ି ଗ୍ରାମର ରସାନନ୍ଦ ନାୟକ ( ୩୬)କୁ ଅଡ଼ବା ଅଞ୍ଚଳରୁ ପୋଲିସ ଗିରଫ କରି ସମସ୍ତ ଅଭିଯୁକ୍ତଙ୍କୁ କୋର୍ଟଚାଲାଣ କରିଛି । ଏହି କାରବାରରେ ୧୫୦/୨୬ ରେ ମାମଲା ରୁଜୁ କରି ଆଉ କେଉଁମାନେ ଜଡ଼ିତ ଅଛନ୍ତି ସେ ନେଇ ପୋଲିସ ତଦନ୍ତ ଜାରି ରଖିଛି।